1 يُسُقُ نَشَ قِندِفِلِن عَ بَبَ مَ، عَ مَسُنبُ، عَ وَ مَ. 2 نَ دَنفِ شَنبِ، يُسُقُ نَشَ يَامَرِ قِ سٍرِبَيٍ مَ عٍ شَ عَ بَبَ قَتٍ سْشْ سٍرِ رَ، عَلَكٌ عَ قُرٍ نَشَ بْرْ. عٍ نَشَ نَ وَلِ رَبَ عَ بَبَ عِسِرَيِلَ رَ 3 شِ تٌنفٌ نَانِ بُن مَ عٍ شَ نَامُنيِ كِ مَ. مِسِرَكَيٍ نَشَ عَ حْنقٍ رَبَ شِ تٌنفٌ سٌلٌقٍرٍ بُن.

4 حْن قٍ تٌ بَرَ بَ عَ رَ، يُسُقُ نَشَ عَ قَلَ مِسِرَ مَنفّ شَ مِشِيٍ بّ، «ﭑ بَرَ وٌ مَيَندِ، شَ ﭑ مَ قٍ رَقَن وٌ مَ، وٌ شَ ﭑ وَشْنقٍ مَسٍن مِسِرَ مَنفّ بّ. 5 ﭑ بَبَ ﭑ نَكَلِ نّ، عَ نَشّ، ‹ﭑ قَ نَ قَشَقٍ نّ. عِ ﭑ نَفَتَمَ فَبُرِ نَن كُي ﭑ نَشَن فٍشِ كَنَان بْشِ مَ.› نَ كُي ﭑ وَ مَ سِفَقٍ نّ ﭑ شَ سَ ﭑ بَبَ رَفَتَ. ﭑ نَ فّ، ﭑ قَمَ.»

6 مِسِرَ مَنفّ نَشَ عَ يَابِ، «سِفَ، عِ شَ سَ عِ بَبَ رَفَتَ عَلْ عَ عِ رَكَلِشِ كِ نَشّ.» 7 يُسُقُ نَشَ سِفَ عَ بَبَ رَفَتَدٍ. عَ نَشَ سِفَ عَ نُن مِسِرَ مَنفّ شَ كٌنيِيٍ، مِسِرَ مَنفّ شَ مِشِ شُنفبٍيٍ، مِسِرَ كُنتِفِيٍ، 8 عَ يّتّ شَ دٍنبَيَ، عَ تَارَيٍ، نُن عَ بَبَ شَ دٍنبَيَ. عٍ شَ دِ مّدِيٍ نُن عٍ شَ شُرُ سٍيٍ فبَنسَن نَشَ لُ فٌسٍن بْشِ مَ. 9 سْورِيٍ نُن سٌي رَفِيٍ نَشَ يُسُقُ مَتِ عٍ شَ فِسٍيٍ كُي. حَمَ بٍلٍبٍلٍ نَن نُ عٍ رَ.

10 عٍ تٌ عَتَدِ لٌنيِ لِ يُرُدّن نَاكِرِ مَ، عٍ نَشَ حْن قٍ بٍلٍبٍلٍ رَبَ. يُسُقُ نَشَ بِنيّ قِ عَ بَبَ مَ، عَ حْن قٍ شَنِن هَن شِ سٌلٌقٍرٍ. 11 كَنَانكَيٍ نَشَ عٍ حْشْ دْشْ نَ مَرَفَتّ شْن مَ، نَشَن نَبَشِ عَتَدِ شَ لٌنيِ مَ. عٍ نَشَ عَ قَلَ، «يِ حْن قٍ قِندِ قٍ بٍلٍبٍلٍ نَن نَ مِسِرَكَيٍ بّ.» نَ نَن عَ تٌشِ عٍ نَشَ «مِسِرَ حْن قٍ» شِلِ قَلَ نَ يِرٍ شُن يُرُدّن نَاكِرِ مَ.

12 نَ كُي، يَشُبَ شَ دِيٍ نَشَ عٍ بَبَ وَشْنقٍ رَبَ عَلْ عَ عَ قَلَ عٍ بّ كِ نَشّ. 13 عٍ نَشَ عَ شَنِن كَنَان بْشِ مَ، عٍ نَشَ عَ رَفَتَ مَكِثٍلَ شَ شّ يِرٍ قْنمّ كُي، عِبُرَهِمَ شّ نَشَن سَرَ عٍقٍرٌن شِتِكَ مَ عَلَكٌ نَ شَ قِندِ مِشِ رَفَتَدٍ رَ مَمِرٍ سّيتِ مَ. 14 يُسُقُ تٌ فّ عَ بَبَ رَفَتَدٍ، عَ نَشَ فبِلٍن مِسِرَ بْشِ مَ، عَ نُن عَ تَارَيٍ نُن مِشِ نَشَن بِرِن عَ مَتِ.

