LILIU PILIMATALA
Kabovitouula
Mapilasina pilayu buki Liliu ilivilivausi avaka mapilasina Samwela deli Gweguya eilivilibogwisi. Mitaga mapilasina Liliu liliula makawala taitala tosilasola ituwoli eilivala avaka eigisi. Matauna tosilasola ikamituli liliusi mina Isireli si gweguya, e uulotoula livalela kwaiyu nanamsa, baisa makawala.
1) Magila bivituloki ammakawala Yaubada eipilasi mabudona Isireli makawala la biga katotila, kalubikoya kabomwau bidubadu eikaloubusi baisa makwaisina kabokaraiwaga Isireli deli Yuda. E uulela makwaina vituloki ikikaibigi Debida deli latula Solomoni si vavagi topilivakaveka, deli goli iluki ammakawala matausina gweguya Yeosepata, Esekaia deli Yosaia eivigivauwaisi Yaubada la karaiwaga, deli ammakawala mimilisi tomota eisetuwolaisi ibokulaisi karaiwaga makwaina.
2) Tuvaila matauna magila bivituloki ammakawala uulela si tapwaroru kidikedala eivitouula metoya osi Bwala Kwebumaboma mapilana Yerusalem, e ammakawala tolula deli mina Libai eikugwaiyaisi tapwaroru gugulela. Matauna tosilasola eivituloki guyau Debida eiguli Bwala Kwebumaboma deli tapwaroru uvagila, kalubikoya makwaina Bwala Kwebumaboma kala tokaliai latula Solomoni.
Buki kala katumimisa
Liliusi dala deli mimilisi boda ituwoli liliusi 1.1—9.44
Guyau Saulo la kaliga 10.1-14
Guyau Debida iguguyau 11.1—29.30
a) Uvagila mwau deli bwaina
11.1—22.1
b) Kala katubaiasa Bwala Kwebumaboma kala kaliai
22.2—29.30
1
Metoya baisa Adam bila baisa Eberaam
(Vit 5.1-32; 10.1-32; 11.10-26)
1 Adam latula Seti, Seti latula Enosi, Enosi latula Kenani, 2 Kenani latula Maalaleli, Maalaleli latula Yaredi. 3 Yaredi latula Inoki matauna latula Metusela; Metusela latula Lameki, 4 matauna latula Nowa. Nowa litula taitolu. Sem, Am, Yapeta.
5 Yapeta litula Goma, Magogi, Madai, Yavani, Tubali, Meseki, Tirasi - matausina tubusia yagasi eitakasaisi makawala. 6 Goma dalela mina Asikenasi, Ripati, deli Togama. 7 Yavani dalela mina Elisa, Sipeini, Saipirosi deli Rodesi.
8 E Am litula Kusa, Itipita, Libia, deli Kenani - matausina tubusia yagasi eitakasaisi makawala. 9 E Kusa dalela mina Seba, Abila, Sabita, Raama, deli Sabiteka. E Raama dalela mina Seba, deli mina Dedani. 10 (E Kusa taitala latula yagala Nimrodi, matauna saina topeula valu watanawa iyouligigai komwaidona.) 11 E Itipita dalela mina Lidia, mina Anam, mina Leyabi, mina Napitu, 12 e mina Patirusi, mina Kasilu, deli mina Kiriti (matausina tubusia mina Pilisitia). 13 E Kenani litula Saidoni molitomoya, Eti molagwadi matausina tubusia yagasi eitakasaisi makawala. 14 E Kenani matauna tubula mina Yebusi mina Amora, mina Gigasa, 15 mina Ivi, mina Aka, mina Sini, 16 mina Abadi, mina Semara, deli mina Amati.
17 Sem litula - Elam, Asuri, Apakisadi, Luda, Aram, Usa, Uli, Geteri, deli Meseki - matausina tubusia yagasi eitakasaisi makawala. 18 Apakisadi latula Sela, e matauna latula Eba. 19 Eba litula taiyu. taitala yagala Pelegi,a Maigana Pelegi kala lega makawala mina Iberu si biga “ilivisisi”. paila uula igau ola tuta mina watanawa ilivisisi. E taiyuwela yagala Yokitani. 20 E Yokitani tubula mina Alomodadi, mina Selepa, mina Asarimaveta, mina Yera, 21 mina Adoram, mina Usali, mina Dikila, 22 mina Ebali, mina Abimaeli, mina Seba, 23 mina Opira, mina Abila deli mina Yobabi.
24 Dala eikitetila metoya baisa Sem bilokaia Eberam yagasi baisa makawala. Sem Apakisadi, Sela, 25 Eba, Pelegi, Reu, 26 Serugi, Nayo, Tira, 27 e Eberam (matauna igiyuwela Eberaam).
Isimeili dalela
(Vit 25.12-16)
28 Eberaam litula kasitaiyu, Aisake sola Isimeili. 29 Isimeili litula ivigaki kasi tokugwa dala madalasina dilaluwotala dilayu. Nebaioti (matauna Isimeili la kuluta), Kedara, Adibieli, Mibisam, 30 Misima, Duma, Masa, Adadi, Tema, 31 Yeturi, Napisa, deli Kedema.
32 Eberaam la ula eivigaki makawala la kwava yagala Ketura, iuni litula kasi bawa tailima taitala. Simrana, Yokisani, Medani, Midiani, Isibaki, deli Suwai. Yokisani litula taiyu. Siba sola Dedani. 33 Midiani litula kasi bawa tailima. Epa, Eperi, Anoki, Abida, deli Elidaa.
Iso dalela
(Vit 36.1-19)
34 Eberaam latula Aisake, e Aisake litula taiyu, Iso sola Yekobe. 35 Iso litula Elipasa, Reueli, Yeusa, Yalam, deli Kora. 36 Elipasa matauna tubusi dala madilasina Temani, Oma, Sepi, Gatam, Kenasi, Timna, deli Amaleki. 37 E Reueli matauna tubusi dala madilasina. Naata, Sera, Samma, deli Misa.
Tolivalu tobubogwa mina Edom
(Vit 36.20-30)
38-42 Tolivalu tobubogwa mina Edom eikitetilasi metoya Seiri litula.
Lotani dalela Ori sola Onam. (Lotani luleta yagala Timna.)
Sobali dalela madilasina Alivani, Manaata, Ebali, Sepi deli Onam.
Sibioni litula taiyu, Aiya sola Anai. Anai latula Disoni, e matauna tubusi Amrani, Esibani, Itirani, deli Kerani.
Esa matauna tubusi Bilani, Saavani, deli Yaakani dalesi.
Disani dalela Usa sola Arani.
Guyousi Edom
(Vit 36.31-43)
43-50 Omitibogwa Isireli gala guyoula e Edom isim guyoula taitala iguyau im, oluvi taitala.
Bela matauna Beori latula tolela Dinaba
Yowabi matauna Sera latula tolela Bosira
Usam matauna tolela mapilana Temani
Adadi matauna Bedadi latula tolela Aviti (matauna eitomgwaga odubasi mina Midiani okabilia mapilana Mowabi)
Samla matauna tolela Masireka
Sauli matauna tolela Reyoboti Wa Waya
Beali Anani matauna Akibori latula
Adadi matauna tolela Pau (la kwava yagala Meetabeli minana Materedi latula e Meseyabi tabula.)
51 E tomotela Edom ikovisisi si dala Timna, Aliva, Yeteti, 52 Owolibama, Ela, Pinoni, 53 Kenasi, Temani, Mibisari, 54 Magidieli deli Iram.