35
Yakobo i niya Anani keta Nebani natunatuna nasi nuwa, Neya keta Neiseno, i vikawanisiya. Manamana 14 i mudadava Nebani fasinei vivinesima kasi nufata fasisiyai. Neya kasi kaetoḡa Dinufa si veniya Yakobo kawana. Maise yota Neiseno kasi kaetoḡa Binaa si veniya Yakobo kawana. Eatu Guyau i iyaviya keta nawana yana menana i teweiya atu i makaviniya amana yana menanai. Yana makavina fasinei, i matuta akata Isowa yana namonamoḡa nukusi na ugunina sina tafisiya. Eatu tovanama si vikaninisaḡa nenei, Isowa muka ita nuwagoyo be nukusi sita vikamunumunuwa.
Guyau Yakobo I Sawanuwagabubuwiya
9 Tovanama Yakobo i fakwafakwa Fadana-anami* Fadana-anami o Anami katuyaveyavenina Mesofotamiya nenei yavanata kuweyaina. Eketa Anani menana o sinenei. atu i makaviniya Beteni nenei, Guyau i kenokikinomana-savaviniya keta i sawanuwagabubuwiya. 10 I bwaduwa, “Ka wava Yakobo atu muka yota sina weneu Yakobo. Kimoki keta i niniya ka wava Isineni.”† Ibeniu fonasiyai, Isineni kana givina maise Guyau i maniniya o Guyau nukusi si vikafifiwana. (Kabikona 32:28) Eketa i weniya Isineni.
11 Kabikona 17:4-8Yota i bwaduwa, “Iyau Guyau Tofiwanaonaona. Kuna vinatunasiwasiwaḡa keta kuna yagwana. Susukwau ina nakatamoka. Fasekwa dawanisi yota tufomu sina kikinomana kwaḡa neneweu. 12 Fwayafwayanama a bwadudabedabiya Ebenaamu be Aisake nenesiyai, kwaḡa ana veniwa. Yota susukwau nenesiyai nofe fwayafwayanama ana venisiya.” 13 Guyau tovanama Yakobo nenei i nusifufukooḡa, i teweiya.
14 Kabikona 28:18,19Kabainama nenei Guyau i nusifufuwiya, gabana i vimisiniiya keta etanei waini i siwaiya yana bwanaose yota muniyai bubu i siwaiya. 15 Eketa Guyau nokomai i nusifufuwiya fasinei, kabainama i weniya Beteni.‡ Ibeniu fonasiyai, Beteni kana givina maise Guyau yana numa.
Neiseno Yasi Mate
16 Muniyai Yakobo yana sabu nukusi Beteni si teweiya. Keta yawane Efanati kedawanau, Neiseno i vibutusiya atu si nisaiya daunina. 17 Si vibaiiya eatu kuvavana i gimunusiya nenei, kasi toosiwaḡa si sawakatevatusiya si bwaduwa, “Muka kwana matuta. Natumi namoḡa kana vinuwa i tufuwa.” 18 Tovanama ayona yawasisi i kakakaviya nenei, si weniya Benoni§ Ibeniu fonasiyai, Benoni kana givina maise kuvavana natuna. eatu amana i weniya Beniyamina.* Ibeniu fonasiyai, Beniyamina kana givina maise natukikikataiku. 19 Tovanama Neiseno si vidawana, ketanama i niniya Efanati (nofe tova o Beteniyema), kafakainei si odewadewisiya. 20 Eketa Yakobo gabana i vimisiniiya kasi manawa etanei. Gabaninama Neiseno kasi manawa nenei nofe tova i fakwafakwa.
Aisake Yana Mate
1 Sifusifufu 2:1-2
Yakobo natunatuna namoḡa kasi 12.
23 Neya natunatusi namoḡa o Nubeni, Yakobo natuna kotokikinuna. Muninei o Simiyoni, Nebi, Yuda, Isaka, Sebunoni.
24 Neiseno natunatusi namoḡa o Yosefa keta Beniyamina.
25 Neiseno kasi kaetoḡa Binaa natunatusi namoḡa o Dani keta Nafatanai.
26 Neya kasi kaetoḡa Dinufa natunatusi namoḡa o Gada keta Asa.
Yakobo kakawana nofemaise natunatuna namoḡa si vinatunisiya Fadana-anami nenei.
27 Kabikona 13:18Eketa Yakobo i makaviniya amana Aisake nenei, Kiniyati-aba (nofe tova o Ebinoni) niniunei menana Mamene nenei. Nofe menaninama Ebenaamu i fakwiiya muninei yota Aisake i fakwiiya maise teneyauyauna. 28 Aisake i fakwa kana manamana 180. 29 I sobuwa i vigwadimonamonamoka yo muniyai yawasina i kakaviya keta waḡawaḡana i tuyanomwanisiya. Eketa natunatuna namoḡa Isowa be Yakobo si odewadewiya.
*35:9 Fadana-anami o Anami katuyaveyavenina Mesofotamiya nenei yavanata kuweyaina. Eketa Anani menana o sinenei.
†35:10 Ibeniu fonasiyai, Isineni kana givina maise Guyau i maniniya o Guyau nukusi si vikafifiwana. (Kabikona 32:28)
‡35:15 Ibeniu fonasiyai, Beteni kana givina maise Guyau yana numa.
§35:18 Ibeniu fonasiyai, Benoni kana givina maise kuvavana natuna.
*35:18 Ibeniu fonasiyai, Beniyamina kana givina maise natukikikataiku.