1 نَ تّمُي سُلٍمَنِ نَشَ عَ مَسٍن، «عَلَتَلَ، عَ قَلَ نّ عَ عَ لُمَ نُشُي مَفَاشُشِ كُي. 2 ﭑ تَن بَرَ لِنفِرَ تِ عَلَ بّ، عَ لُمَ دّننَشّ عَبَدَن.»

3 مَنفّ نَشَ عَ يَ رَقِندِ، عَ دُبَ عِسِرَيِلَ حَمَ بِرِن بّ. عٍ بِرِن نُ تِشِ. 4 عَ نَشَ عَ مَسٍن، «تَنتُي نَ عِسِرَيِلَ مَرِفِ عَلَتَلَ بّ، نَشَن وْيّن ﭑ بَبَ دَوُدَ بّ عَ كّرّ رَ. عَ قٍ نَشَن بِرِن قَلَ عَ بّ، عَ نَ بِرِن نَكَمَلِشِ نّ. 5 ‹كَقِ ﭑ نَن ﭑ مَ حَمَ رَ مِنِ مِسِرَ بْشِ رَ، ﭑ مُ نُ تَا سُفَندِشِ عِسِرَيِلَ بْنسْييٍ تَفِ ﭑ بَنشِ تِمَ دّننَشّ. ﭑ مَن مُ شّمّ سُفَندِشِ نَشَن قِندِ مَ ﭑ مَ عِسِرَيِلَ حَمَ شَ يَرٍرَتِ رَ. 6 كْنْ ﭑ دَرِ سَلَمُ نَن سُفَندِشِ، عَلَكٌ ﭑ شِلِ شَ لُ نَا. ﭑ مَن دَوُدَ نَن سُفَندِشِ عَلَكٌ عَ شَ قِندِ ﭑ مَ عِسِرَيِلَ حَمَ شُنيِ رَ.›»

7 «ﭑ بَبَ دَوُدَ نَشَ نَتّ تٌنفٌ عَ بْحّ كُي، قٌ عَ شَ بَنشِ تِ عِسِرَيِلَ مَرِفِ عَلَتَلَ بّ. 8 عَلَتَلَ نَشَ عَ قَلَ ﭑ بَبَ دَوُدَ بّ، ‹عِ تٌ نَتّ تٌنفٌ عِ بْحّ كُي ﭑ مَ بَنشِ شَ قٍ رَ، نَ بَرَ قِندِ حَنِفٍ قَنيِ رَ. 9 كْنْ عِ تَن شَ مُ نَ بَنشِ تِمَ. عِ شَ دِ نَن تَن نَ تِمَ. عِ نَشَن بَرِشِ، نَ نَن ﭑ مَ بَنشِ تِمَ.› 10 عَلَتَلَ بَرَ عَ شَ مَسٍنيِ رَكَمَلِ. ﭑ تَن بَرَ تِ ﭑ بَبَ دَوُدَ حْشْي رَ عِسِرَيِلَ مَنفّ كِبَنيِ كُي، عَلْ عَلَتَلَ عَ مَسٍن كِ نَشّ. ﭑ مَن بَرَ بَنشِ تِ عِسِرَيِلَ مَرِفِ عَلَتَلَ بّ. 11 ﭑ بَرَ عَلَتَلَ شَ سَاتّ كَنكِرَ دْشْ نَا، عَ شَ سَاتّ وَلَشّ نَ نَ كُي. عَ نَ سَاتّ شِرِ عَ نُن عِسِرَيِلَكَيٍ نَن تَفِ.»

