18
Ri Pablo pa tinamit Corinto
1 Chirij ronojel re' ri Pablo xel-pe chiri' pa tinamit Atenas, y xbe pa tinamit Corinto.* 1 Co. 1:2; 2 Co. 1:1, 23. 2 Chiri' xril jun achi israelita rubinan Aquila aj pa roch'ulef Ponto. Ri Aquila y ri rixayil rubinan Priscila,* Ro. 16:3. c'a juba' que'el-pe pa roch'ulef Italia, y ec'o chiri' pa Corinto, roma ri Claudio ri emperador xu'ij chi ri israelitas que'el-e ri pa tinamit Roma. Ri Pablo xbe chiquitz'etic chicacho. 3 Y roma xa jun mismo samaj queteman, ri Pablo xc'uje' chiri' chicacho, junan xesamaj, roma rije' ebanoy jay riq'uin tziek. 4 Ri pa tak sábado ri k'ij richin uxlanen, ri Pablo ni'e ri pa sinagoga, yetzijon pa ruvi' ruch'abel ri Dios quiq'uin ri israelitas y ri man israelitas ta. Nutij ruk'ij quiq'uin richin can ta niquiya' cánima riq'uin ri Jesucristo.
5 Jac'a tok ri Silas y ri Timoteo* Hch. 17:14. xe'el-pe pa roch'ulef Macedonia, y xe'eka pa tinamit Corinto, ri Pablo rujachon-ri' chutzijosic* Job 32:18. ruch'abel ri Dios chiri', nuk'alajrisaj chiquivech ri israelitas chi ri Jesús jari' ri Jun ri takon-pe chucolic rutinamit ri Dios. 6 Pero ri ye'ac'axan richin ri Pablo, niquic'ulula'j y niquiyok'-apu,* 1 P. 4:4. romari' ri Pablo (xutota', xuquiraj) can ri rutziak* Neh. 5:13; Mt. 10:14; Lc. 9:5; Hch. 13:51. chiquivech, y xu'ij chique: Yin xinel yan chuvech ri eka'n, roma ja xinya' can rutzijol chive; iviq'uin rix c'o-vi si man xquixcolotaj ta.* 2 S. 1:16; Ez. 3:18, 19; 18:13; 33:4, 9. Yin vacami ja quiq'uin ri man israelitas ta* Hch. 28:28. yi'e-vi, xcha' can chique. 7 Tok xel-pe ri Pablo ri pa sinagoga, xbe chiracho jun achi ri can ruchajin ruc'aslen chuvech ri Dios rubinan Justo ri c'o racho xe ruxiquin ri sinagoga. 8 Pero ri achi principal* Mr. 5:22. ri pa sinagoga rubinan Crispo* 1 Co. 1:14. xuya' ránima riq'uin ri Ajaf, quiri' mismo ri ec'o riq'uin pa racho. (Chuka', ka) eq'uiy aj-Corinto niquiya' cánima riq'uin ri Ajaf tok niquic'axaj ruch'abel ri Dios, y ye'an bautizar. 9 Jac'a ri Ajaf pa jun achel achic' xch'o-vi che ri Pablo chak'a', y xu'ij che: Man taxi'ij-avi'.* Hch. 23:11; 27:23, 24. Rat tatzijoj ri nuch'abel y man catane' chubixic. 10 Roma yin yinc'o aviq'uin, y man jun vinak xtijel ruk'a' chavij* Is. 41:10; Jer. 1:8, 19; Mt. 28:20; Ro. 8:31. richin xtu'on pokon chave. Roma vave' pa Corinto eq'uiy ri xque'oc nutinamit, xcha' ri Ajaf. 11 Jun juna' riq'uin nic'aj xc'uje' ri Pablo chiri', yerutijoj ri aj-Corinto riq'uin ruch'abel ri Dios.
