1 يٌسِيَ مَنفّيَ سْتْ عَ حّ سٌلٌمَسَشَن نَن مَ، عَ قَ حّ تٌنفٌ سَشَن نُن كٍرٍن مَنفّيَ رَبَ دَرِ سَلَمُ. 2 عَ عَلَتَلَ وَشْنقٍ تِنشِنشِ رَبَ نّ، عَ حّرّ عَ بَبَ دَوُدَ قْشِ. عَ مُ سِفَ يِرٍقَنيِ مَ، عَ مُ سِفَ كْولَ مَ.

3 عَ شَ مَنفّيَ حّ سٌلٌمَسَشَن ندٍ، عَ نَشَ عَ بَبَ دَوُدَ مَرِفِ عَلَ قٍن قْلْ. قٌنِكٍ نَن نُ عَ رَ نَ تّمُي. عَ شَ مَنفّيَ حّ قُ نُن قِرِن ندٍ، عَ نَشَ يُدَيَ نُن دَرِ سَلَمُ رَ سّنِيّن قْلْ. عَ نَشَ كُيٍ بَتُدٍيٍ بَ فٍيَيٍ قَرِ، عَ عَسٍرِ كُيٍ وُرِ دَاشِيٍ كَنَ، عَ كُيٍ يْشُي دَاشِيٍ بَ نَا. 4 عَ نَشَ يَامَرِ قِ بَلِ كُيٍ شَ سّرّشّبَدٍيٍ شَ كَنَ، سُرَيِ فَنمَ دّننَشّ كُيٍ بّ شَ بَ نَا، عَسٍرِ كُيٍ وُرِ دَاشِيٍ شَ سّفّ، كُيٍ نَشٍيٍ يَءِلَنشِ يْشُي رَ شَ عِلُنتُن. عَ نَشَ نَ كُيٍ عِلُنتُنشِ قُحِ قُنقُن عٍ شَ سّرّشّبَيٍ شَ فَبُرِيٍ قَرِ. 5 عَ نَشَ كُيٍيٍ شَ سّرّشّدُبّيٍ شْرِيٍ فَن كُيٍ سّرّشّبَدٍيٍ قَرِ، عَلَكٌ يُدَيَ نُن دَرِ سَلَمُ شَ سّنِيّن. 6 عَ نَشَ سِفَ مَنَسِ، عٍقِرَ مِ، سِمٍيْن، نُن نَقَتَلِ تَايٍ كُي، نُن عٍ شَ يِرٍ كَنَشِيٍ كُي، 7 عَ قَ سّرّشّبَدٍيٍ نُن عَسٍرِ كُيٍ وُرِ دَاشِيٍ كَنَ. عَ نَشَ كُيٍيٍ عِلُنتُن، عَ سُرَيِ سّرّشّبَدٍيٍ سّفّ عِسِرَيِلَ بْشِ بِرِن مَ. نَ تّمُي عَ نَشَ فبِلٍن دَرِ سَلَمُ.

8 يٌسِيَ شَ مَنفّيَ حّ قُ نُن سٌلٌمَسَشَن ندٍ رَ، عَ نَشَ عَسَلِيَ شَ دِ سَقَن، نُن تَا فٌمِنَ مَاسٍيَ، نُن يٌوَشَسَ شَ دِ يٌوَ سّبّلِتِ شّي عَ مَرِفِ عَلَتَلَ شَ بَنشِ يَءِلَندٍ. عَ نُ وَ مَ بْشِ نُن هْرْ مْبَنشِ رَ سّنِيّنقٍ. 9 عٍ نَشَ سِفَ سّرّشّدُبّ كُنتِفِ شِلِكِيَ يِرٍ، عٍ قَ كْبِرِ سٌ عَ يِ رَ نَشَن نُ بَرَ قِ عَلَ شَ هْرْ مْبَنشِ شَ قٍ رَ. لٍوِكَيٍ نَشٍيٍ قِندِشِ نَادّ كَنتّيٍ رَ نُ بَرَ نَ كْبِرِ مَشِلِ حَمَ مَ، حَمَ نَشَن كٍلِشِ مَنَسِ، عٍقِرَ مِ، عِسِرَيِلَ، يُدَيَ، بُنيَمِن بْشِ مَ، نُن دَرِ سَلَمُ. 10 عٍ نَشَ نَ كْبِرِ تَشُ عَلَتَلَ شَ بَنشِ وَلِ شُنيِيٍ رَ. عَلَكٌ نٍيٍ شَ نْ كَمُدّرِيٍ، بَنشِتِيٍ نُن وَلِكّ مْولِ بِرِن سَرٍ قِدٍ. 11 عٍ مَن شَ نْ فّمّ نُن وُرِ سَرَدٍ، عٍ شَ بَنشِ فبّتّيٍ رَكٍلِ يُدَيَ مَنفّيٍ نُ بَرَ نَشٍيٍ لُ عٍ شَ كَنَ. 12 يِ مِشِيٍ وَلِ نّ سْوبّ رَ لٍوِكَ ندٍيٍ شَ يَامَرِ بُن مَ. نٍيٍ شِلِيٍ نَن يَ؛ مٍرَرِ شَ دِيٍ يَشَتِ نُن عَبَدِيَسِ، نُن كٍهَتِ شَ دِيٍ سَكَرِ نُن مٍسُلَمَ. 13 يِ لٍوِكَيٍ نَن نُ نَ بّيتِبَ قَنيِيٍ رَ. عٍ نَشَ وَلِ بِرِن مَتٌ. لٍوِكَ فبّتّيٍ نَشَ عٍ حْشْ سَ سّبّلِ تِقٍ نُن نَادّ مَكَنتَقٍ شْنمَ.

