1Isirayila to mini Misiran yamanani,

Yaxuba yixɛtɛne to keli yamanani

e yi xɔɲɛyani dɛnaxan yi,

2Yuda yi findi Alaa yama sariɲanxin na.

Isirayila yi findi a gbeen na.

3Fɔxɔ igen to a to, a yi a gi,

Yurudɛn Baan yi xɛtɛ a xanbi ra.

4Geyane yi tugan alo kontonne

yire matexine fan yi tugan

alo yɛxɛɛ diine.

5Fɔxɔ igena, nanfera i i gima?

Yurudɛn baana,

nanfera i xɛtɛma i xanbi ra?

6Ɛ tan geyane, nanfera ɛ tuganma

alo kontonne,

ɛ tan yire matexine,

nanfera ɛ tuganma alo yɛxɛɛ diine?

7Bɔxɔn xa xuruxurun Marigin yɛɛ ra,

Yaxubaa Ala.

8A tan naxan fanyene findi darane ra,

a yi gɛmɛ gbeen findi tigin na.