1 وٌ شَ عَ كٌلٌن ﭑ نَ فٍرٍ مَسٌقٍ وٌ بّ، ﭑ نَ فٍرٍ مَسٌقٍ لَيٌدِ سٍيَكَيٍ نُن دَنشَنِيَتْي بِرِن بّ، نَشٍيٍ ﭑ كٌلٌن كْنْ عٍ مُ ﭑ تٌشِ سِندٍن. 2 ﭑ نَ فٍرٍ مَسٌ كُي عَلَكٌ وٌ بْحّ شَ لِمَنِيَ، وٌ شَ بٌنِ وٌ بٌرٍ رَ شَنُنتٍيَ كُي، وٌ مَن شَ شَشِلِ قَنيِ سْتْ. نَ كُي، وٌ نْمَ نّ عَلَ شَ فُندٌ كٌلٌندٍ. نَ فُندٌ قِندِشِ عَلَ شَ مِشِ سُفَندِشِ نَن نَ. 3 لْننِ قَنيِ نُن قٍ كٌلٌنيِ نْشُنشِ عِسَ نَن مَ قٍ كُي.

4 ﭑ نَ قَلَشِ نّ، عَلَكٌ مِشِ يٌ نَشَ نْ وٌ مَدَشُدٍ وْيّنيِ تٌقَنيِيٍ رَ. 5 ﭑ مَكُيَ وٌ رَ، كْنْ ﭑ بْحّ نَ وٌ سّيتِ مَ. ﭑ بَرَ حّلّشِن، بَرِ مَ وٌ نَ حّرّقٍ عَ قَنيِ رَ وٌ شَ دَنشَنِيَ كُي. وٌ مُ عَلَ شَ مِشِ سُفَندِشِ بّحِنمَ قٍقٍ مَ.

6 وٌ تٌ بَرَ تِن وٌ مَرِفِ عِسَ شَ قٍ رَ، عَلَ شَ مِشِ سُفَندِشِ، وٌ لَن نّ وٌ شَ بِرَ عَ قْشْ رَ. 7 عِسَ شَ لُ وٌ بّ عَلْ سَنكٍ نَ سَنسِ بّ كِ نَشّ. عَ شَ لُ وٌ بّ عَلْ قَنيٍ، بَنشِ تِمَ نَشَن قَرِ. وٌ شَ دَنشَنِيَ شَ سَبَتِ عَلْ مُشُ وٌ شَرَنشِ كِ نَشّ. وٌ شَ عَلَ تَنتُ تّمُي بِرِن. 8 وٌ نَشَ عَ لُ مِشِ يٌ شَ وٌ مَدَشُ وْيّنيِ حْشُنمّ رَ. نَ وُلٍيٍ قِندِشِ عَدَ مَدِ شَ مَحْشُنيِ نَن نَ. نَ قَتَنشِ دُنِحَ قٍ نَن نَ. عَ مُ كٍلِشِ عَلَ شَ مِشِ سُفَندِشِ شَ مَ قٍوٌ!

9 عَلَ شَ قٍ كّحَ بِرِن نَ عِسَ يِ رَ. 10 وٌ قَن بَرَ كَمَلِ عِسَ سَابُي رَ، نَشَن قِندِشِ مَنفّ رَ. مَنفّيَ بِرِن نُن سّنبّ مْولِ بِرِن نَ عَ بُن مَ.

