103
Devit ga pit iakan ra ninge.
1 I tahut bia iau ni pirlat no Watong ma no nugu kidilona nilon.
Ma i bilai bia iau ni pirlat no halhaliana hinsana ma no balagu bakut mah.
2 Lo 6:12I tahut bia iau ni pirlat no Watong ma no nugu kidilona nilon,
ma iau ni lik kawase ira uno haraidaan bakut.
3 KBk 34:6,7; 15:26Aie nong i la liklik luban se ira num magingin sakena bakut
ma i la halangalanga ugu ta ira num minaset bakut.
4 Aie nong i kul pukus leh no num lon bia kabu haan taar tano minaat
ma i haidane ugu ma no uno harmarsai ma i manga kalak ugu.
5 Ais 40:31Aie nong i banot ira num masmasingan ma ira bilai na linge,
kaik nugu hanuat baling hoing tiga marawaan ma nugu dadas hoing tiga malaba.
6 No Watong auno no dadas wara bul ira takodasiana harkurai
wara harharahut ira tunotuno ing di ubal diet.
7 KBk 33:13Ga hapuasne tar ira uno tintalen taar ta Moses,
ma ira uno gingilaan taar ta ira matanaiabar me Israel.
8 Nam 14:18No Watong i tar bia mon no uno harmarsai,
i matien wara ngalngaluan, ma i hung ma tiga mangana harmarsai nong pana le pataam.
9 Nng 30:5; Ais 57:16Pai tale bia na hartutung hait,
ma pai tale bia na lik hatikane tar no uno ngalngaluan.
10 Esr 9:13Pai la hapidanau het haruat ma ira nuhet magingin sakena
ma pai balu pukus het haruat ma ira numehet sakana tintalen.
11 Kanong warah, hoing no mawe i naliu saakit tano pise,
no uno harmarsai i manga tamat mah taar ta diet ing diet ru ie.
12 Hb 9:26Hoing i tapaka merau hono kasakes i la tutut hut mekaia ukai hono kasakes i la sungsuguh kaia,
io huo, i kap ise ira nudahat magingin sakena tapaka saakit talur dahat.
13 Hoing tiga tata i la marmarse ira natine,
huo mah no Watong i la marmarse diet ing diet ru ie,
14 Stt 3:19; Sav 12:7kanong i nunure tar ing dahat ga tahuat huo,
ma i lik leh bia a kaabus mon dahat.
15 Ais 40:6,7; 1Pt 1:24; Jm 1:10,11Ma dahat ira tunotuno, ira udahat bung na nilon i haruat ma ra huro.
Dahat kubur nunuhuan hoing tiga purpur.
16 Iesen no dadaip i puuh isei,
ma no katon nong ga kubur kaia pai nes habalin um ie.
17 KBk 20:6Iesen no harmarsai tano Watong tupas diet ing diet ru ie i kis hathatikai,
ma ira uno takodasiana magingin i kis hatika taar ta ira udiet bulumur.
18 Lo 7:9I kis hatika taar ta diet ing diet mur no uno kunubus,
diet at ing diet lik kawase tar ira uno hartula ma diet gil haruatne.
19 Dan 4:17,25No Watong i te hakisi no uno kinkinis na king aram ra mawe,
ma no ula hanuo bakut i kis menapu tano uno harkurai.
20 Hb 1:14Muat ira uno angelo, i tahut bia muat na pirlat no Watong,
muat at ira ut na baso ing muat gil haruatne ira uno nianga
ma muat la murmur asa ing i tange.
21 1Kng 22:19; Lk 2:13Muat bakut ira uno umri kenam ra mawe, muat na pirlat no Watong,
muat at ira uno tultulai ing muat la gilgil haruatne ira uno sinisip.
22 I bilai bia ira uno pakpakilai bakut
ta ira kaba katon bakut tano uno harbalaurai, diet na pirlat no Watong.
I tahut bia iau ni pirlat no Watong ma no nugu kidilona nilon.
103:2: Lo 6:12
103:3: KBk 34:6,7; 15:26
103:5: Ais 40:31
103:7: KBk 33:13
103:8: Nam 14:18
103:9: Nng 30:5; Ais 57:16
103:10: Esr 9:13
103:12: Hb 9:26
103:14: Stt 3:19; Sav 12:7
103:15: Ais 40:6,7; 1Pt 1:24; Jm 1:10,11
103:17: KBk 20:6
103:18: Lo 7:9
103:19: Dan 4:17,25
103:20: Hb 1:14
103:21: 1Kng 22:19; Lk 2:13