7
Ya pinhed Apu Dios ni peamtan nan patul e hi Ahas
1 Yan nampatulan Ahas e u-ungngan Jotham e u-ungngan Ussiah di Judah ey ginubat di Resin e patul di Syria et hi Pekah e u-ungngan Remaliah e patul di Israel ida iJerusalem, nem eleg dadda apputen. * 7:1 Ang-ang yu hu 2 Kings 16:5.
2 Dingngel Ahas e patul ni Judah e kabaddangiddan sindalun Syria ida sindalun Israel ni mengubbat ni hi-gadan iJudah ey nemahhig takut tu. † 7:2 Yan nunman ey hi Ahas e patul et yadda sindalu tu ey inapput idan iSyria et yadda iIsrael di gubat. (Ang-ang yu hu 2 Chronicles 28:5-8.) Anin idan tutu-u tu et nemahhig dama takut da et ida kamanggegeygey e henidda keyew ni kapan-igiwwed ni pewek.
3 Nem kan Apu Dios nan Isaiah ey “Ikuyug mu eya u-ungngam e hi Shear Jashub ‡ 7:3 Ya keibbellinan ni ngadan nan Sear Jashub ey “Wadaddalli hahhakkey ni tutu-un metdaan.” et yu dammuen hi Ahas e patul. Immen di keltad ni kapangngunnuiddan kamengapyan balwasi etan di pappeg ni alak ni kadellanan danum ni kamelpud Lebeng di Ahpat. 4 Ehel mun hi-gatu et mandaddan niya pelinggep tu nemnem tu et eleg tumekut. Ya bunget nan hi Resin e patul, niyadda edum tun iSyria ni hi Pekah e patul e u-ungngan Remaliah, ey beken ni anggetakkut tep ya bunget da ey henin kamangke-dep ni ngalab ni dewwan ittungu. § 7:4 Hi Resin e patul ni Syria et hi Pekah e patul ni Israel, ey henidda etan ni kamangke-dep ni dewwan ngalab tep nekapuy ida sindalu da. Inapput ni Assyria hu Syria eman ni 732 B.C. niya nelabah hu hampulun toon ey inapput ni Assyria hu Israel eman ni 722 B.C. et ilaw dadda iIsrael di bebley da et pambalin daddan himbut diman.
5 Em, implanuh idan nunman ni patul ni Syria niya Israel e 6 gubbaten da hu Judah niya sinattakkut dadda tutu-udman, ma-lat mei-dum idan hi-gada niya ma-lat pambalin dan patul ni Judah etan u-ungngan Tabeel.
7 Nem hi-gak e hi Apu Dios e Eta-gey ni peteg ey eggak i-abulut ni meippahding humman ni planuh da. 8 Tep beken ni na-na-let hu Syria nem ya Damascus e capital nunman ni bebley. Et humman hu, endi ikkedhel idan tuudman, anin ya patul da e hi Resin. Anin ni ya Israel et melebbah hu na-nem et liman toon et mekabbahbah. * 7:8 Yadda etan hahhakkey ni natdaan ni helag Israel ni eleg mailaw di Assyria ey naka-apput ida et malebah hu 65 ni toon (669 B.C.) ey beken law ni hi-gada nan-ap-apun tutu-u da, tep impaelin Assyria e nansakup ni hi-gada hu ap-apu da. 9 Emin hu bebley di Israel ey endi ikkedhel da, anin ni ya Samaria e capital ni bebley da. Et humman hu, endi dama ikkedhel idan tuudman, anin ya patul da e hi Pekah.
Nem hedin eleg yu pannananeng dinel yun hi-gak, man endi kabaelan yu.”
Ya pengi-immatunan ni ellian nan Emmanuel
10 Intu-dak mewan Apu Dios hi Isaiah ni an menghel nan Ahas e patul ni pinhed tun e-helen ni hi-gatu. Heninnuy hu inhel Apu Dios: 11 “Ibegam ni hi-gak e Ap-Apu e Dios mu hu pengi-immatunam e makulug ni baddangan daka ma-lat apputen mudda buhul mu. Dammutun ya iddawat kun pengi-immatunam ey melpud kabunyan winu melpud nandaul di Dungay, ngenamung kan pinhed mun pillien.”
12 Nem eleg abuluten Ahas e kantuy “Eleggak mambeggan pengi-immatunak, eggak pinhed tep eleg mahapul ni nak patnaan hu kakulugan tun kae-helan Apu Dios.” † 7:12 Hi Ahas ey ma-nu ehel tu tep heni makulug ni tuka iddinel hi Apu Dios, nem ya kakulugan tu ey tuka nemnemneman mampebaddang idan iAssyria ni mengubbat idan iIsrael niyadda iSyria. Ang-ang yu hu 2 Kings 16:7-9.
