Tai Dam 2 Ti‑ꞌmô‑ꞌthiêu 1

Baư sư thứ song ꞌTan Pôn tẻm

pay ha ꞌtan Ti‑ꞌmô‑ꞌthiêu

1 ꞌPo ꞌchư Pôn, ꞌtoi chaư Chảu Pua ꞌPhạ hảư ꞌpo pên ꞌlam ꞌchạư páo kháo Chảu ꞌGiê‑ꞌsu ꞌKha‑ꞌlịt, téng hảư páo ꞌquám Chảu Pua ꞌPhạ đảy chao ꞌhẹn ꞌvạy hảư ꞌmí ꞌchua ꞌlới dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt. 2 ꞌMí sư ꞌmá ha Ti‑ꞌmô‑ꞌthiêu ꞌlụk ꞌhặc sương khong#ꞌpo.* So Chảu Pua ꞌPhạ phủ pên ꞌPo cắp ꞌGiê‑ꞌsu ꞌKha‑ꞌlịt Chảu Chom ꞌsúm#ꞌháu, so hảư ꞌmí công ꞌphún phớng ꞌdứa#ꞌlụk, ín đu ꞌhặc#au, hảư ꞌlụk dú súc sáng bang#chaư.

3 ꞌPo vảy ꞌháu Chảu Pua ꞌPhạ ꞌsướng pảu pú ꞌháu đảy ꞌdệt#ꞌmá, cuông chaư ꞌpo ꞌcọ ꞌhụ#ꞌva đảy ꞌdệt thứk ꞌdệt ꞌmen ꞌTan#chảu. ꞌPo so cáo ꞌquám đảy ꞌdọn ꞌTan#chảu, ꞌpo ꞌlớng ꞌlớng ngắm ꞌhọt ꞌlụk cuông ꞌchớ đé so báu#ꞌva ꞌvến ꞌva#ꞌcứn. 4 ꞌPo ngắm ꞌhọt ꞌchớ ꞌnặm ta khong ꞌlụk#tốc, ꞌpo pháư ꞌmón é hên nả#ꞌlụk, ꞌpưa hảư ꞌpo đảy sôm chaư ꞌmuôn#hom. 5 ꞌLẹo ꞌpo ꞌcọ chứ ꞌviạk ꞌlụk ꞌmí chaư ꞌchưa Chảu ꞌGiê‑ꞌsu#ꞌtẹ, ꞌsướng chaư ꞌchưa ꞌLô‑ít ꞌếm ꞌnái khong ꞌlụk kéng Ơ‑ꞌnịt ꞌếm khong ꞌlụk đảy ꞌchưa ꞌmá#ꞌnặn, ꞌkhạy ꞌpo mẳn chaư#ꞌva ꞌlụk ꞌcọ ꞌchưa pék#căn.

