31
Opfu-ọnu onye eze
ono, bụ Lemẹlu
ono, bụ Lemẹlu
1 Ọwa-a bụ opfu-ọnu
onye eze ono, bụ Lemẹlu.
Ọ bụ ozi, ne iya ziru iya:
2 Gụbe nwa mu; gụbe nwa,
mu tsụru ime iya; nwa,
mu kwetarụ l'ukwe-iphe;
3 b'a pakwarụ ike ngu
l'ophu ziaru eme k'ụnwanyi!
Te ewokwaru ọkpehu ngu
hagbuaru ndu ono,
emebyije ndu eze onoya.
4 Jiko Lemẹlu;
gẹ ndu eze ta angụjekwa
mẹe.
Mbụ l'angụ mẹe ta abụkwa
iphe,
rwuberu ndu eze.
Mbụ kẹ gẹ ndu-ishi
wata angụ mẹe,
l'atsụ atsụtsu ta adụkwa
ree.
5 A -nọnyaa; ẹphe ngụa mẹe
zọha iphe, ekemu pfuru;
woru ikpe,
rwuberu onye eemekpa
ẹhu gbanwee.
6 Woru mẹe, atsụ atsụtsu nụ
ndu ala l'iswi.
Woru mẹe nụ ndu aphụ
tsọru;
7 g'ẹphe ngụa zọhaa
ọ-kpa-nri phẹ;
mbụ zọhaa ẹjo ọnodu,
ẹphe nọ.
8 “Pfuje opfu ẹhu ndu ono,
ata dụdu ike pfua opfu
ẹhu onwophẹ ono.
Dzọje iphe, rwuberu ndu bụ
ụnwu-ogbee.
9 Pfuje iphe, rwuberu ngu
l'epfupfu;
l'i kpeje ikpe nhamụnha.
Gbajẹru ndu iphe-ẹhuka byaru;
yẹe ndu adụdu g'ọ dụ
phẹ ọdzori.”
Nwanyị, umere iya dụ ree
10 ?Bụ onye a-dụkpoo ike chọta;
ọkpobe nwanyị?
Ẹgube nwanyị ono kakwa
mkpuma, vu oke aswa
ere ire.
11 Ji, alụ iya nụ gude ire
iya ẹka;
ọphu ọ dụdu ọkpobe iphe,
ụko iya dụru iya.
12 Iphe, oowotajẹru ji iya bụ
iphe-ọma; ọ tọ bụdu ẹjo-iphe;
mbụ gẹ nwanyị ono
a-nọ-beru l'eliphe-a.
13 Ẹji ebili yẹe oghu ọchaa bẹ
ọohoje ahọho họta;
gude ẹka iya jee ya ozi
l'oohe iya ihee ejeje.
14 Ọ dụ g'ụgbo-mini ọgbangho;
kẹle oojeje ẹka dụ ẹnya je
akpata nri.
15 Teke ootehuje lẹ mgbẹnya bụ
lẹ gẹregere ụtsu mee nri
doberu ndibe iya;
bya anụkwapho
ụnwumgboko,
ẹphe l'iya bu oke iya nkephẹ.
16 Alị bẹ oolerwejeada ẹnya
elerwe tẹme l'ọozuje iya.
Ọ nọdu egudeje nwa okpoga,
erwuje iya ẹka gbaa
opfu-vayịnu.
17 Ọ -gbẹshi eje ozi l'ọogbakpoo
ẹhu jeshia ya ike.
Ẹka eshihuje iya ike l'ozi.
18 Nghọ, ọogba bẹ ọogbaje iya
rita iya urwu.
Ọphu orọku iya anyịhudu
anyịhu l'ẹnyashi.
19 Oo gudeje ẹka iya gbaa oghu
gude kpaarụ onwiya
ẹkwa.
20 Ọosajeru ndu akpa nri ẹka
iphe-ọma;
mbụ lẹ ndu adụdu g'ọ dụ
phẹ bẹ oomejeru iphe-ọma.
21 Igwe -nọdu atụ
akamini-sunoo;
ọ tọo tsụdu ebvu kẹ ?amaru;
tọ dụdu nụ iphe,
oo-me ndibe iya?
kẹle onyemonye lẹ gẹ
ndibe iya ha bẹ
yekọtaru uwe-oyi.
22 Oogudeje ẹka iya kwee ẹkwa,
ọophushije l'iphe,
ẹphe azẹje azẹe.
Tẹme uwe iya bụru ọkpobe
ẹkwa ọchaa yẹe
k'uswe-uswe.
23 Ji iya bẹ aakwabẹje ùbvù
l'edupfu mẹ ọ -nọdu
l'edzudzu-ọha ndu bụ
ọgerenya mkpụkpu.
24 Oogudeje ẹka iya kwee uwe
ẹkwa ọchaa ereshi
ereshi.
Ọ bụru iya evujeru ndu agba
nghọ iphe,
eekebeje l'upfu.
25 Ọkpehu yẹe adụ ùbvù bẹ o
yeru g'onye yeru uwe.
K'ọphu bụ l'e -mechaa bẹ
oo-mechaa nwụjaa
ọnu-ọchi.
26 Oogudeje mmamiphe
epfu opfu.
Tẹme ire nọdu apfụjeru iya
ọto mẹ ọ -nọdu ezi iphe.
27 Ndibe iya bẹ ooswijeru
eswiru eleta phẹ ẹnya.
Ọphu oorijedu nri meahaa
ẹnyiru.
28 Ụnwegirima iya etehuje kua
ya onye a gọru ẹhu-ụtso
nụ.
Ji iya nọdu ekukwa iya phọ
nno;
tẹme ọ nọdu anọduje
aja iya ajaja.
29 “Ụnwanyi, dụ igwerigwe
emejekwa ẹguru iphe,
dụ igwerigwe.
Ọle ọo ngu kachaa ememe!”
30 Ọnmogo bụkwa ụghoshi.
Tẹme ama rọoroo bụru
iphe-mmanụ.
Obenu lẹ nwanyị,
atsụ Chipfu ebvu bẹ
gbaru g'a jaa ya ajaja;
31 bua ya obunggo,
rwuberu iya nụ.
Mbụ-a; g'ozi, o gude ẹka iya
eje mekwaa g'e tua
ya ẹpha l'ọma edupfu.