1  Mis 5.29; Tit 3.1; 1Pr 2.13-14; Mbʉ́ 13; 20.4 Mik 8.15-16Muud yɛ̂sh mə́ jəlá nə sá mícî məgwág. Nəcé, icî byɛ̂sh bí shí ga dɨ́ yí í ŋgə zhu wə́ Zɛmbî. Zɛmbî wə́ nyə a tə̂l micî myɛ̂sh mísə́ myá. 2 Ntɔ́ mə́ kə́ nə́, muud mə lʉl lúu nə cî yɛ́ mə́ lʉl lúu nə téégyá ísâ Zɛmbî nyə a táág yí. Buud bwə́ sá ntɔ́ wá bwə́ sá nə́ Zɛmbî yə́g bwo intʉ́gʉ́lí. 3  1Pr 2.14; 3.13Wo ajə́láyɛ́ nə fúndə ójwû ja wó dʉ sá mə́nywa yí; njɨ, ŋkí wó dʉ sá mə́bɔ̂w, wo wə́ mə́ jə́lá nə fúndə. Ŋkí wó cɛɛl cʉgə kú fúndə cî, dʉgʉ́ sâ mə́nywa, cî nyə é yidá faag wo. 4 Mpug nə́ cî wúsə sɔ́ɔl məsáal mə́ Zɛmbî shú dʉ́lə bándʉlə wo nə́ wo dʉ́g sâ mə́nywa. Ŋkí wó dʉ sâ mə́bɔ̂w, wó jəlá nə fúndə; nəcé, cî í dʉ bə nə kafwɛlɛ shú nə́ a dʉ́g yə búúd intʉ́gʉ́lí. Cí wúsə sɔ́ɔl məsáal mə dʉ lwóya mpimbə mə́ Zɛmbî, dʉ lámʉsa nə buud bwə́ dʉ sá olɨ́lɨŋgɨ̂ wá. 5  2.15Gwə́ wə́ jɨ́ nə́, muud mə́ jəlá nə magʉlə íjwûga í cî nə jɔ̧ lâm, kú bul bə njɨ nəcé fúndə́lə nə́ Zɛmbî nyə á bá gwág nyə mpimbə.

6 Sá jɔɔŋg nə́mə́ wə́ bɨ́ mə́ dʉ jə́na ótóya yí. Buud bɨ́ nə́ bwə́ dʉ́g ŋwa ótóya bɔɔŋg wá, Zɛmbî wə́ nyə á tə̂l bwo nə́ bwə́ dʉ́g sâ ísɛ́y byɔɔŋg. 7  Mat 22.21Yə́gá muud yɛ̂sh sâ bɨ́ mbíd nyə yí: bɨ́ jə́na múúd tóya tóya yé; bíl ísâ byɛ̂sh bɨ́ mə́ jə́lá nə jə́na yí, bɨ́ yə búúd bwə́ jə́lá nə ŋwa wá; muud mə jə́lá nə fúndʉ́gʉ́ yɛ́, bɨ́ fúndə nyə; nyɔɔŋg mə jə́lá nə gúmə́ yɛ́, bɨ́ yə nyə gúmə́.

8  Yuá 13.34; 1Kr 13; 16.14; Gal 6.10Kúgá bə nə mpwə́lá nə muud; mpwə́lá í bə́g njɨ cɛɛlí nə́ nyíga cɛɛl nyíga, nyíga cɛɛl nyíga. Nəcé, muud mə cɛ́ɛ́l bɔ́ɔ́lʉ́gá yɛ́, ŋgə mpu bɛ̧ məcɛ̧ɛ̧. 9  Mbá 5.17-21; Ləv 19.18; Mat 22.34-40; Gal 5.14; Zhk 2.8-13Ŋgaá bɨ mə mpú nə́ məmpə́ndí mə́ ŋgə cɨ nə́: «Ci wo kú sá mínɔɔmb, ci wo kú gwú múúd, ci wo kú júwo, ci wo kú wɨ́ɨ́mb ízhaá sâ.» Məmpə́ndí mə́nɨ nə mɔ́ɔ́l mɛ̂sh mə́ ŋgə cɨ njɨ sâ ŋgwûd nə́: «Cɛɛlʉg múúd yɛ̂sh jísə́ wo kúnə́-kúnə yɛ́ nda wó cɛ́ɛ́l wómɛ́fwó nə́.» 10 Muud jɨ́ nə cɛɛlí yɛ́ cugɛ́ nə ŋkul sá múúd jɨ́ nyə kúnə́-kúnə yɛ́ məbɔ̂w. Ntɔ́ jɨ nə́, muud mə cɛ́ɛ́l bɔ́ɔ́lʉ́gá yɛ́, ŋgə mpu bɛ̧ məcɛ̧ɛ̧.

11  1Te 5.5-8 Ifz 5.14-16; 1Kr 7.29-31Ŋgəgá nə cʉgə cʉg cɛɛlí jɔɔŋg, nəcé bɨ mə mpú nə́ fwála sə́ ŋgə́ cʉgə ga í músə wəla bɨ́ mə́ jə́lá nə juum ígwə́d yí. Nəcé ja gaád ɨɨ́, jwɔ́w Cwámba mə bá zə yîl shé mə́nyámád yí í mú bul bə kúnə́-kúnə ntɔ̧ jwɔ́w sə́ á magʉlə Yésus yí. 12  Ifz 5.11; 6.11, 13; 1Yn 2.8Bulú mə́ bul kə. Sə́ myáásʉgá isâ í dʉ sɨ̂y yídʉ́gʉ́d yí; sə́ yídágá ŋwa íkeny i gwáná bwə́ dʉ lúmbʉli nə ndɨ́ mə́ŋkɛ́nyad yí. 13  Luk 21.34; Ifz 5.18Sə́ cʉ́gəgá cʉg á otʉ́təlí, mbií í jə́lá nə mə́ŋkɛnya mə mwásə́ yí: kú nə idína í álal-ŋkul* idína í álal-ŋkul: Mbií ídína wɔɔŋg í á dʉ bə, buud də nə ŋgul ntɔ̧ mínjɨ, buud sá jaŋga kú nə məsʉs., kú nə shwágʉ́lə mə́lwəg; sə́ kú sá jaŋga, kú sá ásɨ́y-sɨ̂y, kú nə ozhuyâ, ku mpii tɔɔ muud. 14  Flp 2.5; Kol 3.15Yidagá ŋwa *Krîst nda káándə́ mə́ bwáád† ŋwa Krîst nda káándə́ mə́ bwáád: Ntɔ́ jɨ nə́ cʉgə mbií wɨ́ nə́ muud mə dʉ́g bɨ́ yɛ́ bə́g nda a ŋgə dʉ́g Krîst., bɨ́ kú bɨ́d nə́ iyéésh í cʉg múúd í nyíŋgəg ŋgə kə nə bɨ́ cʉg ábʉ́bɔ̂wʉd.