1 ⵓⴰ ⵏⴾ ⵀⵍⵙ ⵎⵙⵏ ⴾⵍⵢ ⵏⵎⵛⵏⴰ ⵎⵙⴰ ⴹⵗ ⵏⵎⵤⵍ ⵏ⵿ⵗⵢⵙⴰ ⵍⵎⵙⵈ⵰ ⵙⵓⵔⵢ ⵎⵛⵏⴰ ⵤⴾ ⵏ⵿ⴹⵓⵢⵗ ⵙ ⵜⵔⵢⵜ ⵜⵏ ⵤⴶⵤⵏ ⵢⵜⴹⵏ ⵓⵏ ⵙⵏⴼⵔⵏ⵰ ⵙⵙⵏⵆⵏ ⵜⴹⵜ ⵜⴰ ⵜⵏ⵿ⵤⵜⵙⴾⵏⵜ ⵏⵎⴹ ⵓⵙ ⵤⴶⵏ ⵜⵎⴹⵔ⵿ⵜ ⵜⵏⵎⵏⴾⵜ ⴹⵜⵔⴰ ⵏⵎⵛⵏⴰ⵰ 2 ⵎⴾⵏ ⴹⵗ ⵙ ⵤⴶⵏ ⵜⵎⴰ ⵏ⵿ⵜⵎⴹⵔ⵿ⵜ ⵜⴰ ⵜⵗⵍⵍⵜ⵰ ⵜⵎⴹⵔ⵿ⵜ ⵜⵏ ⵎⵛⵏⴰ ⴹⵢ ⵓⵔ ⵏⵜⴶⵓ ⵀⵂⵓ ⴶⵏ ⵔⴾⵓⵍⵏⵜ ⴹⵜ ⵈⵍⴾ ⵏⴹⵏⵜ⵰ 3 ⵎⵔⵏ ⵎⵛⵏⴰ ⵙⵏⴼⵍⵍ ⵓⵍⵏⵜ ⴹⵗ ⵍⵓⵆ ⵓⵙ ⵜⵙ⵰ ⵓⵍ ⵓⵏ ⵏ⵿ⵜⴰ ⵂⴰ ⵍⵎⵗⵤⴰ ⵓⵙ ⴹⵜⵓⴼⵍⵙⴰ ⵙⴶⵏⵜ ⴹⵗ ⵍⴾⵎⴰ ⵢⵓⵙ ⵎⵔ ⵎⵛⵏⴰ ⴹⵢ ⵏⵏⵙⴼⵙⵏⵏⴰ⵰ 4 ⵂⵍⵆⵢⵏ ⵜⵜⵙ⵰ ⵜⵎⵙⴰ ⵤⵏ ⵀⵔⵔⵏ ⵓⵏ ⵜⴹⵜ ⴹⵔ ⴹⵔⵓⵗ ⵤⴶⵤⵏ⵰ ⴶⵎⵢⴰ ⴹⵗ ⵎⵛⵏⴰ ⴹⵢ ⵏⵀⴰ ⴹⵏⵙⴼⵙⵏⵏⴰ ⵗⵢⵙⴰ ⵍⵎⵙⵈ ⴼⵍⴾ ⴹⵤⵤⵀⵏ ⵔⵈⵎⵜ ⴹⵍⵈⵔ⵰