12 Ri tiempo ri', jun achi rubinan Galión nibano gobernar chiri' pa roch'ulef Acaya* Hch. 18:27; 19:21. ri c'o-vi ri Corinto. Jac'ari' tok ri israelitas xa jun quitzij xqui'en richin xecataj chirij ri Pablo, xquic'uaj c'a e chuvech ri Galión,* Mt. 10:18. 13 y quire' xqui'ij che: Ri jun achi re' nutij ruk'ij nujal quino'oj ri kavinak richin tiquiya' ruk'ij ri Dios, pero man achel ta nu'ij chupan ri ley ri xyo'ox che ri Moisés. 14 Jac'a tok ri Pablo xrojo' xch'o-apu, xa ja ri Galión na'ey xch'o-pe chique ri israelitas, y xu'ij: Xa ta ri achi re' c'o ta jun mac rubanon* Hch. 23:29; 25:11, 19. chuvech ri gobierno o jun ta chic nimalaj mac, yin can ta yixincoch' riq'uin ri nibila-pe, rix israelitas. 15 Pero si ri sujunic ri ic'amon-pe xa chirij ri achique nuc'ut rija', y xa chirij ri i-ley y ri rubi' ri Jesús, tichojmirisaj-ka rix chivech, roma yin manak sujunic achel re' ninjo' nin-en ruchojmil, xcha'. 16 Jari' xerelesaj-pe ri achique lugar nic'ojon-vi. 17 Jac'ari' tok rije' chiconojel (xquitz'om, xquichop) ri Sóstenes,* 1 Co. 1:1. ri principal ri pa sinagoga, y chiri' chupan ri lugar ri yec'ojox-vi ri vinak xquich'ey-vi. Jac'a ri Galión manak achique che; achel xa man ta nutz'et ri najin.
18 Ri Pablo c'a xc'uje' na q'uiy k'ij chiri' pa Corinto, c'ajari' xch'o can chique ri quiniman ri Jesucristo, xoc-e pa jun barco richin ni'e pa roch'ulef Siria, y xebe ri Priscila y ri Aquila chirij. Tok xek'ax pa tinamit Cencrea,* Ro. 16:1. ri Pablo xusocaj-e ronojel rusumal ruvi',* Nm. 6:18; Hch. 21:24. richin retal chi c'o rusujun che ri Dios chi nu'on. 19 Jac'ari' (xapon, xebos) pa tinamit Efeso.* 1 Co. 15:32. Chiri' xeruya-vi can ri Priscila y ri Aquila, ruyon c'a xbe ri pa sinagoga, y chiri' junan yetzijon pa ruvi' ruch'abel ri Jesucristo quiq'uin ri ruvinak israelitas. 20 Rije' xquic'utuj quemelal che ri Pablo chi tic'uje' q'uiy k'ij chiri' quiq'uin pan Efeso, pero rija' man quiri' ta xu'on, 21 xa xch'o can chique y xu'ij: Jamel man jamel yin nic'atzin yic'uje' pa Jerusalem* Hch. 19:21. chupan tak ri k'ij richin ri nimak'ij petenak,* Dt. 16:1. pero yitzolij chic pe jun bey iviq'uin, si quiri' nrojo' ri Dios,* Mt. 26:39; Ro. 1:10; 15:32; 1 Co. 4:19; Stg. 4:15. xcha'. Jac'ari' xoc-e pa barco, xuya' can ri tinamit Efeso.
Ri Pablo nitzolij pan Antioquía y chiri' ntel-vi-e richin ri rox ru-viaje chutzijosic ruch'abel ri Dios
22 Tok (xapon, xebos) pa tinamit Cesarea,* Hch. 8:40. ri Pablo xjote-e pa tinamit Jerusalem richin xe'erubana' saludar ri niquimol-qui' pa rubi' ri Dios chiri', c'ajari' xxule-ka pa tinamit Antioquía.* Hch. 11:26. 23 Chiri' xc'uje-vi juba' tiempo. C'ajari' xtzolij chic jun bey chiquitz'etic ri quiniman ri Ajaf, y ja achel rubanon-pe, quiri' rutzolic quitz'etic xu'on ri pa tak lugar richin ri roch'ulef Galacia,* Gá. 1:2. y pa roch'ulef Frigia richin nuya' can ruchuk'a' ri cánima.* Is. 35:4.
