Ⅰ ཏཏཿ པརཾ སྭརྒསྠཱནཱཾ མཧཱཛནཏཱཡཱ མཧཱཤབྡོ ྅ཡཾ མཡཱ ཤྲཱུཏཿ, བྲཱུཏ པརེཤྭརཾ དྷནྱམ྄ ཨསྨདཱིཡོ ཡ ཨཱིཤྭརཿ། ཏསྱཱབྷཝཏ྄ པརིཏྲཱཎཱཾ པྲབྷཱཝཤྩ པརཱཀྲམཿ།

Ⅱ ཝིཙཱརཱཛྙཱཤྩ ཏསྱཻཝ སཏྱཱ ནྱཱཡྻཱ བྷཝནྟི ཙ། ཡཱ སྭཝེཤྱཱཀྲིཡཱབྷིཤྩ ཝྱཀརོཏ྄ ཀྲྀཏྶྣམེདིནཱིཾ། ཏཱཾ ས དཎྜིཏཝཱན྄ ཝེཤྱཱཾ ཏསྱཱཤྩ ཀརཏསྟཐཱ། ཤོཎིཏསྱ སྭདཱསཱནཱཾ སཾཤོདྷཾ ས གྲྀཧཱིཏཝཱན྄༎

Ⅲ པུནརཔི ཏཻརིདམུཀྟཾ ཡཐཱ, བྲཱུཏ པརེཤྭརཾ དྷནྱཾ ཡནྣིཏྱཾ ནིཏྱམེཝ ཙ། ཏསྱཱ དཱཧསྱ དྷཱུམོ ྅སཽ དིཤམཱུརྡྡྷྭམུདེཥྱཏི༎

Ⅳ ཏཏཿ པརཾ ཙཏུཪྻྭིཾཤཏིཔྲཱཙཱིནཱཤྩཏྭཱརཿ པྲཱཎིནཤྩ པྲཎིཔཏྱ སིཾཧཱསནོཔཝིཥྚམ྄ ཨཱིཤྭརཾ པྲཎམྱཱཝདན྄, ཏཐཱསྟུ པརམེཤཤྩ སཪྻྭཻརེཝ པྲཤསྱཏཱཾ༎

Ⅴ ཨནནྟརཾ སིཾཧཱསནམདྷྱཱད྄ ཨེཥ རཝོ ནིརྒཏོ, ཡཐཱ, ཧེ ཨཱིཤྭརསྱ དཱསེཡཱསྟདྦྷཀྟཱཿ སཀལཱ ནརཱཿ། ཡཱུཡཾ ཀྵུདྲཱ མཧཱནྟཤྩ པྲཤཾསཏ ཝ ཨཱིཤྭརཾ༎

Ⅵ ཏཏཿ པརཾ མཧཱཛནཏཱཡཱཿ ཤབྡ ཨིཝ བཧུཏོཡཱནཱཉྩ ཤབྡ ཨིཝ གྲྀརུཏརསྟནིཏཱནཱཉྩ ཤབྡ ཨིཝ ཤབྡོ ྅ཡཾ མཡཱ ཤྲུཏཿ, བྲཱུཏ པརེཤྭརཾ དྷནྱཾ རཱཛཏྭཾ པྲཱཔྟཝཱན྄ ཡཏཿ། ས པརམེཤྭརོ ྅སྨཱཀཾ ཡཿ སཪྻྭཤཀྟིམཱན྄ པྲབྷུཿ།

Ⅶ ཀཱིརྟྟཡཱམཿ སྟཝཾ ཏསྱ ཧྲྀཥྚཱཤྩོལླཱསིཏཱ ཝཡཾ། ཡནྨེཥཤཱཝཀསྱཻཝ ཝིཝཱཧསམཡོ ྅བྷཝཏ྄། ཝཱགྡཏྟཱ ཙཱབྷཝཏ྄ ཏསྨཻ ཡཱ ཀནྱཱ སཱ སུསཛྫིཏཱ།

Ⅷ པརིདྷཱནཱཡ ཏསྱཻ ཙ དཏྟཿ ཤུབྷྲཿ སུཙེལཀཿ༎

Ⅸ ས སུཙེལཀཿ པཝིཏྲལོཀཱནཱཾ པུཎྱཱནི། ཏཏཿ ས མཱམ྄ ཨུཀྟཝཱན྄ ཏྭམིདཾ ལིཁ མེཥཤཱཝཀསྱ ཝིཝཱཧབྷོཛྱཱཡ ཡེ ནིམནྟྲིཏཱསྟེ དྷནྱཱ ཨིཏི། པུནརཔི མཱམ྄ ཨཝདཏ྄, ཨིམཱནཱིཤྭརསྱ སཏྱཱནི ཝཱཀྱཱནི།

Ⅹ ཨནནྟརཾ ཨཧཾ ཏསྱ ཙརཎཡོརནྟིཀེ ནིཔཏྱ ཏཾ པྲཎནྟུམུདྱཏཿ། ཏཏཿ ས མཱམ྄ ཨུཀྟཝཱན྄ སཱཝདྷཱནསྟིཥྛ མཻཝཾ ཀུརུ ཡཱིཤོཿ སཱཀྵྱཝིཤིཥྚཻསྟཝ བྷྲཱཏྲྀབྷིསྟྭཡཱ ཙ སཧདཱསོ ྅ཧཾ། ཨཱིཤྭརམེཝ པྲཎམ ཡསྨཱད྄ ཡཱིཤོཿ སཱཀྵྱཾ བྷཝིཥྱདྭཱཀྱསྱ སཱརཾ།