11 عِسَ بَرَ وٌ سُننَ، كْنْ عَ مُ عَ رَبَشِ عَ عَدَ مَ كِ شَ مَ. عَ مُ سٍسٍ بَ وٌ قَتٍ مَ. عَ وٌ سُننَ كِ نَشّ، عَ وٌ سٌندٌنيِ نَن كُي عِشَشِ. 12 وٌ بَرَ وٌ شُنشَ يٍ شْورَ. نَ بَرَ مَنِيَ عَلْ وٌ نُن عِسَ بَرَ رَفَتَ فَبُرِ كٍرٍن كُي. نَ شَنبِ وٌ قَن بَرَ كٍلِ يٍ شْورَ عَلْ عِسَ كٍلِشِ فَبُرِ كُي كِ نَشّ. نَ بِرِن نَبَشِ نّ بَرِ مَ وٌ بَرَ لَ عَلَ سّنبّ رَ، نَشَن عِسَ رَكٍلِشِ قَشّ مَ. 13 وٌ نُ لُشِ نّ عَلْ قَشَمِشِيٍ، وٌ شَ يُنُبِيٍ شَ قٍ رَ نُن وٌ شَ سُننَتَرٍيَ شَ قٍ رَ، كْنْ عَلَ بَرَ وٌ رَكِسِ عِسَ سَابُي رَ. عَ بَرَ دِحّ وٌن مَ يُنُبِ بِرِن مَ. 14 كَلَمُي نَشَن نُ سّبّشِ وٌن شِلِ مَ، نَشَن نُ نْمَ وٌن مَ قٍ كَنَدٍ، عَ بَرَ نَ بَ نَ عَ مَبَنبَنقٍ وُرِ مَفَلَنبُشِ مَ. 15 نَ كُي، عَلَ بَرَ نْ مَنفّيَ نُن سّنبّ مْولِ بِرِن نَ دُنِحَ بِرِن يَ شْرِ، نَشٍيٍ قَتَنشِ سٍنتَنّ رَ، عَ نَشَ شُننَكٍلِ سْتْ نَ وُرِ مَفَلَنبُشِ سَابُي رَ.

16 عَوَ، وٌ نَشَ تِن مِشِ يٌ شَ كِيتِ حَاشِ سَ وٌ مَ وٌ شَ دٌنسٍ نُن مِنسٍ شَ قٍ رَ، سَلِ شُنفبٍيٍ شَ قٍ رَ، كِكٍ نّينّ سَلِ شَ قٍ رَ، شَ نَ مُ مَلَبُ لْشْي شَ قٍ رَ. 17 نَ بِرِن قِندِشِ قٍ قَنيِ تْنشُمَ نَن نَ. عَ نُ وَ مَ عَلَ شَ مِشِ سُفَندِشِ شَ قٍ نَن مَسٍنقٍ وٌن بّ، نَشَن قِندِشِ نْندِ يَتِ رَ. 18 وٌ نَشَ تِن مِشِ يٌ شَ وٌ شَ شُننَكٍلِ بَ وٌ يِ رَ. مِشِ ندٍيٍ كَتَمَ نّ نَ رَبَدٍ. عَ لُمَ عَلْ عٍ عٍ يّتّ نَن مَفٌرٌ مَ، كْنْ وُلٍ نَ عَ رَ. عَ لُمَ عَلْ عٍ تَن نُن مَلٍكّيٍ عَلَ نَن بَتُمَ، كْنْ نَ قَن وُلٍ نَن عَ رَ. عٍ بِرَ مَ لَامَتُنيِيٍ قْشْ رَ، كْنْ عٍ عٍ يّتّ عِفبٌمَ قٍ قُقَقُ مَ. 19 عٍ مُ قَتُشِ عِسَ مَ، نَشَن نَ شُنيِ رَ. قَتٍ شُنيِ سَلٌنسٍ بِرِن نَحّرّ مَ. كَنكَن شِرِشِ عٍ بٌورٍ رَ، عَلَ سّنبّ قِمَ عٍ بِرِن مَ عَلْ عَ وَ مَ عَ شْن مَ كِ نَشّ.

20 شَ وٌ بَرَ قَتَن دُنِحَ قٍيٍ مَ عِسَ سَابُي رَ، مُنقٍ رَ وٌ وٌ يّتّ لُمَ دُنِحَ قٍيٍ شَ يَامَرِ بُن مَ؟ 21 نَ يَامَرِ نَشّ، «عَ مُ لَن وٌ شَ يِ تٌنفٌ! عَ مُ لَن وٌ شَ يِ دٌن! وٌ مَن مُ لَن وٌ شَ عَ مَسُشُ!» 22 نَ قٍ بِرِن قَمَ حْندٍ. نَ سّرِيّ مْولِ قَتَنشِ عَدَ مَدِ نَن نَ. 23 نَ قٍ مْولِ مَنِيَ لْننِ رَ، بَرِ مَ بَتُي، يّتّ مَفٌرٍ، نُن قَتٍ تْورْقٍ نَ عَ كُي، كْنْ عٍ تِدٍ يٌ مُ نَ، بَرِ مَ عٍ مُ نْمَ يُنُبِ قٍيٍ بَدٍ مِشِ بْحّ مَ.