6
1-2 ሄዋ ዲራው፥ ኪሪስቶሳ ቲሚርቲያ ቢሮ ዶሚያዋ ኣጊዴ፥ ዎዛናማ ኣሳ ቲሚርቴው ሲንꬃው ቦይቴ፤ ኮይሮ ኑኒ ታማራናው ኮሺያ ቲሚርቲያ ዎꬊ ኤቂዴ ታማራናው ኑሲ ቤሴና፤ ሄ ቲሚርቲ ኣዬ ጎፔ፥ ማዴና ኦሱዋፔ ሲሚያዋ፥ ፆሳ ኣማኒያዋ፥ ፂንቃታቱዋባ፥ * ፂንቃታቱዋባ፡ ሜቻቱዋባ ጊያዋ ጊዲዴ ጌሻቴꬃባ ግሪኬን ዱማ ዱማ ዎጋ ጊዲያዋ ቤሴ። ኩሺያ ዎꬁዋባ፥ ሃይቁዋፔ ዴንዱዋባኔ ሜꬊና ፒርዳባ። 3 ፆሳይ ኦꬂቴ ጎፔ፥ ሄዋ ኑኒ ኦꬃና።
4-5 ኣዪሲ ጎፔ፥ ኢቶዴካ ፖዑ ፖዔዳዋንታኔ ሳሉዋ ኢሙዋ ባሪ ቤዔዳዋንታ፥ ቃሲ ጌሻ ኣያናካ ሻኪ ኣኬዳዋንታኔ ፆሳ ቃላይ ሎዓ ጊዴዳዋ ሲሲ ኤሬዳዋንታ፥ ሲንꬃፔ ያና ሳዓ ዎልቃካ ቦቺ ፄሌዳዋንታ፥ 6 ሄዋፔ ጉዬ ሲሚዴ ካዴዳዋንታ ናጋራፔ ላዔንꬁዋ ዛራናዌ ዳንዳዬቴና። ኣዪሲ ጎፔ፥ ሄዋንቱ ፆሳ ናዓ ማስቃሊያ ቦላ ሚሲማሪያን ꬊሺዴ ካቂያዋንታኔ ኣሳ ሲንꬃን ካዉሺያዋንቱ ማላ።
7 ኡባ ዎዴ ቡኪያ ኢራ ኡሺና፥ ጎሼዳ ኡራ ጎዒያ ካꬃ ሞኪያ ቢታ ፆሳይ ኣንጄ። 8 ሺን ቡሉዋኔ ቡዙዋ ሞኮፔ፥ ኣይኔ ጎዔና፤ ሼቃው ሺቂ ኡቴዳ። ቃሲ ዉርሴꬃን ጉዴታና። ዶም 3፡17-18
9 ሺን ኑ ሲቃቶ፥ ኑኒ ሃዋዳን ሃሳዪያዋ ጊዶፔኔ፥ ሂንቴንቱ ኣቶቴꬃው ጊዲያ ሎዖባይ ሂንቴንቱሲ ዴዒያዋ ኤሬቶ። 10 ኣዪሲ ጎፔ፥ ሂንቴንቱ ኦꬄዳ ኦሱዋኔ ቃሲ ኣማኒያዋንታ ማዴዳዋኒኔ ሃዒካ ማዲያዋን ፆሳ ሲቄዳ ሲቁዋ ፆሳይ ዶጋናው ማካላ ጊዴና። 11 ሂንቴንቱ ሁጲያን ሁጲያን ዴማና ጊዴ፥ ሂዶታን ናጊ ኡቴዳ ኩሜንꬃ ቱማቴꬃ ዉርሴꬃይ ጋካናው፥ ካሴዋዳን ሚኒሲዴ ኦꬃና ማላ ኣሞቴቶ። 12 ፆሳይ ኢማና ጌዳዋ ኣማኑዋኒኔ ጌንጫን ላቲያዋንቱ ማላ ሂንቴንቱ ጊዳናዋ ኑኒ ኮዪያዋፔ ኣቲን፥ ኣዛላ ጊዳናዋ ኮዮኮ።
ፆሳይ ኢሜዳ ሂዶታይ ሲꬊሴናዋ
13 ፆሳይ ኣብራሃሞ ኢማና ጊዴ ጫቄዳ ዎዴ፥ ባሬፔ ኣꬊያ ዎልቃማይ ባይና ዲራው፥ ባሬ ሁጲያን ጫቄዳ። 14 ፆሳይ ኣ፥
«ታኒ ኔና ኣንጃና፤
ኔ ዜሬꬃካ ጮሪሳና»
ያጊዴ ጫቄዳ። ዶም 22፡16-17 15 ሄዋዳንካ፥ ኣብራሃሞ ጌንጪ ናጊዴ፥ ፆሳይ ኢማና ጌዳዋ ኣኬዳ።
16 ኣዪሲ ጎፔ፥ ኣሳይ ባሬፔ ꬎቂያ ኡራን ጫቄ፤ ቃሲ ሄ ጫቁ ፓሉሚያ ኡባካ ቴዔ። 17 ሄዋ ዲራው፥ ፆሳይ ባሬ ኢማና ጌዳዋ ላታናዋንቶ ባሬ ቆፋ ኡባካ ላሜናዋ ጌሺ ኦዳናው ሎይꬂ ኮዪዴ፥ ሄዌ ቱማ ጊዴዳዎ ጫቄዳ። 18 ፆሳይ ዎርዶታናው ዳንዳዬና ሃ ላዑ ላሜቴና ዬዋቱዋን፥ ኢ ኢማና ጌዳ ኑ ሲንꬃን ዴዒያዋ ኦይቃናው ኣኮ ባቃቴዳ ኑሲ ዎልቃማ ሜንꬄꬁ ዴዔ።
19 ሃ ኑኒ ዴማና ጊዴ ናሼቻን ናጊ ኡቴዳዌ፥ ኑ ሼምፖ ማርካቢያ ኦይቂያ ቃፄና ቢራታ ማላ፤ ሄ ኑኒ ዴማና ጊዴ፥ ናሼቻን ናጊ ኡቴዳዌ ኤሬቴዳ ሚኖ ጊዲዴ፥ ጋሪዱዋ † ጋሪዱዋ፡ ሃዌ ዱንካኒያ ጊዱዋን ጎይናው ማዲያዋ። ሄዌካ «ጌሻሳ» ጌቴቴዳዋፔ «ጌሻፔ ጌሻሳ» ሻካናው ጎዒያዋ ጊዲዴ ቄሳቱዋ ካፖ ፃላላይ ጌላናው ዳንዳዪያሳ። ጊዶ ጌሻሳ ጌሌ። ዎግ 16፡2 20 ቃሲ ዬሱሲ ማልኪ-ፄዴቃ ሱንꬃቴꬃዳን፥ ሜꬊናው ቄሳቱዋ ኡባቱዋ ካፑዋ ጊዲዴ፥ ኑ ጊሻታው ኑፔ ካሴቲዴ፥ ሄ ሳዓ ጌሌዳ። ማዝ 110፡4