13 Et kan Isaiah nan Ahas et yadda edum tuy “Hi-gayun edum kun helag David ey nepappeg tu-wa anhan law hu anus kun hi-gayu, ey tuu-ak ni ebuh. Kaw anin ni hi Apu Dios et pinhed yun mepappeg hu anus tun hi-gayu? 14 Imay tep et hi-gatu mengidwat ni pengi-immatunan yulli: Yalli etan kat-agun bii ey i-ungnga tulli hu gelang ni laki, niya ngeddanan tullin hi “Emmanuel.” ‡ 7:14 Ya inhel dedan Apu Dios ni meippanggep nan Emmanuel ey dewwa neipeamnuan tu. Ya nemangulu ey in-ungngan kat-agun bii hu gelang ni laki eman ni nelabah ni ebuh pigan toon neipalpun nanghelan Apu Dios ni nunya. Endi maptek hedin hipa huyyan gelang. Yadda edum ni tuu ey kanday u-ungnga winu inap-apun patul. Ya meikkadwa ey ya in-ungngan Maria e hi Jesus Christo eman ni nelabah hu dakel ni toon neipalpun nanghelan Apu Dios ni nunya. 15 Yallin keettengan tun amta tu law ni mampilli hedin hipa kayyaggud niya lawah, ey ya kennen idan tutu-u ey ya gatas niya putsukan. § 7:15 Ya edum ni tutu-un nengamtan Hebrew ey kanday, tep ya kennen idan iJudah ey gatas niya putsukan ni ebuh ey humman keang-angan tun wada panliggatan da. Nem ya hakey ni pinhed tun e-helen ey mehawwahawwal ali hu kennen di Judah, tep yan nunman ali pengapputan idan iAssyria ni Israel et ya Syria. 16 Nem eleg medettengi humman ni aggew ey meapput ida etan dewwan patul e yuka tattakusin patul ni Israel et ya patul ni Syria. Em, nanna-ud ni meapput hu bebley idan nunman ni patul et mawehit idalli tutu-udman.
Ya pemahbahan idan iAssyria ni Judah
17 Nem peellillin Apu Dios hu nehalman ni ligat ni hi-gam, e Ahas, yadda tutu-um et yadda neiegin hi-gam. Nehalman ni anggetakkut huyyan um-alillin helheltapen yun ligat nem yadda la ligat ni hineniktaman ni bebley tayu neipalpu eman ni neappilan ni Israel di Judah. Peelli tulli hu patul di Assyria et yadda sindalu tu.
18 Yan nunman alin aggew, ey mantulpip hi Apu Dios et pengamtaan idan iEgypt et heniddalli aggiyyet ni um-alin mangkelpud kedaddawi-an ni bebley di pangan Wangwang e Nile. Um-alidda dama hu iAssyria e heniddalli babbayung, 19 et maihinap idan emin eyad bebley yu anin idad nedeklan, yaddad leyang, yaddad nangkahbitan et yaddad pattullan.
20 Hedin medettengan ali humman ni aggew ey an ali ewwiten nan Apu Dios hu patul di Assyria di ba-hil ni Wangwang e Euphrates et umlin mengubbat ni hi-gayu. Humman ni patul ey henin etan ni kametangdanin kamampu-lit, tep bahbahen tulli emin hu wadan hi-gayu e heni kep-uhan tulli iming yu, ya bewek ni ulu yu, et yadda bewek ni annel yu.
21 Yan kedettengan alin nunman ni aggew, ey nemahhig ali panhelheltapan idan tutu-un metdaan et ya hakey ni pamilyah ey hakey ni baka niya dewwan kalneroh ni ebuh hu wadan hi-gada. 22 Et yaddalli hahhakkey ni tutu-un metdaan ey ebuh ali gatas et ya putsukan ni kennen da.
23 Yan nunman ali mewan ni tsimpuh, ey yadda kayyaggud ni pantenneman ni kametennemin hanlibun grapes e kamambalol ni hanlibun palatah ni pilak, ey mangkebel-ah et ya hebit niya gugulun umtemel. 24 Et umlaw idalli tutu-un mandedweng diman tep umkeya-mun ali etta-teng ni helek ni nangkahbitan. 25 Yadda etan duntug ni netaneman nunman ey endi law umlaw diman, tep simmemel ida nangkahbitan ni helek ey yadman kapengnganniddan babakka niyadda kakalneroh ni helek.”

