7
1 Nggụbe ada-eze;
iphe akpọkpa, i yeru l'ọkpa kwekwanuru ngu.
Ụtakfu ngu dụlephu l'ọ bụ
mgbubu, onye maru ome nka meru.
2 Mkpotubo ngu gbalẹruphu
nwamgburumgburu l'ọ bụ ọba,
mẹe vayịnu ẹ-ta agvụjedu agvụgvu.
Ẹpho ngu adụ l'ọ bụ igberi, a kụberu akụbe;
gude okfukfulike dophee
ya mgburumgburu.
3 Ẹra ngu dụ l'ọ bụ ụnwu umoro labụ;
mbụ l'ọ bụ ụnwu umoro,
a mụru ejima.
a mụru ejima.
4 Olu ngu dụ l'ọ bụ ụlo-eli,
e gude ọdu-enyi kpụa.
Ẹnya ngu ẹphe ẹbo l'egbu pamụpamu
l'ọ bụ ẹnyimu-mini ndu Hẹ́shibonu;
mbụ onanu, nọnyabe ọnu-ụzo Baturabimu.
Ọkpu-imi ngu degeru edegeru l'ọ bụ ụlo-eli Lébanọnu,
bụ ọphu gharu ifu lẹ Damásukọsu.
5 Ishi ngu meru ngu; nggu ama l'ọ bụ ugvu Kamẹlu.
Ẹgbushi, nọ ngu l'ishi eke ụrobu-ụrobu.
Ọ kpọshiru eze iphe ooje;
l'ẹke ọ nọ l'ele ẹge e shiru kee ya.
6 Ị malẹphu mma; nggụbe nwanyi mbeke;
umere ngu akarụ mma!
7 L'ụgbugba ngu b'i gvuru l'ọ bụ agbaragba;
ẹra ngu adụgbaa l'ọ bụ ọfoko njikpa.
8 Mu asụ: “Lẹ mu e-nyi agbaragba ono;
je enwota iya ẹkfu.”
T'ẹra ngu dụkwa mu l'ọ bụ ọfoko vayịnu;
ume, ịitu eshije mu
kwẹkwekwe l'ọ bụ nkfụ-alị;
9 ọnu, iitsuta mu atsọje mu l'ọ
bụ mẹe, a kụ-gheru akụ-ghe.
Kẹ nwanyi asụ:
T'ọ bụkwaru onye ono,
mu yeru obu ono angụ mẹe ono;
k'ọphu oo-shi iya l'ụgbonu;
shi iya l'eze l'atsọ gẹregere!
10 Mu bụ kẹ onye ono,
mu yeru obu ono;
l'agụkwa iya phụ agụgu.
11 Bya; nggụbe 'a -phụ-mini;
'e -me-ẹkfu mu; t'ayi je l'ẹgu;
je aradu aradu l'ime mkpụkpu!
12 T'ayi nmaa ẹwa jeodu lẹ mgbo vayịnu
je amaru mẹ oshi vayịnu;
o ruwaru iru;
o ruwaru iru;
t'ayi maru mẹ igu iya;
?ọ sakahụwaru.
?ọ sakahụwaru.
Mẹkwaphu t'ayi maru mẹ oshi
ụtara-okumu; ?ọotsuwa igu nk'iya.
Ọ bụ l'ẹke ono;
bẹ mu e-koshi ngu lẹ mu yeru ngu obu.
13 Oshi mandureku eshikwa mkpọ.
Mu doberu akpụru oshi,
dụ iche iche l'ọnu-ụlo ayi.
Mu doberu ngu k'ọphungu;
doberu ngu akahụ iya
l'asa iya l'asa iya;
l'asa iya l'asa iya;
nggụbe 'a -phụ-mini;
'e -me-ẹkfu mu.