5
1 ቄሳቱዋ ኡባቱዋ ካፓቱ ሁጲያን ሁጲያን ባሬ ኣሳ ጊዶፔ ዶሬቲዴ፥ ሄ ኣሳ ጊሻታው ፆሳው ኦꬃናው፥ ኢሙዋ ኢማናዉኔ ናጋራ ያርሹዋ ያርሻናው ሱንꬄቴዲኖ። 2 ኢ ባሬ ሁጴው ዳቡራንቻ ጊዲያ ዲራው፥ ታማሪቤናዋንቶኔ ባሊያዋንቶ ቃሬታናው ዳንዳዬ። 3 ሄዋ ዲራው፥ ሄ ቄሳቱዋ ኡባቱዋ ካፑ ኣሳ ዲራው ያርሹዋ ያርሺያዋዳን፥ ባሬ ሁጴ ናጋራ ዲራዉካ ያርሻናው ቤሴ። ዎግ 9፡7
4 ፆሳይ ኣሮና ቄሳቱዋ ኡባቱዋ ካፑዋ ጊዳና ማላ ፄሴዳዋዳን፥ ፆሳይ ፄሳናፔ ኣቲን፥ ኦኒኔ ቄሳቱዋ ኡባቱዋ ካፑዋ ጊዲያ ቦንቹዋ ባሬው ኣካናው ዳንዳዬና። ኬስ 28፡1 5 ሄዋዳንካ፥ ኪሪስቶሲ ቄሳቱዋ ኡባቱዋ ካፑዋ ጊዲያ ቦንቹዋ ባሬው ኣኪቤና፤ ሺን ፆሳይ ኣ፥
«ኔኒ ታ ናዓ።
ታኒ ሃቼ ኔው ኣዉዋ ጊዳዲ»
ያጌዳ። ማዝ 2፡7 6 ሄዋዳንካ ቃሲ ሃራሳን፥
«ማልኪ-ፄዴቂ * ማልኪ-ፄዴቂ፡ ሃ ሱንꬃይ ኤጫ ጫቁዋን ፄሴቴዳዌ፥ ኢ ቄሳ ኣሮኔፔ ካሴና ዴዔዳዌ ኤሬቶ ዲራሳ። ኣ ጉዬ ዛሪያባሲኔ ኣ ሃይቁዋባሲ ኣይኔ ጌቴቶዌ ባዋ። 7፡3፤ ዶም 14፡17-20 ፄሊቴ። ቄሳ ጊዴዳዋዳን፥
ኔኒካ ሜꬊናው ቄሳ ጊዳና»
ያጌዳ። ማዝ 110፡4
7 ዬሱሲ ሳዓን ዴዒያ ዎዴ፥ ባሬና ሃይቁዋፔ ኣሻናው ዳንዳዪያ ፆሳ ሎይꬂ ዬኪዴኔ ኣፎፂዴ ዎሴዳኔ ኦቼዳ፤ ፆሳይ ኣ ዎሳ ሲሴዳዌ፥ ኢ ባሬና ቶቼዳዋሳኔ ኣው ያዬዳዋሳ። 8 ዬሱሲ ፆሳ ናዓ ጊዶፔኔ፥ ባሬ ዋዬቴዳ ዋዪያን ኣዛዜቲያዋ ታማሬዳ። 9 ዬሱሲ ባሬ ኦሱዋ ፖሌዳ ዎዴ፥ ባሬው ኣዛዜቲያ ኡባው ሜꬊና ኣቶቴꬃ ዴማናው ጋሶ ጊዴዳ። 10 ቃሲ ፆሳይ ማልኪ-ፄዴቃ ሱንꬃቴꬃዳን፥ ቄሳቱዋ ኡባቱዋ ካፑዋ ጊዳና ማላ፥ ኣ ሱንꬄዳ።
ኣሳይ ባሌናዳን ኦዴቴዳ ሚኖ ኦዱዋ
11 ኑኒ ሃ ዬዉዋን ሃሳያናባይ ዳሮባይ ዴዔ፤ ሺን ሂንቴንቱ ኣኬካናው ኣዛላ ጊዲያ ዲራው፥ ሂንቴንቱሲ ኦዲ ጌሊሳናው ዋዪሴ። 12 ኣዪሲ ጎፔ፥ ሂንቴንቱ ሃ ዎዲያን ታማሪሲያዋንታ ጊዳናው ቤሶፔካ፥ ፆሳ ቃላ ኮይሮ ቲሚርቲያ ሂንቴንታ ዛሪ ታማሪሲያ ኢቲ ኡራ ኮሼ፤ ሂንቴንታ ኡሺያ ማꬃ ኮሼፔ ኣቲን፥ ጮሚያ ቁማ ኮሼና። 13 ማꬃ ፓኬቲዴ ዴዒያ ኦኒኔ ጋጪኖ ናዓ ጊዲያ ዲራው፥ ፂሎቴꬃ ቲሚርቲያዋ ኤሬና። 14 ሺን ሚኖ ቁማይ ኢታኔ ኬካ ዴዑዋ ዳሩዋን ሻኪ ኤሬዳ ዎዛናማ ኣሳሳ።