1 Hozrot Isa Baetul-Mukaddos taki baroia zaoar bala tan eḳzon sahabie ḳoila, “Huzur, ou deḳoukka, ḳoto boṛo boṛo fattoror oal ar shundor shundor dolan.” 2 Tain ḳoila, “Tumi ou zeta boṛo boṛo dolan deḳrae, itar dui fattor eḳano lagail roito nae, hoḳolta banga oizibo.” 3 Bade tain zebla Zoetun faṛor ufre Baetul-Mukaddos kaba shorif muka boat asla, ou shomoe sahabi Fitor, Iakub, Hannan ar Andriase tanre niralae zikaila, 4 “Huzur, amrare zanaukka, ita kun shomoe oibo? Kun alamot dekia amra buzmu, ita binash oar shomoe aichche?” 5 Tain ḳoila, “Dekio, ḳeu zanu tumrare na ṭoge. 6 Bout zone amar nam doria aia ḳoibo, amiu hein, ḳoia boutre ṭogibo. 7 Oile zuddor aoaz ar laṛair ḳobor hunia tumra ḍoraio na. Ita nichoe goṭbo, goṭleo ita to shesh nae. 8 Eḳ zatie aroḳ zatir loge, eḳ deshe aroḳ deshor loge laṛai ḳorbo. Bout zagat boisal ar nidan deḳa dibo. Oile ita to ḳali mosibotor shuru.

9 “Tumra nizor befare hushiar roio. Manshe tumrare doria bisaror adaloto shomzaibo. Mosidor bitre tumrare singladi mara oibo. Amar lagi tumrare deshor raza-bashshar samne neoa oibo. Tumra erar samne amar befare shakki dibae. 10 Foela duniar tamam zatir gese Allar deoa kush-ḳobri toblig kora zorur. 11 Tumrare doria zebla bisaro neoa oibo, ou shomoe kita zuaf ditae, ita loia age kunu sinta ḳorio na. Hou shomoe tumrare zeta hikaia deoa oibo, tumra otau ḳoio. Ashole tumra to hino mattae nae, Pak Ruheu matiba. 12 Baie baire, bafe fuare zane marar lagi dorai dibo. Fua-fuṛie afon ma-bafor birudde gia, ma-bafore kun ḳoraibo. 13 Ar amar lagi hoḳole tumrare ginnaibo, oile hesh forzonto ze ṭikia roibo, he rehai faibo.

14 “Ze tilaot ḳorer he buzouk, bezuita mosibotor ginnar i siz ze zagat aoar ḳota nae, i sizre zebla ono deḳbae, ou shomoe zera Ehudia zilat asoin, tara bagia faṛia elaḳat zauk. 15 Sator ufre zera roiba, tara lamat lamia kunta neoar lagi goror bitre ar na hamauk. 16 Ḳetor maze zera roiba, tarar gotror saddor neoar lagi baṛit na auk. 17 Ou shomoe zeta beṭintor hurutta oita, ar zera huruttare bukur dud ḳaoaira, tarar boṛo zobor mosibot oibo. 18 Tumra dua ḳoro, ita zanu shitor dino na oe. 19 Ou shomoe to oto bezuita ḳoshṭo oibo, zeta duniar foela tone aiz forzonto kunudin oise na, ar kunudin oito-o nae. 20 Mabude zudi i shomoere ḳomaia na dita, te ḳeu zinda roilo na one. Oile Allae tan fosond ḳora bonda oḳolor lagi i shomoe ḳomai disoin. 21 Hi shomoe ḳeu zudi tumrare ḳoe, huncho ni, al-Mosi ono aisoin, ba deḳo, ounu tain, te tumra ita ekin ḳorio na. 22 Ḳaron bout bonḍoe aia ḳoibo, amiu al-Mosi, ar bout bonḍo nobio aiba. Shombob oile tara Allar fosond ḳora bonda oḳolreo duka dia be-fote nita ḳori bout keramoti-muzeza deḳaiba. 23 Oile tumra hushiar roio, ami to tumrare ageu ita hal-hokikot zanai dilam.

24 “Ou mosibotor shomoe faronir bade,

28 “Ḍumur gasor bae saia ilim ḳamai ḳoro. Gasor dal-fala norom oia zebla noea kuṛi baroe, ou shomoe tumra buzilao gormor din aichche. 29 Te ou laḳan tumra zebla deḳbae ita hoḳolta goṭer, dekia buzilio, Bin-Adomo daro aichchoin. Ḳali daro nae, tain aia duaro ṭukaira. 30 Ami tumrare hok kota ḳoiram, ita na goṭa forzonto i zomanar manush fuṛaita nae. 31 Asman-zomin hoḳolta binash oizibo, oile amar kalam hamesha ḳaim roibo.

32 “Hou din ar hi shomoeor befare ḳali amar gaibi baf bade ar ḳeu zanoin na. Asmani firista ba ḳas maear zoneo zanoin na. 33 Tumra hushiar o, kial ḳori solo ar dua ḳoro. Hidin kun shomoe aibo, tumra ḳeu to zano na. 34 Ola eḳ manshor laḳan hidin aibo, zein bidesh zaoar shomoe tan gulam oḳolor ato hoḳolta shomzai dia zarzir ḳam buzai dila. Ar sokidarre ḳoila hozag roito. 35 Tumrao oula hozag roio. Baṛir malik kun shomoe aiba, hainjabala, maz raite, fotabala na fozore aiba, ikan to tumra ḳeu zano na. 36 Tain aḳta aile zanu na deḳoin, tumra gumai roiso. 37 Ami tumrare zela ḳoilam, hoḳolreu oula ḳoiram, hozag ro.”