Ⅺ ཨནནྟརཾ མཡཱ མུཀྟཿ སྭརྒོ དྲྀཥྚཿ, ཨེཀཿ ཤྭེཏཝརྞོ ྅ཤྭོ ྅པི དྲྀཥྚསྟདཱརཱུཌྷོ ཛནོ ཝིཤྭཱསྱཿ སཏྱམཡཤྩེཏི ནཱམྣཱ ཁྱཱཏཿ ས ཡཱཐཱརྠྱེན ཝིཙཱརཾ ཡུདྡྷཉྩ ཀརོཏི།

Ⅻ ཏསྱ ནེཏྲེ ྅གྣིཤིཁཱཏུལྱེ ཤིརསི ཙ བཧུཀིརཱིཊཱནི ཝིདྱནྟེ ཏཏྲ ཏསྱ ནཱམ ལིཁིཏམསྟི ཏམེཝ ཝིནཱ ནཱཔརཿ ཀོ ྅པི ཏནྣཱམ ཛཱནཱཏི།

ⅩⅢ ས རུདྷིརམགྣེན པརིཙྪདེནཱཙྪཱདིཏ ཨཱིཤྭརཝཱད ཨིཏི ནཱམྣཱབྷིདྷཱིཡཏེ ཙ།

ⅩⅣ ཨཔརཾ སྭརྒསྠསཻནྱཱནི ཤྭེཏཱཤྭཱརཱུཌྷཱནི པརིཧིཏནིརྨྨལཤྭེཏསཱུཀྵྨཝསྟྲཱཎི ཙ བྷཱུཏྭཱ ཏམནུགཙྪནྟི།

ⅩⅤ ཏསྱ ཝཀྟྲཱད྄ ཨེཀསྟཱིཀྵཎཿ ཁངྒོ ནིརྒཙྪཏི ཏེན ཁངྒེན སཪྻྭཛཱཏཱིཡཱསྟེནཱགྷཱཏིཏཝྱཱཿ ས ཙ ལཽཧདཎྜེན ཏཱན྄ ཙཱརཡིཥྱཏི སཪྻྭཤཀྟིམཏ ཨཱིཤྭརསྱ པྲཙཎྜཀོཔརསོཏྤཱདཀདྲཱཀྵཱཀུཎྜེ ཡདྱཏ྄ ཏིཥྛཏི ཏཏ྄ སཪྻྭཾ ས ཨེཝ པདཱབྷྱཱཾ པིནཥྚི།

ⅩⅥ ཨཔརཾ ཏསྱ པརིཙྪད ཨུརསི ཙ རཱཛྙཱཾ རཱཛཱ པྲབྷཱུནཱཾ པྲབྷུཤྩེཏི ནཱམ ནིཁིཏམསྟི།

ⅩⅦ ཨནནྟརཾ སཱུཪྻྱེ ཏིཥྛན྄ ཨེཀོ དཱུཏོ མཡཱ དྲྀཥྚཿ, ཨཱཀཱཤམདྷྱ ཨུཌྜཱིཡམཱནཱན྄ སཪྻྭཱན྄ པཀྵིཎཿ པྲཏི ས ཨུཙྩཻཿསྭརེཎེདཾ གྷོཥཡཏི, ཨཏྲཱགཙྪཏ།

ⅩⅧ ཨཱིཤྭརསྱ མཧཱབྷོཛྱེ མིལཏ, རཱཛྙཱཾ ཀྲཝྱཱཎི སེནཱཔཏཱིནཱཾ ཀྲཝྱཱཎི ཝཱིརཱཎཱཾ ཀྲཝྱཱཎྱཤྭཱནཱཾ ཏདཱརཱུཌྷཱནཱཉྩ ཀྲཝྱཱཎི དཱསམུཀྟཱནཱཾ ཀྵུདྲམཧཏཱཾ སཪྻྭེཥཱམེཝ ཀྲཝྱཱཎི ཙ ཡུཥྨཱབྷི རྦྷཀྵིཏཝྱཱནི།

ⅩⅨ ཏཏཿ པརཾ ཏེནཱཤྭཱརཱུཌྷཛནེན ཏདཱིཡསཻནྱཻཤྩ སཱརྡྡྷཾ ཡུདྡྷཾ ཀརྟྟུཾ ས པཤུཿ པྲྀཐིཝྱཱ རཱཛཱནསྟེཥཱཾ སཻནྱཱནི ཙ སམཱགཙྪནྟཱིཏི མཡཱ དྲྀཥྚཾ།

ⅩⅩ ཏཏཿ ས པཤུ རྡྷྲྀཏོ ཡཤྩ མིཐྱཱབྷཝིཥྱདྭཀྟཱ ཏསྱཱནྟིཀེ ཙིཏྲཀརྨྨཱཎི ཀུཪྻྭན྄ ཏཻརེཝ པཤྭངྐདྷཱརིཎསྟཏྤྲཏིམཱཔཱུཛཀཱཾཤྩ བྷྲམིཏཝཱན྄ སོ ྅པི ཏེན སཱརྡྡྷཾ དྷྲྀཏཿ། ཏཽ ཙ ཝཧྣིགནྡྷཀཛྭལིཏཧྲདེ ཛཱིཝནྟཽ ནིཀྵིཔྟཽ།

ⅩⅪ ཨཝཤིཥྚཱཤྩ ཏསྱཱཤྭཱརཱུཌྷསྱ ཝཀྟྲནིརྒཏཁངྒེན ཧཏཱཿ, ཏེཥཱཾ ཀྲཝྱཻཤྩ པཀྵིཎཿ སཪྻྭེ ཏྲྀཔྟིཾ གཏཱཿ།