14 عٍ تٌ نُ كْبِرِ رَ مِنِقٍ، نَشَن نُ بَرَ شَنِن عَلَتَلَ شَ بَنشِ كُي، سّرّشّدُبّ شِلِكِيَ نَشَ سّرِيّ كِتَابُي تٌ عَلَتَلَ نَشَن قِشِ عَننَبِ مُنسَ سَابُي رَ. 15 شِلِكِيَ نَشَ عَ قَلَ سّبّلِتِ سَقَن بّ، «ﭑ بَرَ تَوُرٍتَ مُنسَ تٌ عَلَتَلَ شَ بَنشِ كُي.» شِلِكِيَ نَشَ نَ كِتَابُي سٌ سَقَن يِ رَ. 16 سَقَن نَشَ كِتَابُي شَنِن مَنفّ شْن، عَ قَ عَ دّنتّفّ، «عِ يَامَرِ نَشَن قِ، عِ شَ وَلِكّيٍ بَرَ نَ بِرِن نَبَ. 17 عٍ بَرَ قَ كْبِرِ رَ نَشَن نُ نَ عَلَتَلَ شَ بَنشِ كُي، عٍ نَ سٌ وَلِ شُنيِيٍ يِ رَ عَ نُن مِشِ يِ رَ نَشٍيٍ نَ نَ وَلِ رَبَقٍ.» 18 سّبّلِتِ سَقَن مَن نَشَ عَ دّنتّفّ مَنفّ بّ، «سّرّشّدُبّ شِلِكِيَ بَرَ كِتَابُي ندٍ سٌ ﭑ يِ رَ.» سَقَن نَشَ نَ رَدَنفِ مَنفّ مَ. 19 مَنفّ تٌ نَ كِتَابُي شَ مَسٍنيِ مّ، عَ نَشَ عَ يّتّ شَ دُفِيٍ عِبْو سُننُنيِ مَ.

20 مَنفّ نَشَ يِ يَامَرِ سٌ شِلِكِيَ، سَقَن شَ دِ عَشِكَمَ، مِكٍ شَ دِ عَبَدٌن، سّبّلِتِ سَقَن، نُن مَنفّ رَ سِ عَسَيَ يِ رَ، 21 «وٌ سِفَ، وٌ سَ عَلَتَلَ مَشْرِن ﭑ بّ، عَ نُن عِسِرَيِلَكَيٍ نُن يُدَيَكَيٍ بّ، يِ مَسٍنيِ شَ قٍ رَ نَشَن سّبّشِ يِ كِتَابُي كُي وٌ نَشَن تٌشِ. عَلَتَلَ شَ شْنّ فبٌ وٌن شِلِ مَ، بَرِ مَ وٌن بَبَيٍ مُ عَلَتَلَ شَ سّرِيّ رَبَتُ عَلْ عَ سّبّشِ يِ كِتَابُي كُي كِ نَشّ.»

