Madiu
Vala Dedevina Madiu igini
Livala Aba Vaita
Buki ame Yeisu ina tovatotówana tayamo yoina Madiu igini. Nakona tala 60 ina 65 go, nauyayanaidi goi igini. Tauyana youyuwoina moe Livai. Tauyana Diyuu tayamo go, ina paisewa moe takisi ana togogo. Tauna iivaníbita Diyuu yaidi takisi igogogo kidi da Roma manudi. Ina paisewayana pasina kidi Diyuu sikatae.
Madiu ina buki ame goi latuwona senao kidi Diyuu ivatulukoidi bego Yeisu moe Guyau, Yaubada ana Vadámana. Boi nimatu Yaubada ina tokabivalavalayao idi gínina goi sitalavaita bego Guyauyana bei ima. Ame bukiyana goi Madiu ilatuwokoida bego Guyauyana moe Yeisu.
Tétala Luluna
1. Yeisu ina bíbina be ina katubayásina
ina paisewa manuna tetelina 1:1—4:16
ina paisewa manuna tetelina 1:1—4:16
2. Yeisu ina vatulúkwana Yaubada ina bodao idi sinapu manuna 4:17—7:27
3. Yeisu ina guinuwa be ina bóbwara goi
Yaubada ina togaga ivagitakoe 7:28—10:42
Yaubada ina togaga ivagitakoe 7:28—10:42
4. Diyuu adi tolovinao Yeisu sivaakaleye tetelina 11:1—13:52
5. Tomota idi nuwonúwana Yeisu manuna, maniyedi sinumise, maniyedi geya 13:53—16:20
6. Yeisu ina tovatotowanayao ikatubaayasidi ina kámasa manuna tetelina 16:21—18:35
7. Yeisu inonoina Yerusalema goi tetelina 19:1—25:46
8. Yeisu ina kámasa be ina taoyamna tetelidi 26:1—28:20
Yeisu ina bíbina be ina katubayásina
ina paisewa manuna tetelina
ina paisewa manuna tetelina
1
(Madiu 1:1—4:16)
Yeisu ana liliu
(Luke 3:23-38)
1 Buki ame moe Yeisu Guyau ana liliu bukina. Tauyana tubuna moe tokalibúbuna Devida‡ Tubuna moe tokalibúbuna Devida: Tutayana kana, ‘Tubuna moe Devida’, moe ana yagoina nakae Yaubada ana Vadámana youyuwoina. go, tubuna gagaina moe Eberamo.
2 Liliuyana ame nakae:
Eberamoyana natuna Aisake.
Aisakeyana natuna Yakobo.
Yakoboyana natunao moe Yuda senao taiyao.
3 Yudayana natunao moe Peresi be Serako go, sinadi moe Temari; tauyana Totuyoyowo tayamo.
Peresiyana natuna Esironi.
Esironiyana natuna Eram.
4 Eramyana natuna Aminadabi.
Aminadabiyana natuna Nakasoni.
Nakasoniyana natuna Salimoni.
5 Salimoniyana natuna Boasa go, Boasayana sinana moe Reyabi;† Iys 2:2-24. tauyana Totuyoyowo tayamo.
Boasa natuna Obedi go, Obediyana sinana moe Ruti; tauyana Totuyoyowo tayamo.
Obedi natuna Diyesi.
6 Diyesiyana natuna moe tokalibúbuna Devida.
Devidayana natuna moe Solomoni. Solomoniyana sinana moe Uriya‡ Uriya: Uriya monena moe Patiseba go, tutayana Uriya ina ivayaviya Devida manuna, Devidayana imasisi Patiseba taiyao. Niga ina tovayaviyayao ilatuwokoidi Uriyayana sitagone yaviya goi ikámasa. Tuwo goyoyana nakae siguinuwe (2Sa 11:1—12:25). kobuina. Kobuinayana Totuyoyowo tayamo.
7 Solomoniyana natuna Reyoboam.
Reyoboamyana natuna Abiya.
Abiyayana natuna Asepi.
8 Asepiyana natuna Iyosepata.
Iyosepatayana natuna Yoram.
Yoramyana natuna Usayau.
9 Usayauyana natuna Yotam.
Yotamyana natuna Eyasi.
Eyasiyana natuna Esakaiya.
10 Esakaiyayana natuna Manase.
Manaseyana natuna Emosi.
Emosiyana natuna Yosiyau.
11 Yosiyauyana natunao moe Yekonaya senao taiyao.
Amo tutayana da Babiloni sima Isileli tubunao sikabidi, sinavedi Babiloni goi sikaaiyaka.
