1 ثٍرِ سٍ مَنفّ سِرُ سِ شَ مَنفّيَ قْلْ حّ نَشَن نَ، عَلَتَلَ نَشَ وَ قٍ رَكَمَلِقٍ عَ نَشَن مَسٍن عَننَبِ يٍرٍ مِ بّ. عَلَتَلَ نَشَ عَ سَ سِرُ سِ بْحّ مَ، عَ شَ يِ مَسٍنيِ قَلَ، عَ مَن شَ عَ سّبّ مِشِيٍ بّ نَشٍيٍ نَ عَ شَ يَامَرِ بُن مَ. نَ مَسٍنيِ نَن يِ كِ؛ 2 «ﭑ تَن ثٍرِ سٍ مَنفّ سِرُ سِ شُي نَن يَ. مَرِفِ عَلَتَلَ نَشَن نَ كٌورٍ مَ نَشَن دُنِحَ مَنفّيَ بِرِن قِشِ ﭑ مَ، عَ بَرَ ﭑ يَامَرِ، ﭑ شَ هْرْ مْبَنشِ تِ عَ بّ دَرِ سَلَمُ، يُدَيَ بْشِ مَ. 3 نَشٍيٍ بِرِن قِندِشِ عَلَ شَ حَمَ رَ وٌ يَ مَ، عٍ بِرِن شَ فبِلٍن دَرِ سَلَمُ، يُدَيَ بْشِ مَ، عَلَكٌ عٍ شَ هْرْ مْبَنشِ تِ عِسِرَيِلَ مَرِفِ عَلَتَلَ بّ، نَشَن نَ عَلَ رَ دَرِ سَلَمُ. 4 ثٍرِ سٍكَيٍ شَ عٍ دْشْبٌورٍ عِسِرَيِلَ مِشِيٍ كِ فبٍتِ، شّيمَ، سٍ قَنيِيٍ، نُن شُرُ سٍيٍ رَ نَشٍيٍ بَمَ سّرّشّ حَنِفٍشِيٍ رَ عَلَ شَ هْرْ مْبَنشِ كُي دَرِ سَلَمُ.»

5 يُدَ نُن بُنيَمِن بْنسْي كُنتِفِيٍ، لٍوِ بْنسْي مِشِيٍ نُن سّرّشّدُبّ نَشٍيٍ نُ نَ عٍ يَ مَ، عَ نُن عَلَ نَشٍيٍ بِرِن بْحّ رَتٍ سِفَقٍ رَ، عٍ بِرِن نَشَ سِفَ عَلَ شَ هْرْ مْبَنشِ تِدٍ دَرِ سَلَمُ. 6 عٍ دْشْبٌورٍيٍ نَشَ عٍ كِ فبٍتِ، شّيمَ، سٍ قَنيِيٍ، شُرُ سٍيٍ، نُن هَرِفٍ رَ، عَ نُن سّرّشّ حَنِفٍشِيٍ. 7 مَنفّ نٍبُكَدَنسَرِ نُ بَرَ سٍ فبٍفبٍ رَ مِنِ دَرِ سَلَمُ هْرْ مْبَنشِ كُي عَ شَ وَشَتِ، عَ قَ عٍ رَ سٌ عَ شَ عَلَ شَ بَنشِ كُي. ثٍرِ سٍ مَنفّ سِرُ سِ نَشَ نَ بِرِن نَمِنِ، 8 عَ عٍ تَشُ كْبِرِ رَفَتَمَ مِتٍرٍدَتِ رَ، عَ شَ عَ رَ سَنبَ يُدَيَ مَنفّ سّسّبَسَرِ مَ.

9 نَ سٍيٍ كْنتِ نَن يِ كِ؛ ثَانِ شّيمَ دَاشِ تٌنفٌ سَشَن، ثَانِ فبٍتِ دَاشِ وُلُ كٍرٍن، قِنّ مْشْحّن نُن سٌلٌمَنَانِ، 10 ثِلٍتِ شّيمَ دَاشِ تٌنفٌ سَشَن، ثِلٍتِ فبٍتِ دَاشِ كّمّ نَانِ، ثِلٍتِ قُ، عَ نُن يِرَبَسٍ فبّتّ وُلُ كٍرٍن. 11 نَ سٍ شّيمَ دَاشِ نُن فبٍتِ دَاشِ بِرِن كْنتِ نَشَ لَن يِرَبَسٍ وُلُ سُولِ كّمّ نَانِ مَ. عِسِرَيِلَ فٍيلِمَنِيٍ تٌ كٍلِ بَبِلْن فبِلٍنقٍ رَ دَرِ سَلَمُ، سّسّبَسَرِ نَشَ نَ نَاقُلِ بِرِن شَنِن عَ شُن مَ.