22 شِلِكِيَ نُن مَنفّ شَ شّيرَ بٌورٍيٍ نَشَ سِفَ شُلِدَ شْن مَ، سَلُمُ شَ فِنّ. سَلُمُ تٌكٍهَتِ شَ دِ، شَسِرَ شَ مَمَدِ نَن نُ عَ حْشْ سَشِ هْرْ مْبَنشِ دُفِ سّنِيّنشِيٍ شْنمَ. شُلِدَ، نَمِحْنمّ فِنّ نَن نُ عَ رَ. عَ نُ سَبَتِشِ دَرِ سَلَمُ، تَا نّينّ كُي. عٍ نَشَ دّ مَسَرَ عَلْ مَنفّ عَ قَلَ كِ نَشّ. 23 شُلِدَ نَشَ عَ قَلَ عٍ بّ، «عِسِرَيِلَ مَرِفِ عَلَتَلَ شَ مَسٍنيِ نَن يَ؛ ‹عَ قَلَ مَنفّ بّ نَشَن وٌ شّيشِ، 24 عَ عَلَتَلَ شَ مَسٍنيِ نَن يَ؛ ﭑ قَمَ حَشَنكَتّ رَ يِ تَا نُن عَ شَ مِشِيٍ بّ، ﭑ دَنكّ رَفٌرٌ مَ نّ نَشٍيٍ شَرَنشِ يُدَيَ مَنفّ بّ يِ كِتَابُي كُي، 25 بَرِ مَ عٍ بَرَ ﭑ نَبٌلٌ، عٍ بَرَ سُرَيِ فَن سّرّشّ رَ عَلَيٍ فبّتّيٍ بّ. نَ بَرَ عَ نِيَ ﭑ شَ شْنْ عٍ شَ وَلِ مَ. ﭑ مَ شْنّ بَرَ لُ يِ تَا شُن مَ، عَ مُ كٍلِمَ نَا.› 26 كْنْ وٌ شَ عَ قَلَ مَنفّ بّ نَشَن وٌ شّيشِ عَلَكٌ عَ شَ عَلَتَلَ شَ نَتّ كٌلٌن، عِسِرَيِلَ مَرِفِ عَلَتَلَ نَشَن مَسٍنشِ، 27 ‹عِ بْحّ تٌ بَرَ يِ قٍ سُشُ، عِ قَ عِ مَفٌرٌ ﭑ بّ، عِ عِ تُلِ مَتِ ﭑ وْيّنيِ رَ ﭑ نَشَن قَلَشِ يِ تَا نُن عَ شَ مِشِيٍ شِلِ مَ، عِ قَ عِ شَ دُفِيٍ عِبْو يّتّ مَفٌرٍ كُي، عِ عِ مَوَ ﭑ بّ، نَ بِرِن كُي، ﭑ تَن عَلَتَلَ قَن بَرَ عِ شُي مّ. 28 ﭑ عِ شَنِنمَ نّ عِ بٍنبَيٍ يِرٍ بْحّسَ كُي. عٍ قَمَ عِ رَفَتَدٍ، عِ يَيٍ مُ يِ تَا نُن عَ شَ مِشِيٍ شَ حَشَنكَتّ تٌمَ.›» عٍ نَشَ نَ دّنتّفّ مَنفّ بّ.

29 مَنفّ نَشَ يُدَيَ نُن دَرِ سَلَمُ قٌرِيٍ شِلِ. 30 عَ نَشَ تٍ عَلَتَلَ شَ بَنشِ يِرٍ، يُدَيَكَيٍ، دَرِ سَلَمُكَيٍ، سّرّشّدُبّيٍ، لٍوِكَيٍ، نُن حَمَ بِرِن، كٍلِقٍ مِشِ مْشِيٍ مَ سَ دْشْ دِ مّيٍ رَ، بِرِن نَشَ بِرَ عَ قْشْ رَ. مَنفّ نَشَ كِتَابُي شَرَن عٍ بّ عَلَ شَ سَاتّ قٍ سّبّشِ نَشَن كُي، عٍ نُ بَرَ نَشَن تٌ عَلَتَلَ شَ بَنشِ كُي. 31 مَنفّ نَشَ تِ عَ تِدٍ، عَ سَاتّ تٌنفٌ عَلَتَلَ بّ عَ شَ بِرَ عَلَتَلَ شَ سّرِيّ، عَ شَ يَامَرِ، نُن عَ شَ شَرَنيِ بِرِن قْشْ رَ عَ بْحّ نُن عَ نِي بِرِن نَ. 32 عَ نَشَ يَامَرِ قِ دَرِ سَلَمُكَيٍ، بُنيَمِنكَيٍ، نُن مِشِ بِرِن مَ نَشٍيٍ نُ نَ دَرِ سَلَمُ نَ وَشَتِ، عٍ قَن شَ سَاتّ تٌنفٌ عٍ بَبَيٍ مَرِفِ عَلَ بّ.

33 يٌسِيَ نَشَ كُيٍ بَتُي بِرِن دَن سِ فبّتّيٍ نُن عِسِرَيِلَ نُ نَشَن نَبَمَ. عَ نَشَ عِسِرَيِلَكَيٍ بِرِن يَامَرِ عٍ شَ عٍ مَرِفِ عَلَتَلَ رَبَتُ. مَنفّ شَ سِمَيَ بِرِن كُي، حَمَ مُ تِن عٍ بَبَيٍ مَرِفِ عَلَتَلَ رَبٌلٌدٍ.