5
ब्रेल्बा
1 ङाइ एनीगदेला गुङरी स्य्हान्दोदेन छ्याम ब्रेल्सी भ्रमुला रो भिबा ताम थेःबान मुला। ओच्छे एनीगदे न्हङला गिकसे मी ह्राङलान आमच्याङदा† “आमच्याङ” भिबा चा आबासे भबा स्य्हान्दो म्रिङ हिन्ना। म्रिङ स्होबा मुला भिबा ताम ङाइ थेःबा मुला। चुह्रङ् लसी मी अर्गु य्हुलला म्हिगदेएनोन ब्रेल्सी आभ्रमुला। 2 तर एनीगदेसे मी घमण्ड लबा मुला। बरु एनीगदेसे मी दुख म्हन्तोःमुबा, ओच्छे थेह्रङ्बा गे लबा म्हिदा एनीगदेला गुङग्याम तेःतोःमुबा। 3 ङा ल्हुइरी एनीगदेदेन छ्याम आरेसै ङाला सेम मी एनीगदेदेन छ्यामनोन मुला। ओच्छे ङा एनीगदेदेन छ्याम मुबा ह्रङ् लसीन थेह्रङ्बा गे लबा म्हिदा ङाइ निसाफ लसी जिन्बा मुला। 4 एनीगदे य्हाङला प्रभु येशूला मिनरी ग्ला गिकरीन ह्रुप तमा, ङाला सेमएनोन एनीगदेदेन छ्यामनोन तला, ओच्छे य्हाङला प्रभु येशूला शक्तिएनोन थेरीन तला। 5 थे धुइरी थेला पाप लबा ल्हुइ† “पाप लबा ल्हुइ” भिबादा पापी बानीबेहोर भिसीएनोन घोखम्ला। नाश तगै भिसी एनीगदेसे थेदा शैतानना यारी जिम्मा लसी पिन्गो। ओच्छे प्रभु दोःसी फेप्खसी निसाफ लबा धुइरी थेला आत्मा चा थार्ला।
6 एनीगदेसे घमण्ड लबा ज्यबा आहिन। ज्योप्बा ब्रारी जजाकी खमीर युमाहेन्से† “ज्योप्बा ब्रारी जजाकी खमीर युमाहेन्से” भिबा चा जजाबा पापसे पूरान मण्डलीदा न्होङ्ना लमुला भिबा हिन्ना। ज्योप्बा जम्मान ब्रादा भोना लमुला भिबा ताम एनीगदेदा था आरे? 7 खमीर आयुना ज्योप्बा छार ब्रा दोबारी एनीगदेसे ङाच्छाला थे आज्यबा खमीर† “आज्यबा खमीर” भिबा चा पाप लबा म्हि हिन्ना। तेःसी भ्याङ्गो। जमाहेन्से एनीगदे खमीर आयुना ज्योप्बा छार ब्रा ह्रङ्बान दोला, तिग्दा भिसम ख्रीष्ट चा मिश्र य्हुल्साग्याम फेसी खबा धिनदा ढन्सी धङ्बा चाडरी बलि फुल्बा ग्यु बोगो ह्रङ्बान दोसी य्हाङला लागिरी बलि तसी जिन्बा मुला। 8 थेतबासेलमा थे खमीर ह्रङ्बा आज्यबा बानीबेहोर थोसी आहिन, तर सेमरी तिगै आज्यबा ताम आथान्ना सत्य ग्यामरी भ्रसी खमीर आयुबा गेङ ह्रङ्बान दोसी चाड धङ्गे।
9 ङाइ ङाच्छान एनीगदेदा ब्रेल्सी भ्रबा म्हिगदेदेन छ्याम संगतनोन थालउ भिसी अर्गु चिठीरी भ्रिबा मुबा। 10 तर चु जम्बुलिङरी मुबा ख्रीष्टदा विश्वास आलना ब्रेल्सी भ्रबागदे, लोभ लबागदे, य्हो लबागदेदेन मूर्तिदा तेन्बा म्हिगदेदेन छ्याम संगतनोन थालउ भिबारी म्हाइबा आहिन। थेह्रङ् भिसम एनीगदेसे चु जम्बुलिङनोन ख्लातोःला। 11 ङाइ भ्रिबा ताम चा चुनोन हिन्ना। ङा ख्रीष्टदा विश्वास लबा म्हि हिन्ना भिसी सुङसे चा पाङ्सी भ्रबा, तर गेसे चा स्य्हान्दोदेन छ्याम ब्रेल्सी भ्रबा, लोभ लबा, मूर्तिदा तेन्बा, म्हिला तामगन लबा, ङ्य्होइसी भ्रबादेन य्हो लबा म्हिदेन छ्याम चा संगतनोन थालउ भिबा हिन्ना। थेह्रङ्बा म्हिदेन छ्याम मी चबा थुङ्बाएनोन थालउ। 12 ख्रीष्टदा विश्वास आलबा मण्डली† “मण्डली” भिबा चा ख्रीष्टदा विश्वास लबा जम्मान म्हिगदे हिन्ना। न्हङरी आरेबा म्हिगदेला निसाफ लबा गे ङाला आहिन। तर ख्रीष्टदा विश्वास लबा मण्डली न्हङला म्हिगदेला निसाफ लबा गे एनीगदेला हिन्ना। 13 ख्रीष्टदा विश्वास आलबा मण्डली न्हङरी आरेबा म्हिगदेला निसाफ मी परमेश्वरसेन लला। परमेश्वरला बचनरी चुह्रङ् भिसी भ्रिबा मुला, “नइबा गे लबा म्हिदा एनीगदेला गुङग्याम तेःगो।”* व्यव १३:५; १७:७
†5:1 “आमच्याङ” भिबा चा आबासे भबा स्य्हान्दो म्रिङ हिन्ना।
†5:5 “पाप लबा ल्हुइ” भिबादा पापी बानीबेहोर भिसीएनोन घोखम्ला।
†5:6 “ज्योप्बा ब्रारी जजाकी खमीर युमाहेन्से” भिबा चा जजाबा पापसे पूरान मण्डलीदा न्होङ्ना लमुला भिबा हिन्ना।
†5:7 “आज्यबा खमीर” भिबा चा पाप लबा म्हि हिन्ना।
†5:12 “मण्डली” भिबा चा ख्रीष्टदा विश्वास लबा जम्मान म्हिगदे हिन्ना।
*5:13 व्यव १३:५; १७:७