*7:1 7:1 Ang-ang yu hu 2 Kings 16:5.

†7:2 7:2 Yan nunman ey hi Ahas e patul et yadda sindalu tu ey inapput idan iSyria et yadda iIsrael di gubat. (Ang-ang yu hu 2 Chronicles 28:5-8.)

‡7:3 7:3 Ya keibbellinan ni ngadan nan Sear Jashub ey “Wadaddalli hahhakkey ni tutu-un metdaan.”

§7:4 7:4 Hi Resin e patul ni Syria et hi Pekah e patul ni Israel, ey henidda etan ni kamangke-dep ni dewwan ngalab tep nekapuy ida sindalu da. Inapput ni Assyria hu Syria eman ni 732 B.C. niya nelabah hu hampulun toon ey inapput ni Assyria hu Israel eman ni 722 B.C. et ilaw dadda iIsrael di bebley da et pambalin daddan himbut diman.

*7:8 7:8 Yadda etan hahhakkey ni natdaan ni helag Israel ni eleg mailaw di Assyria ey naka-apput ida et malebah hu 65 ni toon (669 B.C.) ey beken law ni hi-gada nan-ap-apun tutu-u da, tep impaelin Assyria e nansakup ni hi-gada hu ap-apu da.

†7:12 7:12 Hi Ahas ey ma-nu ehel tu tep heni makulug ni tuka iddinel hi Apu Dios, nem ya kakulugan tu ey tuka nemnemneman mampebaddang idan iAssyria ni mengubbat idan iIsrael niyadda iSyria. Ang-ang yu hu 2 Kings 16:7-9.

‡7:14 7:14 Ya inhel dedan Apu Dios ni meippanggep nan Emmanuel ey dewwa neipeamnuan tu. Ya nemangulu ey in-ungngan kat-agun bii hu gelang ni laki eman ni nelabah ni ebuh pigan toon neipalpun nanghelan Apu Dios ni nunya. Endi maptek hedin hipa huyyan gelang. Yadda edum ni tuu ey kanday u-ungnga winu inap-apun patul. Ya meikkadwa ey ya in-ungngan Maria e hi Jesus Christo eman ni nelabah hu dakel ni toon neipalpun nanghelan Apu Dios ni nunya.

§7:15 7:15 Ya edum ni tutu-un nengamtan Hebrew ey kanday, tep ya kennen idan iJudah ey gatas niya putsukan ni ebuh ey humman keang-angan tun wada panliggatan da. Nem ya hakey ni pinhed tun e-helen ey mehawwahawwal ali hu kennen di Judah, tep yan nunman ali pengapputan idan iAssyria ni Israel et ya Syria.

© 2009 WBT