1 نَ وَشَتِ تٌ دَنفِ، ثٍرِ سٍ مَنفّ عَتَسَكَسِ شَ مَنفّيَ بُن مَ، عَننَبِ عٍسِدِرَ سِ نَشَ قَ دَرِ سَلَمُ.

6 عَننَبِ عٍسِدِرَ سِ نَشَ قَ دَرِ سَلَمُ كٍلِقٍ بَبِلْن بْشِ مَ. كَرَ مْشْ بٍلٍبٍلٍ نَن نُ عَ رَ، عَ تَوُرٍتَ مُنسَ كٌلٌن عَ قَنيِ رَ، عِسِرَيِلَ مَرِفِ عَلَتَلَ سّرِيّ نَشَن سٌ عَننَبِ مُنسَ يِ رَ. ثٍرِ سٍ مَنفّ نَشَ عَننَبِ عٍسِدِرَ سِ وَشْنقٍ بِرِن نَبَ عَ بّ، بَرِ مَ مِشِ نَ عَ رَ عَ مَرِفِ عَلَتَلَ حّنفِ سَشِ نَشَن شْن مَ. 7 عِسِرَيِلَكَ ندٍيٍ، سّرّشّدُبّيٍ، لٍوِكَيٍ، بّيتِبَيٍ، سَلِدٍ نَادّ كَنتَيٍ، عَ نُن وَلِكّيٍ، عٍ بِرِن نَشَ تٍ دَرِ سَلَمُ، مَنفّ عَتَسَكَسِ شَ مَنفّيَ حّ سٌلٌقٍرٍ ندٍ رَ. 8 عَننَبِ عٍسِدِرَ سِ سٌشِ دَرِ سَلَمُ، مَنفّ شَ مَنفّيَ حّ سٌلٌقٍرٍ كِكٍ سُولِ ندٍ نَن مَ. 9 عَ كٍلِ بَبِلْن كِكٍ سِنفٍ شِ سِنفٍ نّ، عَ نَشَ سٌ دَرِ سَلَمُ كِكٍ سُولِ ندٍ عَ شِ سِنفٍ ندٍ مَ، عَلَ شَ هِننّ سَابُي رَ. 10 عَننَبِ عٍسِدِرَ سِ نُ بَرَ عَ تُننَبّشِ شَرَنيِ مَ نُن عَلَتَلَ شَ سّرِيّ رَبَقٍ مَ. عَ نُ عَلَ شَ سّرِيّ تِنشِنشِ مَسٍنمَ نّ عِسِرَيِلَكَيٍ بّ.

11 مَنفّ عَتَسَكَسِ يِ بَتَاشّ نَن سّبّ عَننَبِ عٍسِدِرَ سِ مَ، نَشَن قِندِ سّرّشّدُبّ نُن كَرَ مْشْ رَ، نَشَن عَلَ شَ سّرِيّ بِرِن كٌلٌن عِسِرَيِلَ شَ قٍ رَ. 12 «يِ بَتَاشّ كٍلِشِ ﭑ تَن عَتَسَكَسِ نَن مَ، مَنفّيٍ شَ مَنفّ، كَتَرَبِ عَننَبِ عٍسِدِرَ سِ مَ، نَشَن مِشِ شَرَنمَ كٌورٍ مَرِفِ عَلَ شَ سّرِيّ رَ. 13 ﭑ بَرَ يَامَرِ قِ عَلَكٌ عِ تَن شَ نْ عِسِرَيِلَكَيٍ، سّرّشّدُبّيٍ، نُن لٍوِ بْنسْي مِشِيٍ بِرِن شَنِندٍ دَرِ سَلَمُ، نَشٍيٍ نَ بٍ ثٍرِ سٍ بْشِ مَ كْنْ عٍ وَ مَ سِفَقٍ نَا. 14 ﭑ تَن مَنفّ نُن ﭑ مَ سَنتِفِ سٌلٌقٍرٍ نَن عِ شّيشِ، عِ شَ سَ عَ مَتٌ يُدَيَكَيٍ نُن دَرِ سَلَمُكَيٍ نَ عَلَ شَ سّرِيّ رَبَتُقٍ كِ نَشّ. نَ كِتَابُي نَ عِ يِ رَ. 15 عِ مَن شَ فبٍتِ نُن شّيمَ شَنِن، ﭑ تَن نُن ﭑ مَ سَنتِفِيٍ نَشَن حَنِفٍشِ عِسِرَيِلَ مَرِفِ عَلَ بّ نَشَن نَ دَرِ سَلَمُ. 16 عِ مَن شَ فبٍتِ نُن شّيمَ شَنِن، بَبِلْنكَيٍ نَشَن سٌمَ عِ يِ رَ، عَ نُن عِسِرَيِلَكَيٍ نُن عٍ شَ سّرّشّدُبّيٍ نَشَن حَنِفٍمَ عٍ مَرِفِ عَلَ شَ هْرْ مْبَنشِ بّ نَشَن نَ دَرِ سَلَمُ. 17 عِ شَ تُورَيٍ، يّشّي كٌنتٌنيِيٍ، يّشّييٍ، مّنفِ، نُن وّنِ سَرَ نَ نَاقُلِ رَ، عٍ شَ بَ سّرّشّ رَ وٌ مَرِفِ عَلَ شَ سّرّشّبَدٍ مَ دَرِ سَلَمُ. 18 عِ تَن نُن عِ نفَشَكٍرٍنيِيٍ نَ وَ قٍ نَشَن نَبَقٍ يِ فبٍتِ نُن شّيمَ دْنشْي رَ، وٌ شَ عَ رَبَ عَلْ عَلَ وَ مَ عَ شْن مَ كِ نَشّ. 19 عِ شَ سِفَ يِرَبَسٍيٍ بِرِن نَ، مُشُ بَرَ نَشٍيٍ سٌ عِ يِ رَ، نَشٍيٍ لَن عٍ شَ رَوَلِ وٌ مَرِفِ عَلَ شَ بَنشِ كُي. عِ شَ نَ دّنتّفّ عَلَ بّ دَرِ سَلَمُ. 20 شَ عِ هَيِ نَ كْبِرِ فبّتّ مَ، عِ شَ عَ تٌنفٌ مَنفّ شَ نَاقُلِ يِرٍ عَلَكٌ عِ مَرِفِ عَلَ شَ بَنشِ وَلِ شَ سْونّيَ.»

