76
Egvu-ọma, Ásafu deru nụ onye ishi egvu; t'a kpọru une ye iya
1 A maru Nchileke amaru lẹ Júda.
Ẹpha iya ede ude lẹ Ízurẹlu.
2 Ẹke ụlo iya nọ bụ lẹ Salemu.
Ẹke o bu ebubu abụru lẹ Ugvu Záyọnu.
3 Ọ bụ l'ẹke ono b'ọ nyajishiru
akfụ, enwu ọku, ndu ọhogu iya agba;
nyakwoshia ogu-mbeke
ẹphe; mẹ iphe ẹphe
egbobeje gude zeeru onwẹphe;
mẹ iphe bụ iphe ẹphe egudeje alụ ọgu.
4 Ị dụ biribiri; dụ ugvu
l'iishi l'ugvu ugvu, ẹke i
mekputaru ndu ọhogu ngu alata!
5 Ndu ọphu bụ mkparawa
l'ime ẹphe b'e gworu iphe ẹphe tụtua atụtu.
Ẹphe nwụshihuru;
tọ dụ ẹphe m'ọo onye lanụ,
ike dụ k'ome ụkporo.
6 Nggụbe Nchileke kẹ Jékọpu;
ọ bụkwadua m̀bà b'ị baru ẹphe;
ịnya ẹphe; mẹ ndu agba iya nụ
l'ẹphe ha adashịa.
7 Ọ bụ nggu nwẹnkinyi ngu
b'ọ gbaru t'a tsụje egvu.
?Bụ onye a-dụ ike vudo ngu l'ifu;
mẹ ẹhu wata ngu oghu eghughu?
8-9 Nggụbe Nchileke;
teke i shi l'imigwe t'i kpee ikpe;
dzọfuta ndu aakpa ẹhu lẹ mgboko;
b'ị nọ l'imigwe ono bua ikpe;
alị atsụhu ngu egvu daa shịkongu.
10 Eeshije l'oke ẹhu-eghughu
ndiphe jaa ngu ajaja;
kẹle ndu ọphu oke
ẹhu-eghughu ngu ono haru;
a-rụku ngu ẹka.
11 Ọ -bụru l'unu riburu
Ojejoje, bụ Nchileke unu
l'ọwaa iphe unu e-meru iya;
unu mekwaa iphe ono,
unu kweru ụkwa iya.
T'iphe bụ ndu, bunyabe
unu byakwa bya emeeru onye lanụ ono,
gbaru t'a tsụje iya egvu ono iphe-ọma.
12 Oomeje t'obu rua ndu ishi, achị nụ alị.
Ndu, bụ eze lẹ mgboko-a l'atsụ iya egvu.