1 ሄዋ ዲራው፥ ፆሳይ ፄሴዳ ጌሻ ኢሻቶ፥ ኑ ማርካቴꬃ ፆሳይ ኪቴዳዋ ቄሳቱዋ ኡባቱዋ ካፑዋ፥ ዬሱሲ ኪሪስቶሳ ቆፒቴ። 2 ሙሴ ባሬ ኪታን ፆሳ ጎሊያ ኡባን ኣማኔቴዳዋ ጊዴዳዋዳን፥ ዬሱሲካ ባሬና ዶሪዴ፥ ሃ ኦሶ ዬዴዳ ፆሳው ኣማኔቴዳዋ። ፓይ 12፡7 3 ኣዪሲ ጎፔ፥ ኬፄቲያ ጎሊያፔ ኬፂያ ቢታኒ ቦንቼቲያዋዳን፥ ሙሴዋፔ ኣꬊያ ቦንቹዋ ኢ ኣካናው ቤሲያዌ ኤሬቴዳዋ። 4 ኣዪሲ ጎፔ፥ ጎሊያ ኡባ ኬፄዳዌ ኢቲ ኣሳ፤ ሺን ኡባባ ኬፄዳዌ ፆሳ። 5 ሙሴ ፆሳ ጎሊያ ኡባን ኣማኔቴዳ ኦሳንቻ ጊዲዴ፥ ፆሳይ ሲንꬃፔ ጋናዋ ማርካቴዳ። 6 ሺን ኪሪስቶሲ ፆሳ ጎሌን ናዓዳን ኣማኔቴዳዋ፤ ኑኒ ኣካና ጊዴ ናሼቻን ናጊያዋ ፃላቴꬃኒኔ ኣማኑዋን ናጎፔ፥ ፆሳው ጎሊያ ጊዴቶ።

7 ሄዋ ዲራው፥ ጌሻ ኣያናይ ሃዋዳን ያጌ፤

12 ታናዳን ኣማኒያዋንቶ፥ ዴዑዋ ፆሳፔ ሂንቴንታ ሻኪያ ኢታ ኣማኔና ዎዛናይ ሂንቴናን ኦናኒኔ ዴዔና ማላ ናጌቲቴ። 13 ሺን ፆሳይ ሂንቴንታ ኡባ ጋላሲ ሃቼ ጊዴ ፄሲሺን፥ ሂንቴፔ ኦናኔ ናጋራይ ባሌꬂና፥ ዞሪያ ኣኬናን ኢፄና ማላ፥ ኢቱ ኢቱዋ ዞሪቴ። 14 ኣዪሲ ጎፔ፥ ኑኒ ኮይሮ ኑሲ ዴዒያ ኣማኑዋ ዉርሴꬃይ ጋካናው ሎይꬂ ናጎፔ፥ ኪሪስቶሳና ኢቲፔ ሻካና። 15 ፆሳ ማፃፋይ፥

16 ፆሳይ ጊያዋ ሲሲዴ፥ ኣው ማካሌዳ ኣሳቱ ኦኔ? ሙሴ ጊብፄፔ ካሌꬂና ኬሴዳ ኡባቱዋ ጊዲኪኖዬ? ፓይ 14፡1-35 17 ፆሳይ ኦይታሙ ላይꬃ ኦናን ሃንቄቴዴ? ኣኃይ ዎራን ኣቴዳ ኣሳቱዋ፥ ናጋራ ኦꬄዳዋንታ ጊዲኪኖዬ? 18 ቃሲ ፆሳይ ባሬው ኣዛዜቴናን ኢፄዳዋንቱ ኢ ሼምፒያ ሳዓ ኡባካ ጌሌና ማላ፥ ኡንቱንቱሲ ጫቄዳዋፔ ኣቲን፥ ኦሲ ጫቄዴ? 19 ኡንቱንቱ ኣማኒቤና ዲራው፥ ሼምፒያሳ ጌላናው ዳንዳዪቤናዋ ኑኒ ቤዔቶ።