2
1 Roma ic'uan re c'ac'a c'aslen, mare' tiya' can ronojel rach etzelal.✡ Ef 4.31. Man chic que'ik'ol vinak. Y vo xa ca'e' ipalaj rubanon can, tiya' can. Man itzel tina' cha jun vinak. Y man itzel quixch'o chij.✡ Stg 4.11. 2 Yex can tibana' ancha'l niquiban re ac'ola'✡ Mt 18.3; 1 Co 3.2. re c'a ba-oc ca'lax-va, can niquirayij ye'tz'uman, y ja riq'uin re' ye'q'uiy-va. Y quire' chuka' yex, can tirayij nic'axaj y niban leer re ruch'abal re Dios, roma can ja-va re' re katzij ch'abal. Chin quire' yixq'uiy y yixcolotaj. 3 Can itaman chic che re Ajaf✡ Lc 6.35. Jesucristo camas otz runa'oj.
Re Jesucristo ancha'l jun aboj re c'o ruc'aslen
4 Y can quixjelon-apo riq'uin re Jesucristo, roma reja' ancha'l jun aboj re c'o ruc'aslen. Reja' man xcusas-ta coma re achi'a', roma xa itzel xquitz'at. Xa xquiban ancha'l re niquiban re achi'a' banoy tak jay, tak man otz-ta niquitz'at jun aboj, niquiya' can. Y quire' xquiban riq'uin reja'. Jac'a chach re Dios, re Jesucristo can cha'on-va, y camas rajkalen. 5 Y roma yixc'o riq'uin re Jesucristo, yex chuka' yix ancha'l aboj re c'o quic'aslen re yixcusas chin rachoch✡ Ef 2.21. re Espíritu Santo. Y chuka' can yix lok'olaj tak sacerdotes,✡ Is 66.21. roma can ja yex mismo re tisuju-ivi'✡ Os 14.2. cha re Dios, y reja' xquixruc'ul, roma can yix richin chic re Jesucristo. 6 Y chupan re ruch'abal re Dios re tz'iban can, nubij:
Yen xtinya' re aboj pa tenemit Sion. Y re aboj re' can cha'on-va. Y camas rajkalen, y ja aboj re' re xtibano chin che man xtitzak-ta re jay.✡ Is 28.16.
Y re vinak re xque'niman richin, man jun bey xtiquiya' quiq'uex, roma re sujun chique, can xtiquic'ul-va.
7 Mare' yex re ninimaj reja', camas ik'ij. Jac'a re vinak re man niquinimaj-ta, niquiban ancha'l re banoy tak jay re nubij chupan re ruch'abal re Dios re tz'iban can, y ja quire' nubij:
C'o c'a jun aboj re man xka-ta chiquivach re banoy tak jay.
Pero re aboj re' can xoc-va, roma re aboj re' xa can c'o-va xcusan richin y ja aboj re' re tz'amayon chin re jay che man nitzak-ta.✡ Sal 118.22.
8 Y chupan re ruch'abal re Dios re tz'iban can, nubij chuka' chij re aboj re':
Jec'o vinak re xa xtiquipaxij-qui' chach re aboj y xque'tzak.✡ Is 8.14; Ro 9.32.
Re vinak re xtiquipaxij-qui' chach re aboj, xque'tzak riq'uin re quic'aslen, roma can man niquinimaj-ta re ruch'abal re Dios. Y can quire' chuka' rubin re Dios che xtiquic'alvachij.
Re can je richin-va re Dios
9 Jac'a yoj re kaniman re Dios, yoj jun tenemit re can cha'on-va roma reja'.✡ Dt 10.15. Y yoj can yoj sacerdotes chin re namalaj Dios, chuka' yoj can yoj jun tenemit re kajachon-ki' pa ruk'a', y yoj richin chuka' reja'. Y can quire' rubanon kaq'uin chin quire' yojtiquir nakatzijoj che re Dios camas otz kaq'uin, y xojrulisaj-pa chupan re k'oko'm y xojruya' chupan re lok'olaj sakil riq'uin reja'. 10 Y tak rubanon can, man yoj rutenemit-ta re Dios. Jac'a vocame can yoj rutenemit chic reja'.✡ Ro 9.25, 26. Y chuka' tak rubanon can, man kataman-ta che re Dios nujoyovaj✡ Os 2.23. kavach, roma c'a yojc'o chupan re kamac. Jac'a vocame itaman chic che reja' can nujoyovaj-va kavach, roma xojrucol-yan chupan re kamac.
Tibana' ancha'l re nrajo' re Dios
11 Yex hermanos re camas yixinjo', ninc'utuj jun utzil chiva. Roma yex can yix richin chila' chicaj y xa yixak'ax chach re ruch'ulef. Y mare' man tiya' k'ij che ye'banataj re itzel tak rayibal✡ Stg 4.1. pan ic'aslen. Roma ja re itzel tak rayibal, jare' re ye'bano ayoval riq'uin re ivánma. 12 Mare' tic'uaj jun c'aslen otz,✡ Fil 2.15. y choj quixbiyin, chin quire' vo xa re vinak re man quitaman-ta rach re Dios itzel ye'ch'o chivij, y niquibij che man otz-ta re ic'aslen, pero re ibanabal xa can otz-va,✡ 1 P 3.16. re vinak re' xtiquiya' ruk'ij re Dios roma re ic'aslen yex, tak xtapon re k'ij che re Dios xtich'o pa tak cánma.
