31
Íjiputu dụ l'ọ bu oshi sida
1 Yo be l'afa k'iri lẹ nanụ lẹ mbọku, ọnwa k'ẹto fụru; Ojejoje abya ekfuru yeru mu; sụ mu: 2 “Nwa ndiphe; sụ Fero, bụ eze ndu Íjiputu yẹle igwe ọha iya ẹge-a:
“?Bụ onye bẹ aatụ kpọru
eyeru unu l'ọha nshinu?
3 Lewaru Asiriya, shi dụ
l'ọ bụ oshi sida
l'ugvu ugvu Lébanọnu.
O shikwa nwetsuaru
ẹkali, ama mma;
ẹkali, ama mma;
jaa; kpuru yẹgelengu;
sakputakota ọswa, ọ nọ.
O vuru; ha l'eli;
k'ọphu bụ l'ọnungonu iya
akpa l'urukpu.
4 Mini, nọ l'ẹke ono l'eme iya;
yọo ja pulapula.
Mini ọgba, shitsua
l'ime alị ime alị eme iya;
yoo tse nmongo nmongo.
Mini, shitsua l'ọswara
ọgba ono atsọ-phekota
ukfu iya mgburumgburu
shi ẹke ono tsọkota ọswa
tsọru iphe bụ oshi, nọkota iya nụ.
5 Ya ndono; yo vua;
ha eli kakọta iphe bụ
oshi, nọ l'ọswa ono l'eli.
Ọ jakashị-kotaru ẹge ono;
kẹle mini nọkota l'ẹke ono ọhuma ọhuma.
6 Iphe bụ nwẹnu,
ephe ephephe byaru
bya akpashịkota ẹkfuna
l'ẹkali iya.
l'ẹkali iya.
Iphe bụ anẹgu ẹgbudu
byaru bya anọdu
lẹ mkpuli iya azụshi ụnwu.
Iphe bụ, eze mbakeshi,
nọnu bẹ bya anọdukota l'agu iya.
7 Iphe oshi ono ama;
bẹ dụ biribiri l'ege
ọ jaru nọdu gekfulangu;
kẹ l'ọ́gbaragba iya tseru
ẹge ono jerua l'ime alị
l'ẹke mini nọ ọhuma ọhuma.
8 Oshi sida, nọ lẹ mgbabu
Nchileke te nwedu
ọphu atụru iya nụ;
ọphu oshi payịnu
atụduru ẹkali iya;
atụduru ẹkali iya;
to nwe oshi mmanu,
atụru ẹkali iya;
atụru ẹkali iya;
to nwe oshi, nọ lẹ
mgbabu Nchileke,
atụru iya nụ lẹ mma.
9 Ọ bụ mbẹdua gẹdegede
meru iya;
meru iya;
yọ ma ẹge ono;
jaa ajaja ẹge ono.
Yọ bụru iya bẹ bụ oshi,
ẹnya eje l'iphe bụ oshi,
nọkota lẹ Ídẹnu;
mbụ mgbabu Nchileke.
10 “Ọwaa iphe Ọkaribe-Kakọta-Nụ ekfu. Ọ sụru: Lẹ keshinu ọphu o vufuru evufu je erua l'urukpu; bya egude kẹle ya ha l'eli l'eku onwiya ekuku 11 bẹ mu e-nwuru iya nụ onye achị mbakeshi t'o mee ya iphe l'iphe dụ ẹji ono, oome ono; mbụ lẹ mu nwutawaru iya tufaa. 12 Ndu ọhodo; iphe bụ mbakeshi, nọtsua nụ, kakọta ẹjo ọkpoma bẹ gbutaru iya tụa ngesweta iya. Ẹkali iya a-dashị l'ugvu ugvu; dashịa lẹ nsụda nsụda. Ụnwu ẹkali iya adashịa; chịko mini alị ono tsoo. Ndiphe lẹ mgboko gbaa mgburumgburu eshi l'idzu iya wụfu; paru iya haa. 13 Iphe bụ nwẹnu abya anyịnwua l'oshi ono, daru nụ ono. Iphe bụ anẹgu-ẹgbudu abya adọo l'ẹke ẹkali-oshi ono wụshiru. 14 Ọo ya bụ; l'ẹ to nwedu oshi ọdo, nọ l'iku mini, e-tseghe onmongono; k'otsekfuru l'urukpu. Mbụ l'ẹ to nwedu oshi, gude mini evu, a-haghe eli l'ọ bụ iya; kẹ l'e mewaru iya t'ọ bụru anwụhu bẹ ọo-nwụhu; laa l'alị ẹge madzụ alajẹ lẹ nsụ.”
1 15 Ọwaa iphe Ọkaribe-Kakọta-Nụ ekfu. Ọ sụru: “Lẹ mbọku, oshi ono nwụshihuru; bẹ ya e-me t'ebo mini raa ẹkwa iya. Ya e-me t'ẹnyimu tsọ-buhu atsọtso; nggele atashịhu. Ya e-gude kẹ l'oshi ono nwụhuru; mee t'ọchi gbakọta l'iphe bụ ugvu Lébanọnu; mee t'iphe bụ oshi, nọ l'ọswa laa ẹkwo. 16 Ya meru t'iphe bụ mbakeshi nmahụ jijiji teke ya nwutsuru iya; t'ọ lakfu ndu ọphu nọhawa l'ili. Adada iya ono; bẹ meru t'obu jizita oshi mgbabu Ídẹnu; oshi, ndu ọphu shi kakọta mma l'ugvu ugvu Lébanọnu; yeru oshi ndu ọphu shi nọdu l'ẹke mini dzuru iya ẹhu. 17 Iphe bụ mbakeshi, shi nọduje l'agụ iya, bụ ndu shi eyetajeru iya ẹka bẹ kpolahukotawaru l'alị-maa; tsoru ndu ọphu e gudehawa ogu-mbeke gbushia.
18 “?Bụ oshi ole lẹ Ídẹnu bẹ aa-tụru yeru ngu lẹ mma yẹle ọdu-biribiri? Obenu lẹ nggụbedua; nggu l'oshi Ídẹnu bẹ ee-nwukwaruphu yee l'alị; nggu lẹ ndu akpapyị; mẹ ndu e gude ogu-mbeke gbushia atụko wụshiru.
“Ọ bụ ẹge ono bẹ ọo-tsakfu Fero yẹle igwe ọha iya. Ono iphe Ọkaribe-Kakọta-Nụ ekfu.”