1  2:1 Aefe 6:18-19; Afil 4:6Vikara dzulu za mavoyo, nikahendza kwandza kamare muavoyere at'u osini. Avoyereni aryahu mario mana mahitaji, na kidza muvoyere at'u angine-angine pia. Mbozani muv̱era kwa Mulungu kwa ut'u wa at'u osini, 2  2:2 Ezra 6:10Avoyereni athawali na at'u angine osi mario ni vilongozi. Vivi vindafuhendya futoet'o na dheri, hasiho fujo yoyosi na futoe kimulungu na kieri. 3  2:3 Tit 3:4Fukihenda vivi, fundakala funahenda ut'u udzo kidza uriwo unamufwahiza ye Mulungu mwokoli wehu. 4  2:4 Izik 18:23; 2 T'imo 2:25-26; 2 P'et 3:9Mulungu anahendza at'u osi maokolwe na madze mamanye ujeri. 5  2:5 Kumbu 6:4-5; 1 Akor 8:6; Arum 3:29-30; 10:12-13Mana kahi za Mulungu na mudamu, be hana mut'u mumwenga adimaye kumugwizanya mudamu na ye Mulungu, na mut'u yuyu ni Masihi Jesu. Kuna Mulungu mumwenga na mugwizanyi mumwenga. 6  2:6 Mar 10:45; 2 Akor 5:15; Agal 1:4; Tit 2:14; 1 Joh 3:16; Wakathiwe mwenye: Agal 4:4; Tit 1:3Bai iye Masihi Jesu wadzilazha mwenye kwamba aakombole at'u osi. Uwo ndo ushahidhi uriwombozwa kahi za uwo wakathi uriwoikwa, kwamba Mulungu anahendza at'u osi maokoke. 7  2:7 Muhumwi: 1:11-17; Agal 1:1; 2:7-8; Aefe 3:7; 2 T'imo 1:11Nami natsagulwa kwa ut'u uwo. Natsagulwa nikale muhumwi na muhubiri na mwalimu, niafundishe o at'u mario si Ayahudi uv̱oro dzulu za kuluhiro na dzulu za ujeri. (Vizho nidzizhonena be si ulongo bule, ni ujeri uhuhu.)

8  2:8 1 P'et 3:7Vikara namala niambe vivi, nahendza kila hat'u o alume mavoye kuno madzagoloza mikono mieri ko dzulu. Bai ni mahende vivi hasiho k'oro hedu kunenezana.

9  2:9 1 P'et 3:3-5H'aya o anaache nao namala niaadhe kivivi, ao ni mavale nguwo zirizo zinav̱irya. Kidza za ishima na mazivalet'o, si kwa kusonga nyere na kuvala vit'u zha dhahabu na zha lulu, hedu hatha kuvala nguwo za gali, 10  2:10 5:10hat'u ha vizho, ni mavale mahendo madzo, mahendo ambago ganav̱irya kwa anaache maambao kukala manamwagoha Mulungu. 11  2:11-12 1 Akor 14:34Mwanamuche na ahurire na adzitsereze kamare na afundishwe. 12 K'ahana ruhusa ya mwanamuche yoyosi kufundisha alume hedu hatha kuakeresiza. Mwanamuche anav̱irya anyamale zii. 13  2:13 Mwan 2:7, 21-22; 1 Akor 11:8-9Mana ariyeumbwa kimbere ni Adamu, ndo Hawa akiumbwa. 14  2:14 Mwan 3:1-6, 13; 2 Akor 11:3Iye Adamu siye ariyekengwa ni Shethani bule, ariyekengwa ni Shethani na akimukosera Mulungu ni iye muche. 15 Ela hatha hamwenga na vizho anaache mandaokolwa kukirira na kuzhala ana, bora thu maenderere kukuluhira, makale na mahendzo na makale aeri na enye lau.