Tít tơn hảư cố ꞌhéng kheng chaư

6 ꞌPo chắng tít tơn ꞌnhá ꞌlứm sia công ꞌphún Chảu Pua ꞌPhạ phớng ꞌdứa#hảư, ꞌlụk đảy nhẳn au ꞌmưa ꞌchớ ꞌpo đảy pông ꞌmứ sáư#ꞌnặn. 7 Khuôn Saư Chảu Pua ꞌPhạ sống ꞌmá hảư ꞌsúm ꞌháu ꞌnặn báu#ꞌmen ꞌdệt hảư ꞌháu pên ꞌcốn khỉ#dản, hák ꞌdệt hảư ꞌmí phép#ꞌhéng, ꞌmí chaư#ꞌhặc, pên ꞌcốn ꞌhụ cứ#ꞌmo. 8 ꞌSướng ꞌnặn ꞌlụk ꞌnhá nả ꞌhại săng nẳng nả ꞌviạk pên chứng hảư ꞌGiê‑ꞌsu phủ pên Chảu Chom#ꞌháu. ꞌLẹo ꞌnhá nả ꞌhại nẳng nả ꞌviạk ꞌpo pên ꞌtú ꞌpộ đảy ꞌkhớng ꞌviạk ꞌTan#chảu. Hák hảư ꞌpơng inh phép ꞌquiến Chảu Pua ꞌPhạ ꞌchịu khổ ꞌtoi ꞌpo ꞌpộ páo kháo ꞌhung saư Chảu ꞌGiê‑ꞌsu. 9 ꞌTan chảu đảy ꞌchoi ꞌháu ók khói sia báp#ꞌsội, ꞌlẹo ꞌcọ đảy ꞌhiạk au ꞌháu ꞌmá pên ꞌcốn ꞌpẹk saư mai ꞌvạy hảư ꞌTan#chảu, báu#ꞌmen ꞌnéo ꞌháu hák ꞌdệt#đảy, ꞌmen công ꞌphún ꞌTan chảu téng hảư pên#ꞌló. Té đaư té đai ꞌTan chảu hák phớng ꞌdứa công ꞌphún ꞌnị hảư ꞌháu ꞌmá ꞌtáng Chảu ꞌGiê‑ꞌsu ꞌKha‑ꞌlịt. 10 ꞌMá ꞌhọt pang ꞌkhạy ꞌnị chắng hên Chảu ꞌGiê‑ꞌsu ꞌKha‑ꞌlịt ꞌmá ꞌchoi ꞌháu ók khói sia báp#ꞌsội. ꞌTan chảu ꞌdệt hảư ꞌvến tai ꞌlái ꞌluội#sia, kháo ꞌhung saư ꞌviạk ꞌTan chảu hảư sóng hên ꞌluống ꞌtáng ꞌmí ꞌchua ꞌlới#ꞌlới. 11 Chảu ꞌGiê‑ꞌsu téng hảư ꞌpo pên phủ páo#kháo, ꞌlẹo ꞌcọ pên ꞌlam#ꞌchạư, pên ꞌsáy bók kháo ꞌhung saư ꞌviạk ꞌTan chảu ꞌnặn#lo. 12 ꞌPưa ꞌsướng#ꞌnặn, ꞌpo chắng chuốp báp ꞌmo khó chaư ꞌnéo#ꞌnị. Pên ꞌsứ đaư ꞌpo ꞌcọ báu#nả ꞌhại#săng. ꞌTan chảu phủ ꞌpo ꞌchưa ꞌnặn pên ꞌsướng đaư ꞌpo ꞌcọ ꞌhụ#ꞌlẹo. ꞌPo mẳn chaư#ꞌva, ăn ꞌpo đảy dao hảư ꞌTan chảu#ꞌnặn, ꞌTan chảu ꞌcọ ꞌmí phép ꞌquiến pảy che ꞌvạy ꞌtạu ꞌhọt ꞌmự sét ꞌván lả#sút.

13 ꞌLuống ꞌtáng đi ꞌtáng ꞌmen ꞌlụk đảy ꞌnghín ꞌpo bók son#ꞌnặn, hảư chứ chăm au ꞌvạy pên ꞌngươn pên ꞌhói đi ꞌlẹo ꞌdệt#ꞌtoi. Cứ chaư#ꞌchưa, ꞌmí chaư#ꞌhặc, ꞌdọn dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt. 14 Hảư ꞌpơng Chảu Khuôn Saư dú cuông chaư ꞌsúm ꞌháu ꞌnặn pảy che ꞌquám đi ꞌpo đảy dao#hảư.

15 ꞌLụk ꞌcọ ꞌhụ ꞌlẹo, ꞌpứng ꞌcốn dú tỉnh ꞌA‑ꞌsia, ꞌtếng#cá ꞌtan ꞌPhi‑ꞌkhê, ꞌtan ꞌHê‑ꞌmô‑kên, phaư ꞌcọ ꞌváng ꞌpo#sia.

16 ꞌPo đé so ꞌGiê‑ꞌsu phủ pên Chảu Chom ín đu ꞌhặc au ꞌchúa ꞌhướn ꞌtan On‑si‑ꞌphô‑ꞌlô, ꞌpưa#ꞌva ꞌtan đảy tủm ꞌpúa chaư ꞌpo lai#ꞌtưa, ꞌtan báu#nả ꞌhại nẳng nả ꞌviạk ꞌpo dú#ꞌtú. 17 Cuông ꞌchớ ꞌtan ꞌmá ꞌhọt ꞌmướng#Lôm, ꞌtan ꞌcọ au chaư sáư sáo ha ꞌpo hảư đảy#ꞌpọ. 18 ꞌPo đé so ꞌGiê‑ꞌsu phủ pên Chảu Chom ín đu ꞌhặc au ꞌtan phủ ꞌnặn ꞌchớ ꞌhọt ꞌmự sét ꞌván lả#sút. ꞌLụk ꞌcọ ꞌhụ chẻng#ꞌlẹo, ꞌchớ dú nẳng ꞌmướng Ê‑ꞌphê‑ꞌsô ꞌnặn ꞌtan ꞌcọ ꞌchạư ꞌviạk ꞌpo lai#ꞌnéo.

*1:2 1:2 ꞌTan Pôn báu ꞌmen ải ók Ti‑ꞌmô‑ꞌthiêu, hák#ꞌva ꞌtan ꞌhặc Ti‑ꞌmô‑ꞌthiêu, chắng ꞌtứ pên ꞌlụk#ꞌchái.