Ri Apolos nutzijoj ruch'abel ri Dios pa tinamit Efeso
24 Jac'a ri pa tinamit Efeso (xapon, xebos) yan chic jun achi israelita rubinan Apolos.* 1 Co. 1:12; Tit. 3:13. Rija' aj-Alejandría, jabel reteman nich'o chiquivech ri vinak, y can q'uiy reteman pa ruvi' ruch'abel ri Dios ri tz'iban can. 25 Ri Apolos re' tijon pa rubey ri Ajaf. Can niq'uenc'ot-vi ránima,* Ro. 12:11. romari' can pa ruchojmil nich'o y nitijon, pero xaxe ri ru'in can ri Juan ri Bautista,* Hch. 19:3. xaxe ri' reteman pa ruvi' ruc'aslen ri Ajaf. 26 Man juba' ruxi'in-ri' xutz'uc nitzijon chiquivech ri quimolon-qui' pa sinagoga. Ri Priscila y ri Aquila* Hch. 18:2, 18. tok xquic'axaj ri najin chubixic, xetzijon riq'uin ruyon, y xquichojmij más rubey ri Dios chuvech. 27 Tok xetemex chi ri Apolos nurayij ránima nik'ax pa roch'ulef Acaya, ri quiniman ri Jesucristo chiri' pan Efeso más xquiya' ruchuk'a' ri ránima riq'uin ri nunojij, y xqui'en c'a e jun vuj chique ri quiniman ri ec'o pan Acaya, ri nu'ij chi utz tiquic'ulu' ri Apolos.* 1 Co. 3:6. Chiri' pa roch'ulef Acaya, ri xsamaj yan ru-favor ri Dios pa quic'aslen richin xquiya' cánima riq'uin ri Jesucristo, rija' jani na xeruto', 28 roma can chiquivech conojel, riq'uin ruchuk'a' ri rutzij xutz'apij quichi' ri israelitas ri man quiniman ta ri Jesucristo riq'uin rucusasic nu'on ruch'abel ri Dios richin nuc'ut chi ri Jesús jari' ri Jun ri takon-pe chucolic rutinamit ri Dios.* Hch. 9:22.
*18:1 1 Co. 1:2; 2 Co. 1:1, 23.
*18:2 Ro. 16:3.
*18:5 Hch. 17:14.
*18:5 Job 32:18.
*18:6 1 P. 4:4.
*18:6 Neh. 5:13; Mt. 10:14; Lc. 9:5; Hch. 13:51.
*18:6 2 S. 1:16; Ez. 3:18, 19; 18:13; 33:4, 9.
*18:6 Hch. 28:28.
*18:8 Mr. 5:22.
*18:8 1 Co. 1:14.
*18:9 Hch. 23:11; 27:23, 24.
*18:10 Is. 41:10; Jer. 1:8, 19; Mt. 28:20; Ro. 8:31.
*18:12 Hch. 18:27; 19:21.
*18:12 Mt. 10:18.
*18:14 Hch. 23:29; 25:11, 19.
*18:17 1 Co. 1:1.
*18:18 Ro. 16:1.
*18:18 Nm. 6:18; Hch. 21:24.
*18:19 1 Co. 15:32.
*18:21 Hch. 19:21.
*18:21 Dt. 16:1.
*18:21 Mt. 26:39; Ro. 1:10; 15:32; 1 Co. 4:19; Stg. 4:15.
*18:22 Hch. 8:40.
*18:22 Hch. 11:26.
*18:23 Gá. 1:2.
*18:23 Is. 35:4.
*18:24 1 Co. 1:12; Tit. 3:13.
*18:25 Ro. 12:11.
*18:25 Hch. 19:3.
*18:26 Hch. 18:2, 18.
*18:27 1 Co. 3:6.
*18:28 Hch. 9:22.