13 Y chiyixnojel tinimaj quitzij conojel re autoridades re jec'o vova' chach re ruch'ulef, roma re Ajaf quire' nrajo' che niban.✡ Mt 22.21; Mr 12.17; Lc 20.25. Tinimaj rutzij re nibano gobernar pa rue' re nación, roma ja reja' re c'o más autoridad pa ruk'a'. 14 Y tinimaj chuka' quitzij re nic'aj chic autoridades re ye'tak-pa roma reja'. Roma ja reje' re je'yi'on chin niquiya' re castigo pa quive' re mal✡ Ro 13.4. tak vinak. Y je'yi'on chuka' chin niquiya' quik'ij re vinak re ye'bano re otz. 15 Re Dios nrajo' che yex ja-ta re otz re niban nojel tiempo,✡ 1 P 3.17. chin quire' re vinak re je nacanak y man jun quitaman, man jun tzij ye'tiquir niquibij chivij.
16 Yex yix libres✡ 1 Co 7.22; Ga 5.1. chic roma iniman chic re Dios, pero man roma-ta che yix libres chic, mare' c'a nibanala' re itzel tak banabal. Xa can quixc'ue' chuxe' rutzij re Dios. 17 Tijo-ivi' re iniman chic re Jesucristo y que'ibana' respetar conojel vinak. Tixibila-ivi' chach re Dios chin man quixmacun. Y chuka' tibana' respetar re nibano gobernar pa rue' re nación.
18 Y yex re yix mozos, man tiban che camas ik'ij y tinimaj quitzij re i-patrón.✡ Ef 6.5. Vo xa camas otz o itzel quina'oj iviq'uin, tinimaj quitzij. 19 Roma vo xa yixya' pa jun castigo✡ Mt 5.10. y xa man jun imac ibanon, re Dios nika chach vo xa yex nicoch' ronojel re', roma can c'o-va reja' pan ivánma. 20 Pero vo xa yixya' pa castigo roma c'o imac xiban, man jun cosa otz nuc'am-pa chiva, astapa' camas xquixcoch'on. Pero vo xa yex niya' jun castigo✡ 1 P 3.14. chiva roma jun banabal otz re xiban, y nicoch' re castigo re', re Dios can nika-va chach re niban. 21 Quire' nrajo' re Dios che niban chiyixnojel yex re xixvayox roma reja'. Nrajo' che niban ancha'l xuban re Jesucristo. Reja' can xuk'asaj-va tijoj-pokonal koma yoj.✡ 1 P 3.18. Y riq'uin re' xuc'ut can chakavach che man takapokonaj yojapon pa tijoj-pokonal.✡ Hch 14.22. 22 Y reja' man jun mac✡ Is 53.9; Jn 8.46. xuban. Y man jun bey xuk'ol-ta jun vinak. 23 Y tak xe'bex itzel tak tzij cha coma re vinak,✡ Is 55.7. man xutzolij-ta rubixic chique. Y tak c'o itzel cosas xban cha, man xubij-ta chuka' che nuban ruq'uixel chique. Xa pa ruk'a' re Dios xuya-va ronojel re xquiban re vinak cha. Roma re Dios can pa rubiyal nuban juzgar. 24 Y ja re Jesucristo re xc'uan re kamac cho cruz chin nakaya' can re itzel c'aslen✡ Is 53.5. y nakatz'am-a jun c'aslen choj. Ja reja' re xsocotaj y xcom cho cruz chin nichojmer re kac'aslen. 25 Roma yex tak rubanon can, yix ancha'l ovejas re je'satzanak can.✡ Ez 34.6. Jac'a vocame xjalataj-yan ic'aslen chach re Jesucristo. Y ja reja' re nichajin kachin y nuchajij re kánma.✡ Ez 37.24; Jn 10.11.
✡2:1 Ef 4.31.
✡2:1 Stg 4.11.
✡2:2 Mt 18.3; 1 Co 3.2.
✡2:3 Lc 6.35.
✡2:5 Ef 2.21.
✡2:5 Is 66.21.
✡2:5 Os 14.2.
✡2:6 Is 28.16.
✡2:7 Sal 118.22.
✡2:8 Is 8.14; Ro 9.32.
✡2:9 Dt 10.15.
✡2:10 Ro 9.25, 26.
✡2:10 Os 2.23.
✡2:11 Stg 4.1.
✡2:12 Fil 2.15.
✡2:12 1 P 3.16.
✡2:13 Mt 22.21; Mr 12.17; Lc 20.25.
✡2:14 Ro 13.4.
✡2:15 1 P 3.17.
✡2:16 1 Co 7.22; Ga 5.1.
✡2:18 Ef 6.5.
✡2:19 Mt 5.10.
✡2:20 1 P 3.14.
✡2:21 1 P 3.18.
✡2:21 Hch 14.22.
✡2:22 Is 53.9; Jn 8.46.
✡2:23 Is 55.7.
✡2:24 Is 53.5.
✡2:25 Ez 34.6.
✡2:25 Ez 37.24; Jn 10.11.