12 سُلٍمَنِ نَشَ تِ عَلَتَلَ شَ سّرّشّبَدٍ يَ رَ، عِسِرَيِلَ حَمَ بِرِن يَ شْرِ، عَ قَ عَ بّلّشّ عِتَلَ. 13 سُلٍمَنِ نُ بَرَ تِدٍ يَءِلَن يْشُي رَ تّتّ تَفِ، عَ كُيَ نْنفْن يَ سُولِ، عَ عِفبٌ نْنفْن يَ سُولِ، عَ عِتٍ نْنفْن يَ سَشَن. عَ نَشَ عَ شِنبِ سِن نَا عِسِرَيِلَ حَمَ يَ شْرِ، عَ عَ بّلّشّ عِتَلَ، عَ قَ عَ قَلَ، 14 «عِسِرَيِلَ مَرِفِ عَلَتَلَ، عِ مَنِيّ مُ نَ كٌورٍ نُن بْشِ مَ. عِ دُفُتّفّشِ عِ شَ سَاتّ نُن عِ شَ هِننّ شَ قٍ رَ عِ شَ كٌنيِيٍ مَبِرِ، نَشٍيٍ حّرّ مَ عِ يَ تٌدٍ رَ عٍ بْحّ قِيشّ رَ. 15 نَ نَ عَ رَ، تٌ لْشْي عِ بَرَ عِ شَ لَايِدِ رَكَمَلِ عِ شَ كٌنيِ ﭑ بَبَ دَوُدَ بّ. 16 يَكْسِ، عِسِرَيِلَ مَرِفِ عَلَتَلَ، عِ لَايِدِ نَشَن تٌنفٌشِ عِ شَ كٌنيِ ﭑ بَبَ دَوُدَ بّ، عِ شَ نَ رَكَمَلِ. عِ بَرَ عَ مَسٍن عَ بّ، ‹شَ عِ بْنسْي قّنتّن عٍ حّرّ كِ مَ عَلْ عِ عَ رَبَشِ كِ نَشّ، عٍ نَشَ ﭑ مَ سّرِيّ بِنيَ، مِشِ ندٍ لُمَ نّ عٍ يَ مَ نَشَن لُمَ عِسِرَيِلَ كِبَنيِ كُي عَبَدَن.› 17 يَكْسِ، عِسِرَيِلَ مَرِفِ عَلَتَلَ، عِ شَ عِ شَ مَسٍنيِ رَكَمَلِ، عِ نَشَن قَلَ عِ شَ كٌنيِ دَوُدَ بّ.»

18 «كْنْ عَلَ تَن نْمَ سَبَتِدٍ دُنِحَ بّندّ قُحِ قَرِ عَدَ مَدِيٍ تَفِ؟ كٌورٍ نُن عَ شَ فبٌي شُرُن عِ بّ. ﭑ بَنشِ نَشَن تِشِ عِ بّ عَ شُرُن كٌورٍ بّ. عِ لُمَ مّننِ دِ؟ 19 ﭑ مَرِفِ عَلَتَلَ، عِ شَ عِ شَ كٌنيِ شَ دُبّ سُشُ، عِ شَ عَ شَ مَشَندِ تٌنفٌ، عِ شَ عِ تُلِ مَتِ عِ شَ كٌنيِ وَ شُي رَ. 20 عِ شَ عِ حّنفِ سَ يِ بَنشِ شْن مَ كْي نُن يَنيِ، بَرِ مَ عِ نَشّ عَ عِ عِ يّتّ مَسٍنمَ بٍ نّ. عِ شَ عِ شَ كٌنيِ شَ مَشَندِ سُشُ يِ بَنشِ كُي. 21 عِ شَ عِ تُلِ مَتِ عِ شَ كٌنيِ نُن عِ شَ حَمَ وَ شُي رَ، عٍ عِ مَشَندِ مَ بٍ تّمُي نَشّ. كٍلِقٍ كٌورٍ مَ عِ دْشْشِ دّننَشّ، عِ شَ عِ تُلِ مَتِ مُشُ رَ، عِ مَن شَ دِحّ.»

22 «شَ مِشِ ندٍ سَ يُنُبِ رَبَ عَ بٌورٍ رَ، عٍ قَ عَ قَلَ عَ بّ عَ شَ مَرَكَلِ ندٍ رَبَ عِ شَ سّرّشّبَدٍ يِرٍ يِ بَنشِ كُي، 23 عِ شَ نَ قٍ مَتٌ كٍلِقٍ كٌورٍ مَ، عِ شَ كِيتِ سَ تِنشِنيِ رَ عَلَكٌ يُنُبِتْي نُن تِنشِنتْي بِرِن شَ عٍ سَرٍ سْتْ.»

