Yinni Gusunɔ, nɑ nun soku, ɑ nɑ fuuku nɛn mi.

A nɛn nɔɔ swɑɑ dɑkio nɑ̀ n nun sokumɔ.

2 A de nɛn kɑnɑru tu nun ɡirɑri nɡe turɑre nubu duroruɡiɑn wiisu.

Kpɑ nɔmɑ ye nɑ yiiye yɑ n sɑ̃ɑ nɡe kɛ̃ru

te bɑ rɑ kɑ nun nɑɑwɛ wunɛn sɑ̃ɑ yerɔ yokɑ.

3 Yinni Gusunɔ, ɑ nɛn nɔɔ bɔkuo.

A nɛn nɔɔ sɑrusu kɔ̃suo.

4 A ku de nɛn ɡɔ̃ru ɡu dɑ kɔ̃sɑ ɡiɑ.

A ku de n kom kɔ̃sum ko kɑ be bɑ ɡem sɑriru swĩi.

A ku de n kɑ bu tɔ̃ɔ bɑkɑ dim di.

5 Gemɡii ù n mɑn so, kĩrɑ u mɑn sɔ̃ɔsi.

Ù n mɑn ɡerusi, u mɑn ɡum tɑ̃rewɑ nɛn wirɔ.

Nɑ ǹ ye yinɑmɔ.

Adɑmɑ nɑ ǹ nɛn kɑnɑru mɑrimɔ tɔn kɔ̃sobun sɔ̃.

6 Gusunɔ, ɑ ben siri kowobu sureo kpenu sɔɔ,

kpɑ bu nɛn ɡɑri swɑɑ dɑki,

domi yi sɑ̃ɑwɑ ɡɑri dori.

7 Nɡe mɛ bɑ̀ n kɔrɔ mɔ̀ tem mu rɑ nɔɔ bɑɑre,

nɡe mɛyɑ ɡɔribun wɑ̃ɑ yerɑ koo nɔɔ bɑɑrɑ

tu ben kukunu mwɛ ni nu yɑrinɛ.

8 Yinni Gusunɔ, wunɑ nɑ mɛɛrɑ.

Wunɛn miyɑ nɑ kukuɑ.

A ku nɛn wɑ̃ɑru doke kɑri sɔɔ.

9 A mɑn ɡbɑro tɔn kɔ̃sobun yinɑ ye bɑ mɑn bɛrien di.

A mɑn ɡbɑro ben tɑɑ ye bɑ mɑn bɛrien di.

10 A de tɔn kɔ̃so be, bu wɔri ben yinɑ sɔɔ,

kpɑ nɛ, n kisirɑ min di.