12 E sinavedi Babiloni goi mlina:
Yekonayayana natuna Salatiyeli ibíbina.
Salatiyeliyana natuna Serubabela.
13 Serubabelayana natuna Ebiuda.
Ebiudayana natuna Eliyakim.
Eliyakimyana natuna Asora.
14 Asorayana natuna Sadoki.
Sadokiyana natuna moe Ekim.
Ekimyana natuna moe Eliuda.
15 Eliudayana natuna Eliyasa.
Eliyasayana natuna Madani.
Madaniyana natuna Yakobo.
16 Yakoboyana natuna moe Iyosepa, Meri monena. Meriyana goi Yeisu ibíbina go, Yeisuyana tomota sivayoko kina Guyau.
17 Tauna Yeisu tubunao adi badabada ame nakae:
Eberamo goi go, ima Devida goi moe malamalágata‡ Malamalágata: Ame nakae Eberamo senao taiyao moe malamalágata tayamo go, natudiyao talamgogoidi, e moe malamalágata tayamo. Tubudiyao nakae malamalágata tayamo. ana badabada yawou aivasi.
Devida goi go, ima Isileli tubunao idi tuta sina Babiloni goi moe malamalágata ana badabada yawou aivasi.
Idi tuta Babiloni goi go, ima Guyau ina tuta moe nakae malamalágata ana badabada yawou aivasi.
Yeisu ina bíbina tetelina
(Luke 2:6-7)
18 E Yeisu Guyau ina bíbina ame nakae: Sinana Meri Iyosepa ana kamatákwana taiyao geya situyuwoita go, Baloma Kimaasabaina ana kaiguyau goi Meri bogina gómana ibabane.† Luk 1:27. 19 E Meri monena Iyosepayana koroto tokibóbwata. Tuwo geya latuwona Meriyana igieomaemae, tauna ina nuwonúwana bego ivaisobuyegau. 20 Moe manuna inuuwonúwana go, matana imasisi, e imasisi ikanamatáiya. Ina masisiyana goi ikanamimi. E ina kanamimiyana goi Yauwe ina anerose matabuwona isowóduwo ikatuwoini, idigo kana,
‘Iyosepa, Devida tubuna, taabu kuumatōita bei Meri kukabi monem. Gamona sinaena gomanayana ibibíbina moe Baloma Kimaasabaina ina kaiguyau goi ima. 21 E gómana koroto bei ivenatuni go, gomanayana kuvayou Yeisu.‡ Yeisu: Ame youyana ana yagoina moe Yauwe iyava.† Luk 1:31. Ina bodao idi goyo goi bei iyavedi.’
22 E moe dogoiyadi liliudi sisowóduwo bego itoboine Yaubada ina tokabivalavala ina talavaita imalatomotamna. Talavaitayana moe Yauwe ina vala boi italavaitedi idigo kana,
23 ‘Kunōve!
Woiyai geya ana kanaotamo bei ikéuwama,
niga natuna koroto bei ivenatuni.
Go yoina bei sivayou Imanuweli.’† Tat 28:8-9, 33:7-9, 40:34-35; Iyo 1:14; Nuw 21:3.
Aiseya 7:14
Youyana ana kaigavila moe Yaubada kita taiyao. 24 E tuwo Iyosepa masisi goi itaoya, kaga Yauwe ina aneroseyana bogina ilaatuwoko nakae iguinuwe. Tuwo vavinayana ikabi monena 25 go, sakavaina geya ibisikoneyeta ana kadókana natuna ivenatuni. Ivenatuni ikavava, e Iyosepa ivayou Yeisu.† Luk 2:21.
‡1:1 Tubuna moe tokalibúbuna Devida: Tutayana kana, ‘Tubuna moe Devida’, moe ana yagoina nakae Yaubada ana Vadámana youyuwoina.
†1:5 Iys 2:2-24.
‡1:6 Uriya: Uriya monena moe Patiseba go, tutayana Uriya ina ivayaviya Devida manuna, Devidayana imasisi Patiseba taiyao. Niga ina tovayaviyayao ilatuwokoidi Uriyayana sitagone yaviya goi ikámasa. Tuwo goyoyana nakae siguinuwe (2Sa 11:1—12:25).
‡1:17 Malamalágata: Ame nakae Eberamo senao taiyao moe malamalágata tayamo go, natudiyao talamgogoidi, e moe malamalágata tayamo. Tubudiyao nakae malamalágata tayamo.
‡1:21 Yeisu: Ame youyana ana yagoina moe Yauwe iyava.
†1:23 Tat 28:8-9, 33:7-9, 40:34-35; Iyo 1:14; Nuw 21:3.