John-da
PHONGDOKPIBA
Wahoudok
Phongdokpibagi lairik asi Anouba Warepnabagi aroiba lairikni. Lairik asi Pakhonchatpa John-na Christtana poklaba matung chaorakna chahi 95 ki matungda i-bani (1:1). Mahakna John-na i-ba Aphaba Pao amasung chithi ahum haibadi 1 John, 2 John amadi 3 John-busu irammi. John-bu “Jisuna nungsibiba ama” hainasu khangnei (John 13:23). Mahakna Phongdokpibagi lairik asi Patmos Ithat-ta leiringei matamda ikhibani maramdi mahakpu Jisu Christtagi Aphaba Pao sandokpagidamak mapham aduda loi thakhi (Phongdokpiba 1:9)
John-na Phongdokpibagi lairik asi ikhibagi pandamdi lairik asibu apabasingna Jisu Christtada thajabayana lengdana leinaba pukning thougatpa amadi Jisuna hallakkadaba matam adu naksillakpa maramna makhoida asha pinabani. Mahakna masi christian pumnamakta amadi pandup 2-3 da yaoriba akhannaba singlup taretta masi i-bani. John-na mahakki khuk-i asibu phongdokpiba wagi thakta thammi (1:3) aduga mahakna ukhibasing adu utnaba saktam kaya ama lairik apumbada sijinnei. Lairik asi ariba warepnabagi saruk kharaga mannei, akhannana Zachariah 6:1-8 ka mannei. Peresingga taret amadi tenggot taret asisu Tengban Mapuna Egypt-pu cheirak pinanaba thakhiba awa anasing aduga yamna mannei (Khongsanba 7-9). Phongdokpiba lairik asina aroiba matamgi maramda hairi madudi Jisuna mai pakkadouri, aduga mangonda thajaba thamliba pumnamakna mahakka loinana lomba naidana leiminnagani haibasini. Lairik asina nakhoida cheksin wa haibisanu amadi Ibungo Jisu amuk thuna hallakadouri haiba adugi asha pibisanu.
Yaopham Takpa
1. John-na mahak kanano haiba amadi mahakna kamdouna phongdokpibagi uhanbiba asi phangkhibano haibadu hairaduna houba (1:1–1:20)
2. Mahakna hakthengnana Jisudagi singlup taretta paojel piba (2:1–3:22)
3. Adudagi mahakna chum taret (4:1–8:5) amadi peresingga taret (8:6–11:19) sandokna takpa.
4. Madugi matungda John-na angang nupamacha aduna makok taret panba chinglai adugi maiyokta lal touba adu sandokna takpa (12:1–14:20)
5. Adudagi mahakna asaobagi tenggot taret adugi maramda i-ba (15:1–16:18)
6. Matungda John-na kamdouna swargada Tengban Mapuna mahakki yeknabagi maiyokta mai pakpage haibadu sandokna takpa (17:1–20:15)
7. Aroibada mahakna aroibada lakkadouriba anouba swarga amadi anouba malemgi maramda sandokna takpa (21:1–22:21)
1
1 Lairik asi Jisu Christtana phongdokpikhiba thoudoksing adubu isinduna thamba lairikni. Thuna thoklagadabasing adu mahakki manaisingda utnanaba Tengban Mapuna Ibungoda phongdokpiba asi pinabikhi. Christtana mahakki manai John-da mahakki swargadut thabiduna thoudoksing asibu khanghanbire, 2 aduga John-na, mahakna ukhiba pumnamaksing adubu haidokle. Masi, Tengban Mapudagi lakpa paojel amadi Jisu Christtana phongdokpiba achumba adugi maramda mahakki paodam aduni. 3 Lairik asibu paba mahak adu yaiphabani amasung phongdokpiba wa asigi waheising asibu taba amadi lairik asida iriba asibu ngakpa makhoising adu yaiphabani! Maramdi matam adu naksillakle.
Singlup taretta khuramjaba
4 1:4 Khong 3:14; Phong 4:5John-dagi Asia-gi lamdamda leiba singlup taretta:
Oiriba, oiramba amadi lenglakkadouriba Tengban Mapudagi amasung mahakki phambal mangda leiriba thawai tarettagi, 5 1:5 Isa 55:4; Isei 89:27aduga thajaba yaba sakhi oiriba, asibasinggi maraktagi ihan hanna hinggatkhiba amasung taibangpalgi ningthousinggi mathakta Mapu oiriba Ibungo Jisu Christtadagi thoujal amadi ingthaba nakhoida leisanu.
