1 يُدَيَ مَنفّ يٍهٌسَقَتِ نَشَ فبِلٍن عَ شْنيِ دَرِ سَلَمُ بْحّسَ كُي. 2 عَننَبِ شَنَنِ شَ دِ يٍهُ نَشَ سِفَ يٍهٌسَقَتِ يِرٍ، عَ عَ قَلَ عَ بّ، «عِ مِشِ كٌبِ مَلِشِ مُنقٍ رَ؟ عَلَتَلَ يَشُي نْمَ رَقَندٍ عِ مَ؟ عَلَتَلَ بَرَ شْنْ عِ مَ نَ قٍ مَ. 3 كْنْ عِ قَن بَرَ قٍ قَنيِ ندٍيٍ رَبَ عَلْ عَسٍرِ وُرِ مَسٌلِشِيٍ كَنَقٍ بْشِ مَ، عِ مَن بَرَ عَلَ قٍن عِ بْحّ بِرِن نَ.»

4 يٍهٌسَقَتِ نَشَ لُ دَرِ سَلَمُ، كْنْ عَ مَن نَشَ بْشِ عِحّرّ كٍلِ بٍرِ سٍبَ، سَ دْشْ عٍقِرَ مِ فٍيَ رَ، عَ قَ مِشِيٍ رَفبِلٍن عٍ بَبَيٍ مَرِفِ عَلَتَلَ مَ. 5 عَ نَشَ كِيتِسَيٍ دْشْ يُدَيَ تَا مَكَنتَشِ بِرِن كُي. 6 عَ نَشَ عَ قَلَ كِيتِسَيٍ بّ، «وٌ شَ وٌ حّنفِ سَ وٌ شَ وَلِ شْن مَ عَ قَنيِ رَ، بَرِ مَ وٌ مُ كِيتِ سَمَ مِشِيٍ شَ قٍ شَ رَ، وٌ نَ رَبَمَ عَلَتَلَ نَن بّ. نَ كُي عَلَ لُمَ نّ عَ شَ سّرِيّ مَسٍن نَ وٌ بّ. 7 يَكْسِ، عَلَتَلَ شَ يَرَفَاشُي شَ لُ وٌ بّ. وٌ شَ وٌ شَ وَلِ رَبَ سْوبّ رَ، بَرِ مَ وٌن مَرِفِ عَلَتَلَ مُ وَ مَ مُحّ شْن، عَ مُ تِنمَ وٌ شَ مِشِ رَقِسَ عَ بٌورٍ بّ، عَ قَن مُ وَ مَ وٌ شَ تِنشِنتَرٍيَ رَبَ كْبِرِ شَ قٍ رَ.»

8 يٍهٌسَقَتِ تٌ فبِلٍن دَرِ سَلَمُ، عَ نَشَ لٍوِكَيٍ، سّرّشّدُبّيٍ، نُن عِسِرَيِلَ دٍنبَيَ شُنيِيٍ تِ كِيتِسَيٍ رَ دَرِ سَلَمُ، عَلَكٌ عَلَتَلَ شَ سّرِيّ شَ فٍرٍ رَحْن حَمَ تَفِ. 9 عَ نَشَ عٍ يَامَرِ، «وٌ شَ وَلِ دُفُتّفّحَ نُن بْحّ قِيشّ رَ عَلَتَلَ شَ يَرَفَاشُي كُي. 10 وٌ وٌ نفَشَكٍرٍنيِيٍ مَكِيتِمَ تّمُي نَشّ عٍ شْنيِ قَشّتِ قٍ رَ، شَ نَ مُ عَ رَ يَامَرِ ندٍ مَتَندِ قٍ رَ، وٌ شَ نَ بِرِن تَفِ رَبَ عٍ بّ عَ قَنيِ رَ عَلَكٌ عٍ نَشَ يُنُبِ سْتْ عَلَتَلَ مَبِرِ، عَ قَ شْنْ وٌ نُن وٌ نفَشَكٍرٍنيِيٍ مَ. شَ وٌ نَ رَبَمَ عَ رَبَ كِ مَ، وٌ مُ يُنُبِ سْتْمَ. 11 سّرّشّدُبّ عَمَرَيَ نَن نَ وٌ بِرِن شُن عَلَتَلَ شَ سّرِيّ شَ قٍ رَ. سُمَيِلَ شَ دِ سٍبَدَيَ نَن نَ وٌ بِرِن شُن بْشِ مَنفّ شَ سّرِيّ شَ قٍ رَ. يُدَيَ فٌمِنَ نَن نَ عَ رَ. لٍوِكَيٍ نَن قِندِ وٌ شَ كِيتِسَيٍ رَ. وٌ وٌ سّنبّ سٌ، وٌ شَ وَلِ عَ قَنيِ رَ. عَلَتَلَ شَ قٍ قَنيِ رَبَيٍ مَلِ.»