Hebrews khan Ke Likha Chithi
1
Isor Laga Putro He Sobse Mohan Adhikari
1 Purana dinte amikhan baba laga baba khan logote Isor pora alag-alag bhabobadi khan dwara bisi bar kisim kotha koise. 2 Kintu etu hekh din khan te, Isor he Tai laga ekjon Putro dwara amikhan logote kotha korise, junke Tai sob laga waris hobole nimite basi loise. Tai pora he pura shristi bonai dise* 1.2 Jon. 1:3; 1 Cor. 8:6.. 3 Jisu he ujala pora bhorta thaka Isor laga mohima dikhai diya jon ase. Tai laga kotha laga hokti pora sob to dhori kene ase. Jitia Tai paapkhan sapha kori dise, Tai jai kene Mohan Isor laga dyna hathte bohise. 4 Sorgodoth khan pora bhi Tai he sobse untcha hoise kelemane Taike diya uttoradhikari laga naam bhi sorgodoth khan pora bhi bisi mohan ase. 5 Kun to sorgodoth ke Isor pora eneka koise,
“Tumi Moi laga chokra ase,
Aji Moi tumi laga baba hoi jaise”?
Aru bhi,
“Moi taikhan laga baba hobo,
Aru taikhan Moi laga ekjon chokra hobo† 1.5 2 Sam. 7:14; 1 Chr. 17:13; Psa. 2:7.”?
6 Kintu aru jitia Isor poila jonom kora bacha ke duniya te ane, Tai koi, “Sob Isor laga duth khan Taike mohima koribi.” 7 Aru sorgodoth khan ke Tai pora koi,
“Tai he ekjon ase kun he sorgodoth khan ke atma bonai,
Aru Tai laga noukar khan ke juli thaka jui bonai‡ 1.7 Yunani bhasa te ‘hawa’ aru ‘atma’ likha ase..”
8 Kintu Tai laga Putro ke Isor koi,
“Tumi laga singhason, Isor, hodai aru hodai nimite ase.
Tumi laga rajyo to dharmik ase aru tumi thik niyom pora he manu khan ke bisar kore.
9 Tumi bhal kaam he khushi pai aru niyom laga niyom nathaka ke ghin kore.
Etu nimite Isor, Tumi laga Isor, pora he apuni ke khushi laga tel hali kene basi loise.
Aru etu to tumi logote thaka sathi khan pora bhi bisi dangor laga khushi ase§ 1.9 Psa. 45: 6-7..”
10 “Shuru te, Probhu, tumi prithibi bonaise.
Aru sorgo to Tumi laga hath pora bona kaam ase* 1.10 Psa. 102:25; Gen. 1:1..
11 Taikhan harai jabo, kintu Tumi hodai thakibo.
Taikhan sob purana hoija kapra nisena he hoi jabo.
12 Lamba kapra ke lipai kene rakha nisena Tumi taikhan ke lipai kene rakhidibo,
Aru kapra bodli kora nisena, Tumi taikhan ke bodli kori dibo.
Kintu Tumi eke ase,
Aru Tumi laga din aru saal kitia bhi khotom nohobo† 1.12 Heb. 13:8; Psa. 102:25-26..”
13 Kintu, kun homoi te Isor Tai laga duth khan ke eneka koisele,
“Moi laga dyna hathte bohibi
Jitia tak moi tumi laga dushman khan ke tumi laga theng nichete narakhe‡ 1.13 Psa. 110:1; Mat. 22:44.”?
14 Sewa kori thaka kiman sorgodoth khan ase taikhan atma nohoi naki, jun khan ke poritran pabole thaka manu khan ke sai dibole nimite pathai dise nohoi§ 1.14 Psa. 103:20-21.?