24 «شَ عِ شَ حَمَ عِسِرَيِلَ سَ يُنُبِ رَبَ عِ رَ، عٍ يَشُييٍ قَ نْ عٍ رَ نَ شَ قٍ رَ، شَ عٍ تِن عٍ يّتّ رَفبِلٍندٍ عِ مَ، عٍ عِ شِلِ مَتْشْ، عٍ عِ مَشَندِ يِ هْرْ مْبَنشِ كُي، 25 عِ شَ نَ قٍ مَتٌ كٍلِقٍ كٌورٍ مَ، عِ شَ عِ شَ حَمَ عِسِرَيِلَ شَ يُنُبِيٍ شَقَرِ، عِ قَ عٍ رَفبِلٍن بْشِ مَ، عِ دّننَشّ قِشِ عٍ تَن نُن عٍ بَبَيٍ مَ.»

26 «شَ كٌورٍ سَ بَلَن، تُنّ يٌ مُ قَ، بَرِ مَ عٍ بَرَ يُنُبِ رَبَ عِ رَ، شَ عٍ قَ عِ مَشَندِدٍ بٍ، عٍ عِ شِلِ مَتْشْ، عٍ فبِلٍن عٍ شَ يُنُبِ قْشْ رَ عِ عٍ رَيَافِشِ نَشَن مَ، 27 عِ شَ نَ قٍ مَتٌ كٍلِقٍ كٌورٍ مَ، عِ شَ عِ شَ كٌنيِيٍ، عِ شَ حَمَ عِسِرَيِلَ شَ يُنُبِيٍ شَقَرِ، عِ شَ عِ شَ سّرِيّ قَنيِ مَسٍن عٍ بّ عَلَكٌ عٍ شَ نَ رَحّرّ كِ كٌلٌن، عِ قَ تُنّ رَفٌرٌ عِ شَ بْشِ مَ، عِ نَشَن قِندِ عٍ فبٍ رَ.»

28 «شَ كَامّ سَ سِن يِ بْشِ مَ، شَ نَ مُ قُرٍ، شَ نَ مُ بَلٌي كَنّ، شَ نَ مُ فٍرٍ، شَ نَ مُ فبَلٌي فبّتّ، 29 شَ مِشِ ندٍ سَ عِ مَشَندِ، شَ عِ شَ حَمَ عِسِرَيِلَ عٍ مَوَ عِ بّ، بَرِ مَ عٍ بَرَ عٍ شَ تْورّ سَابُي كٌلٌن عٍ قَ عٍ يَ رَقِندِ يِ بَنشِ مَ عٍ عِ مَشَندِ، 30 عِ شَ نَ قٍ مَتٌ كٍلِقٍ كٌورٍ مَ عِ مَفٌرٌشِ دّننَشّ، عِ شَ دِحّ، عِ شَ مِشِ بِرِن سَرٍ قِ عَ شَ وَلِ رَ، عِ تَن نَشَن عَدَ مَ بِرِن بْحّ مَ قٍ كٌلٌن. عِ كٍرٍن ثٍتِ نَن عِبُنَدَ مَ بِرِن سٌندٌن مَ قٍ كٌلٌن. 31 نَ كُي عٍ قَمَ فَاشُدٍ عِ يَ رَ، عٍ عٍ حّرّ عِ شَ كِرَ شْن عٍ شَ سِمَيَ بِرِن كُي يِ بْشِ مَ، عِ نَشَن قِشِ مُشُ بَبَيٍ مَ.»

32 «شَ شْحّ ندٍ سَ قَ كٍلِقٍ حَمَنّ فبّتّ مَ، نَشَن مُ قِندِ عِ شَ حَمَ عِسِرَيِلَ مِشِ ندٍ رَ، عَ قَ عِ شِلِ شُنفبٍ نُن عِ سّنبّ شَ قٍ رَ، عَ عِ مَشَندِ يِ بَنشِ كُي، 33 عِ شَ نَ قٍ مَتٌ كٍلِقٍ كٌورٍ مَ عِ مَفٌرٌشِ دّننَشّ، عِ شَ عَ شَ مَشَندِ سُشُ عَلَكٌ سِ بِرِن شَ فَاشُ عِ شِلِ يَ رَ دُنِحَ، عَلْ عِ شَ حَمَ عِسِرَيِلَ. عٍ شَ عَ كٌلٌن عِ تَن نَن شِلِ مَشَندِ مَ يِ بَنشِ كُي ﭑ نَشَن تِشِ.»