15 يُسُقُ تَارَيٍ تٌ بَرَ عَ تٌ عٍ بَبَ بَرَ قَشَ، عٍ نَشَ عَ قَلَ، «شَ يُسُقُ قَ وٌن قِندِ عَ فٍرٍقَ رَ، وٌن قٍ حَاشِ نَشَن بِرِن نَبَشِ عَ رَ، عَ فبٍحْشْمَ نّ وٌن مَ.» 16 نَ كُي عٍ نَشَ سِفَ يُسُقُ يِرٍ، عٍ عَ قَلَ عَ بّ، «عِ بَبَ يِ نَن قَلَشِ مُشُ بّ بٍينُن عَ شَ قَشَ، عَ نَشّ، 17 ‹وٌ يِ قَلَ يُسُقُ بّ، «ﭑ بَرَ عِ مَشَندِ، دِحّ عِ تَارَيٍ شَ فبَلٌي قٍ مَ عَ نُن عٍ شَ يُنُبِ، بَرِ مَ عٍ بَرَ قٍ حَاشِ رَبَ عِ رَ. ﭑ بَرَ عِ مَشَندِ، يَكْسِ دِحّ عِ بَبَ مَرِفِ عَلَ شَ كٌنيِيٍ مَ.»›» عٍ تٌ نَ مَسٍنيِ قَلَ يُسُقُ بّ، عَ نَشَ وَ. 18 عَ تَارَيٍ نَشَ عٍ قٍلٍن عَ بُن مَ، عٍ قَ عَ قَلَ، «مُشُ تَن نَن يَ، عِ شَ كٌنيِيٍ.»

19 يُسُقُ نَشَ عَ قَلَ عٍ بّ، «هَلِ وٌ مُ فَاشُ. عَلَ مُ نَ ﭑ تَن شَ رَ. 20 وٌ لَن نّ ﭑ شُن وٌ نَشَ قٍ حَاشِ رَبَ ﭑ نَ، كْنْ عَلَ نَشَ عَ مَسَرَ قٍ قَنيِ رَ عَلَكٌ ﭑ شَ قٍ رَكَمَلِ حَمَ نِي رَتَنفَقٍ رَ. 21 يَكْسِ هَلِ وٌ مُ فَاشُ. ﭑ وٌ هَيِ بِرِن قَنمَ نّ نُن وٌ شَ دِيٍ.» عَ شَ وْيّنيِ نَشَ عٍ بْحّ سَ.

22 يُسُقُ نَشَ لُ مِسِرَ، عَ تَن نُن عَ شَ دٍنبَيَ بِرِن. عَ نَشَ حّ كّمّ حّ قُ سْتْ سِمَيَ رَ. 23 يُسُقُ نَشَ عَ شَ مَمَدِيٍ نُن عَ تٌلٌبِتّيٍ تٌ، عَ شَ دِ عٍقِرَ مِ نَشٍيٍ سْتْ. عَ نَشَ مَنَسِ شَ دِ مَكِرِ شَ دِيٍ تٌ، عَ نٍيٍ تٌنفٌ عَ فبٍ دِيٍ رَ. 24 يُسُقُ نَشَ عَ قَلَ عَ تَارَيٍ بّ، «ﭑ قَن نَ قَشَقٍ نّ، كْنْ عَلَ وٌ مَلِمَ نّ عَ قَنيِ رَ. عَ قَمَ نّ وٌ تٌنفٌدٍ مِسِرَ، عَ وٌ شَنِن بْشِ مَ عَ دّننَشّ لَايِدِ تٌنفٌ عِبُرَهِمَ، عِسِيَفَ، نُن يَشُبَ بّ.» 25 يُسُقُ نَشَ عِسِرَيِلَ شَ دِيٍ رَكَلِ، عَ قَ عَ قَلَ، «عَلَ نَ وٌ مَلِ فبِلٍنقٍ رَ كَنَان بْشِ مَ، وٌ شَ ﭑ قُرٍ شَنِن نَا.»

26 يُسُقُ لَاشِرَ عَ حّ كّمّ حّ قُ نَن مَ. عٍ نَشَ عَ قُرٍ سْشْ سٍرِ رَ عَلَكٌ عَ قَتٍ نَشَ بْرْ، عٍ عَ رَفَتَ قُرٍ كَنكِرَ كُي مِسِرَ بْشِ مَ.