Ibungona eikhoibu nungsibi, amasung mahakki iratpot oina sibiba adugi mapanna mahakna eikhoibu eikhoigi papsingdagi ning-tamhanbire, 6 1:6 Khong 19:6; Phong 5:10amasung Ibungogi Mapa Tengban Mapubu thougal toujanaba eikhoibu purohitsinggi ningthouleibak ama oihanbire. Jisu Christtagi maphamda matam pumnamakta matik mangal amadi pangal leiba oisanu! Amen.
7 1:7 Dan 7:13; Mat 24:30; Mrk 13:26; Luk 21:27; 1 Thess 4:17; Zec 12:10; Jn 19:34,37Yeng-u, Ibungona leichilga loinana lengbirakli! Mahakpu tana thinkhibasing yaona mipum khudingmakna Ibungobu ujagani. Aduga malemda leiriba mipum khudingmak Ibungogi maramna tengtha naowoigani. Madumak oisanu, Amen.
8 1:8Phong 22:13; Khong 3:14Oiriba, oiramba amasung lakkadouriba ingam ngamba Ibungo Tengban Mapuna hai, “Eidi Alpha amadi Omegani, ahouba amadi aroiba adu eini.”
Christtabu uhanbiba
9 Nakhoigi nachin-nanao amadi Ibungogi Ningthouleibak adugi oiriba makhoising aduda lakpa awa anangsing adubu khaangheina khaangbada Jisugi tung-inba ama oina nakhoiga saruk phangminnariba John eihakpu Tengban Mapugi wa sandokpagidamak amadi Jisugi sakhigidamak Patmos ithat-ta tharammi. 10 Ibungogi numitta eina thawaida leirammi, amasung eigi tungda peresinggagumba ahouba khonjel ama eina tarammi. 11 Maduna hai, “Nahakna uriba adu lairik amada isinduna madu singlup taret haibadi, Ephesus, Smyrna, Pergamum, Thyatira, Sardis, Philadelphia, amadi Laodicea da tharo.”
12 Eingonda ngangliba adu eina yengnaba leithorakpada sanagi thaomei makhong taret eina ure, 13 1:13 Dan 7:13; 10:5aduga thaomei makhongsing adugi marakta khongya youna chonba achonba phijol setpa, sanagi khwangchetna thabakta phaba Migi Machanupa manba kanagumba ama eina ure. 14 1:14 Dan 7:9 1:14,15 Dan 10:6Mahakki masam adu angouba samtugumna amadi ungumna ngourammi, aduga mahakki mamit adu achakpa meirigummi. 15 1:15 Eze 1:24; 43:2Mahakki makhong adu meiphamda phudonglaba amadi langhallaba pithraigummi, amasung mahakki khonjel adu iraokhol kanna chenthariba ising ichelgummi. 16 Mahakna makhut yetta thawanmichak taret pai, amadi maya ani panba athouba thangsang ama mahakki machindagi thorakkhi. Mahakki maithongdu numitna pumlang langbagumna ngallammi. 17 1:17 Isa 44:6; 48:12; Phong 2:8; 22:13Eina mahakpu ubada asiba mi amagumna eina mahakki khuyada tuthajarammi. Adubu mahakna mahakki yet-thangba makhut adu ithakta thambiraduna hairak-i, “Kiganu, eihak ahanba amasung aroiba aduni, 18 aduga eidi ahingba aduni, eihak sirure, adubu yeng-u houjikti ei lomba naida naidana hingle. Aduga eina asibagi amasung khamnung leibakki so adu pairi. 19 Maram aduna, nahakna uriba hiramsing, houjik oiriba amadi tungda thorakkadabasing animak asi isillu. 20 Eigi khut yetta nahakna uriba thawanmichak taret amadi thaomei makhong taret adugi athuppa wahanthokti asini: Thawanmichak taret aduna singlup taret adugi swargadutsingni, aduga thaomei makhong taret aduna singlup taretni.”
1:4 1:4 Khong 3:14; Phong 4:5
1:5 1:5 Isa 55:4; Isei 89:27
1:6 1:6 Khong 19:6; Phong 5:10
1:7 1:7 Dan 7:13; Mat 24:30; Mrk 13:26; Luk 21:27; 1 Thess 4:17; Zec 12:10; Jn 19:34,37
1:8 1:8Phong 22:13; Khong 3:14
1:13 1:13 Dan 7:13; 10:5
1:14 1:14 Dan 7:9
1:14 1:14,15 Dan 10:6
1:15 1:15 Eze 1:24; 43:2
1:17 1:17 Isa 44:6; 48:12; Phong 2:8; 22:13