34 «شَ عِ شَ حَمَ سَ مِنِ عَ يَشُييٍ فٍرٍدٍ عَلْ عِ عَ قَلَ عٍ بّ كِ نَشّ، شَ عٍ عِ مَشَندِ يِ تَا مَبِرِ رَ عِ دّننَشّ سُفَندِشِ، شَ عٍ عِ مَشَندِ يِ بَنشِ مَبِرِ ﭑ نَشَن تِشِ عِ شِلِ رَ، 35 عِ شَ نَ قٍ مَتٌ، عِ شَ عٍ شَ دُبّ سُشُ، عِ شَ كِيتِ تِنشِنشِ سَ عٍ بّ.»

36 «شَ عٍ سَ يُنُبِ رَبَ عِ رَ، عَلْ عَدَ مَدِ بِرِن دَرِشِ نَشَن نَ، شَ عِ بْحّ تٍ عٍ مَ، عِ قَ عٍ سَ عٍ يَشُييٍ سَفٌي، عٍ قِندِ فٍيلِمَنِيٍ رَ يِرٍ مَكُيٍ، شَ نَ مُ عَ رَ يِرٍ مَكْرّشِ، 37 شَ عٍ سَ شَشِلِ سْتْ نَ كٌنيِيَ كُي، عٍ قَ عِ مَشَندِ عٍ شَ فٍيلِ كُي، ‹مُشُ بَرَ يُنُبِ رَبَ، مُشُ بَرَ قٍ حَاشِ رَبَ، مُشُ بَرَ كٌبِ،› 38 شَ عٍ مَن عٍ يّتّ رَفبِلٍن عِ مَ عٍ بْحّ قِيشّ رَ، عٍ نِي بِرِن نَ، عٍ قَ عِ مَشَندِ حَمَنّ مَ كٌنيِيَ كُي، عٍ عٍ يَ رَقِندِ يِ بْشِ مَبِرِ، عِ نَشَن قِشِ عٍ بَبَيٍ مَ، عَ نُن يِ تَا مَبِرِ، عِ نَشَن سُفَندِشِ، عَ نُن يِ بَنشِ مَبِرِ، ﭑ نَشَن تِشِ عِ بّ، 39 عِ شَ نَ قٍ مَتٌ كٍلِقٍ كٌورٍ مَ عِ مَفٌرٌشِ دّننَشّ، عِ شَ عِ تُلِ مَتِ عٍ شَ مَشَندِ نُن عٍ وَ شُي رَ، عِ شَ كِيتِ تِنشِنشِ سَ عٍ بّ، عِ شَ دِحّ عِ شَ حَمَ مَ نَشَن يُنُبِ رَبَشِ عِ رَ. 40 يَكْسِ، ﭑ مَرِفِ عَلَ، عِ شَ مُشُ شَ مَشَندِ مَتٌ، عِ شَ عَ رَ مّ، مُشُ نَشَن نَبَشِ يِ بَنشِ كُي.»

41 «يَكْسِ ﭑ مَرِفِ عَلَتَلَ، كٍلِ، عِ قَ عِ شَ مَلَبُدٍ، عِ تَن نُن عِ سّنبّ شَ لُ سَاتّ كَنكِرَ قْشْ رَ، عَلَكٌ كِسِ شَ لُ عِ شَ سّرّشّدُبّيٍ بّ، عَلَكٌ عِ شَ دَنشَنِيَتْييٍ شَ لُ هّيرِ كُي، ﭑ مَرِفِ عَلَتَلَ. 42 ﭑ مَرِفِ عَلَتَلَ عِ نَشَ عِ شَ مِشِ سُفَندِشِ رَبّحِن، عِ شَ رَتُ عِ شَ كٌنيِ دَوُدَ شَ دُفُتّفّحَ مَ.»