10
Ndramat Hemir Hemir ndre Hehir odo ta su Nedun Noah
1 Kurti tatili-iy ta su nedun Noah kamal, Siem, Jafet, pe Ham. Su hopo nedu’ su pe hosohor idu ndruwen wo ideh.
Su Yayan Jafet
2 Su nedun Jafet kamal eri: Gomer, Magok, Madai, Javan, Tubal, Mesek, pe Tiras.
3 Su nedun Gomer kamal ti: Askenas, Rifat, pe Togarmah.
4 Su nedun Javan kamal eri: Elisah, Tarsis, pe su lau odo Saiprus, pe su lau odo Dodan. 5 Sa lau odo ngerin ndras pe mbruso ti hehir odo ta su nedun Javan.
Su ndre sulo-on ndre hendrepahran su kurti hehir tan Jafet. Su hemir pe hemir ti hemin ndre kantri tasu iyenon, pe ndre nolwo-o’ su ea.
Su Yayan Ham
6 Su nedun Ham kamal ti: Kus,* rangai Kus eri rangan kantri Sudan. Isip, Libia, pe Kenan.
7 Su nedun Kus kamal eri: Seba, Havilah, Saptah, Ramah, pe Sapteka.
Ramah ti nedun rumuu kamal: Seba pe Dedan.
8 Pe Kus ti nedun homou kamal yi rangan Nimrot. Nimrot ti iy lau puko-on lakopwi odo pahun. 9 Lapan iduwe puko-on ile tan Nimrot pe iy ihir ile ndramat puko-on odo pondrih sane yohou. Ile pe sa lau hampa ihpah, “Lapan kihnan ou ala ndramat puko-on odo pondrih yohou ihpa ndre Nimrot.” 10 Ndre mamunen eri iy ihtungon taon ndre toloh: Babel, Erek, pe Akat. Taon kuti hoso lon kantri Babilonia. 11 Nimrot itlang odo Babilonia ti pe ile Asiria, pe itmon taon mandra-ane ndre hahuu: Niniveh, Rehobotir, Kalah, 12 pe Resen. Resen ti ise ndrokoron Niniveh pe Kalah. Kalah eri taon mandra-an ihpa ndre siti.
13 Nedun Ham ndre Isip (rangan handrai yi ti Mizraim) ti iduwe: su Lidia, Anam, Lehap, Naptuh, 14 Patrus, Kasluh, pe Krit. Su lau odo Filistia ti hehir odo ndrongo’ su Krit.
15 Nedun Ham ndre Kenan ti iduwe Saidon. Saidon ti ndrihou tan Kenan.
Kenan ti yayan imbruw ile su Hit,
16 pe su Jebus, pe su Amor, pe su Girgar,
17 pe su Hivi, pe su Arka, pe su Sini,
18 pe su Arvat, pe su Semar, pe su Hamat.
Su yayan Kenan ti hohor pe hasarpat, 19 pe ngerin su ile-en ndre Sidon pe ile kup ea, ile ndre Gerar pe ilmendrih ndre Gasa. Ngerin lone’ su ti ile ndre rai ea yi, ile ndre Sodom, Gomorah, Atmah, pe Seboim, mukehe odo Lasa.
20 Su ndre sulo-on ndre hendrepahran su kurti hehir ta Ham. Su hemir pe hemir ti hemin ndre kantri tasu iyenon, pe ndre nolwo-o’ su ea.
Su Yayan Siem
21 Tolun kom tan Noah ti Siem. Siem ti papon su lau odo Eber.† Eber: Ile nolou Hibru eri Eber ti lin rangai ndre Hibru ti.
22 Su nedun Siem kamal ti: Elam, Asur, Arpaksat, Lidia, pe Aram.
23 Su nedun Aram kamal eri: Us, Hul, Geter, pe Mas.
24 Arpaksat ti nedun Selah, pe Selah ti nedun Eber.
25 Eber ti nedun kamal rumuu:
Homou ti rangan Pelek, odosa idu mundrun erti, sa lau odo lokpoi ti hatpar pe hasarpat. Su hemir ti hala sehir, pe su hemir ti hala sehir, pe su hemir ti hala sehir. Ile pe Pelek ti ihpa ndre ‘hatpar.’ Nedun Eber homou yi ti Joktan.
26 Su nedun Joktan kamal eri:
Almodat, Selep, Hasarmavet, Jerah,
27 Hadoram, Usal, Diklah,
28 Obal, Abimael, Seba,
29 Ofir, Havilah, pe Jobap.
Su ndre sulo-on kuti nedun Joktan.
30 Su nedun Joktan ti hekuni lok idu Mesa pe ilto Sefar, odo lok puliy ile rai ea.
31 Su ndre sulo-on ndre hendrepahran su kurti hehir tan Siem. Su hemir pe hemir ti hemin ndre kantri tasu iyenon, pe ndre nolwo-o’ su ea.
32 Iy kurti tatili-iy ta su yayan nedun Noah ndre tulmuu. Idu ndruwen wo ideh ti pe ndramat kurti hohor pe hasarpat hala lokpoi ndre mandra-an. Ile pe ndramat ndre sulo-on odo kantri sih sih mahkele eri hehir ke ta su nedun Noah ndre tulmuu.