21 «ﭑ تَن مَنفّ عَتَسَكَسِ بَرَ يَامَرِ قِ ﭑ مَ كْبِرِ يِرٍ شُنيِيٍ مَ نَشَن نَ شُرٍ نَاكِرِ مَ، شَ عَ سَ عَ لِ عَننَبِ عٍسِدِرَ سِ، عَلَ شَ سّرّشّدُبّ نَشَن مِشِ شَرَنمَ كٌورٍ عَلَ شَ سّرِيّ رَ، شَ عَ هَيِ نَ كْبِرِ ندٍ مَ، وٌ شَ عَ سٌ عَ يِ رَ، 22 هَن فبٍتِ كِلٌ وُلُ سَشَن، كِلٌ كّمّ نَانِ، مّنفِ شْرِ بُسَلِ وُلُ كٍرٍن، وّنِ لِتِرِ وُلُ قِرِن، لِتِرِ كّمّ قِرِن، تُرٍ لِتِرِ وُلُ قِرِن، لِتِرِ كّمّ قِرِن، عَ نُن قْشْي عَ نَ وَ نَشَن شَسَبِ شْن. 23 وٌ شَ كٌورٍ عَلَ شَ يَامَرِ بِرِن نَبَ عَ قَنيِ رَ عَ شَ هْرْ مْبَنشِ شَ قٍ رَ، عَلَكٌ عَ نَشَ شْنْ وٌن مَ مَنفّيَ مَ عَ نُن ﭑ مَ دِيٍ مَ. 24 وٌ نَشَ دُوتِ يٌ رَ سُشُ يِ مِشِيٍ يِ رَ، هَلِ بْشِ عِفِرِ سَرٍ. وٌ نَشَ سٍسٍ بَ يِ سّرّشّدُبّيٍ يِ رَ، عَ نُن لٍوِ بْنسْي مِشِيٍ، بّيتِبَيٍ، سَلِدٍ نَادّ كَنتَيٍ، وَلِكّيٍ، عَ نُن نَشٍيٍ بِرِن وَلِمَ عَلَ شَ بَنشِ كُي.»

25 «عِ تَن عَننَبِ عٍسِدِرَ سِ، عِ شَ مَنفّيٍ نُن كِيتِسَيٍ تِ حَمَ بّ نَشٍيٍ نَ شُرٍ نَاكِرِ مَ عَلْ عَلَ عَ مَسٍنمَ عِ بّ كِ نَشّ لْننِ كِ مَ. عٍ شَ عَلَ شَ حَمَ يَمَرِ تِنشِنيِ رَ. عِ شَ عَلَ شَ سّرِيّ مَسٍن مِشِيٍ بّ نَشٍيٍ مُ عَ كٌلٌن. 26 مِشِ يٌ نَشَن مُ عِ مَرِفِ عَلَ شَ سّرِيّ رَبَتُ، عَ نُن مَنفّ شَ سّرِيّيٍ، نَ كَنيِ شَ قَشَ، شَ نَ مُ عَ شَ كٍرِ بْشِ مَ، شَ نَ مُ عَ شَ كْبِرِ بَ، شَ نَ مُ عَ شَ سَ فٍيلِ.»

27 تَنتُي نَ عَلَتَلَ بّ، وٌن بٍنبَيٍ مَرِفِ عَلَ، نَشَن مَنفّ بْحّ رَقَلَشِ عَ شَ وَلِ بِرِن مَ عَلَتَلَ شَ هْرْ مْبَنشِ تِقٍ رَ دَرِ سَلَمُ. 28 مَرِفِ بَرَ هِننّ ﭑ نَ مَنفّ نُن عَ شَ سَنتِفِيٍ نُن عَ شَ بَتُلَيٍ يَ شْرِ. ﭑ مَرِفِ عَلَتَلَ تٌ نَ سّنبّ قِ ﭑ مَ، ﭑ نَشَ عِسِرَيِلَ كُنتِفِيٍ مَلَن عَلَكٌ مُشُ بِرِن شَ تٍ.