121
A ninge utano hinahaan uram Ierusalem.
1 Ais 40:9Iau nanaas uram ta ira uladih.
No nugu harharahut na hanuat meh?
2 No nugu harharahut i hanuat mekaia tano Watong
nong ga hakisi no mawe ma no ula hanuo.
3 Pa na bale ira kakim bia na malmalagir wara punuko.
Aie nong i nes mur tar ugu pa na sumsumela.
4 Tutun saakit, aie nong i nes mur tar ira Israel
pa na sumsumela ma pa na kubaba mah.
5 Ais 25:4No Watong i la nesnes mur ugu.
No Watong aie no ududuh tano kata na limaam.
6 Nng 91:5; Ais 49:10No kasakes pa na rang hagahe ugu tano tingena kasakes,
ma bia no teka mah tano bung.
7 Nng 91:10-12No Watong na balaure bat ugu ta ira saksakena bakut.
Na nes mur no num lon.
8 Lo 28:6No Watong na nes mur ugu tano num hinaan laah ma no num hinanuat mah,
kaiken ma namur ma pa na pataam.