5 ⵢⵆⵢⵏ ⴹⵗ ⴾⵍ ⵏ⵿ⴾⵔⵜ ⴼⵍ ⴹ ⵜⵙⴾⵙⵓⵗ ⵓⴰ ⴹⵏⵆⵎⵏ ⴹⵗ ⵛⵗⵍⵏⵏⴰ ⵜⵤⵔ ⵜⴶⴰ ⴹⵗ ⴾⵍⴾ ⵏⵗⵔⵎ ⵎⵤⵔⵏ ⵢⵍⴾⵏⵙⵜ ⵜⴰ ⵜⵜⵂⵜ⵰ ⴾⵜⵓ ⵔⵜⵏ ⵓⵏ ⵙ ⴾⵢⵎⵔⴰ ⵜⵏⵎⵙⵏ ⵙ 6 ⴾⵢⵏ ⴹⵗ ⵎⵤⵔⵏ ⵓⵏ ⵂⵔ ⵜⵓⵔⵍⴰ ⵢ ⴼⵔⴶⵏ ⴹⵗⵙ ⴹⵏⵢ ⵔⴾ ⵔⵜ ⵤⵍⴼ ⵜⵏ⵿ⵜⵜ ⵢⴹⴰ ⵍⴰ ⵀⵔⵔⵏ ⵤⴶⵤⵏⵏ ⵙ ⵜⵓⵔⵍⴰ ⵢ ⵤⵏⵏ ⵍⵏ ⵔⴾ ⵍⴹⵀ ⵎⴹⵗ ⵓⵔ ⵀⵔⴹⴶⵏ⵰ 7 ⵏ⵿ⵜⴰ ⵎⵗⵔ ⵏⵍⴾⵏⵙⵜ ⵎⵛⵏⴰ ⵜⴼⵍⵙⵏ ⵤⵤⵔ⵿ⵜⵓ ⵢ ⵜⵎⵜⵢⵏⵜ ⴹⵗ ⴹⵢ ⵍⵤⵎ⵿ⵜⵓ ⴹ ⵎⵙ ⵓⴹⵏ ⵙ ⵜⵓⵔⵍⴰ ⵢ ⴼⵔⴶⵏ ⴹⵗⵙ ⴹⵏⵢ ⵔⴾ ⵔⵜ ⵓⵔ ⴹⴾⵍ ⵎⵏⵜ ⴹⵏⴶ ⵢⵜⴹⵏ ⵓⵔ ⵍⴰ ⵜⴾⵙⵢ ⵏⵓⵍ ⵓⵔ ⵎⵙ ⵎⵛⵓⵢ ⵏⵙⵎⴹ ⵓⵔ ⵎⵙ ⵎⴾⵏⵙ ⵓⵍⴰ ⴹⵗ ⵜⵜⵓ ⵍⵈⵔⵎ⵰ 8 ⴾⵍⵔ ⵔⵜ ⵓⴰ ⵜⵍⵤⵎⵏ ⴹ ⵎⵙ ⵍⵙ ⵂⴰ ⵎⴶⵔⵓ ⵔⴰ ⵎⵤⵍⵏ ⵓⵏ ⵍⵗⵏⵏ ⵎⵙ ⴶ ⵍⵎⵈⵙⴹ ⵏⵎⵤⵍⵍⵗ ⵏⵎⵤⴹⴶ ⵏⴹⵏ ⴹⵗ ⵓⵍⵏⵜ⵰ 9 ⵙⴶⵜⴾⵜ ⵓⵍⵏ ⴹⵗ ⵍⴾⵎ ⵢⵓⵍ ⵓⴰ ⵍⵏ ⵍⵙⵍ ⵙⵎⴾ ⵓⵙ ⵜⵓⵙⵙⵗⵔⴰ⵰ ⵙ ⴶⴰ ⴹⵢ ⴹ ⴶⵔⵓ ⴼⵔⴶⵜ ⵏⴹ ⵜⵎⵔ ⵢⵜⴹⵏ ⵙⵙⵙⵗⵔⵢ ⵓⵏ ⵜⴹⵜ ⵜⴶⵓ ⴼⵔⴶ ⴹⵗ ⴹ ⵙⵜⴹⵓ ⵢⵢⵜⴹⵏ ⵓⵏ ⴹⵙⴶⵓⵍⵏⵏ ⵙ ⵏ⵿ⵜⵏⵢ ⵂⵏⵏ ⵍⵈⵜⴰ⵰

10 ⵏ⵿ⵜⴰ ⵍⵏ⵿ⵜⵓ ⵢⵜⴹⵏ ⴶⵜⵏⵏ ⵓⵍⵏ ⵓⵏ ⴹⴶⵎⴹⵏⵏ ⴾⵍⵍⵢⵂⴹ ⵎⵙⵏⵏ ⵏⴼⵍⴶ ⵛⵓⵍⵏⵏ ⵈⵔⵙⵏ ⵙⵈⵔⴾⵏ ⵢⵜⴹⵏ⵰ 11 ⵢⵜⴹⵏ ⵓⵏ ⴹⵢ ⵍⵤⵎ ⴹ ⵜⵓⴹⵀⵗⵏ ⵎⵓⵏⵙⵏ ⴼⵍⵙ ⵙⵈⵔⴾⵏ ⵗⵓⵏⵜⵏ ⵗⵔⴹⵏⵏ ⵙⵙⵙⵗⵔⵢ ⵏⵔⵜⵏ ⵓⵔ ⵏⵎⴾⵏ⵰ ⵜⵜⵏ ⵙⵓⵏ ⵍⵈⵔⵎ⵰ 12 ⵢⵏ ⴹⵗ ⴾⵍ ⴾⵍⵏⵙⵏ ⵎⵙⵏ ⵏⵀⵢ ⵏⵏ

13 ⵎⵔⵏ ⵔⵜ ⵓⴰ ⵏⴰ ⴹⴰ ⵜⴹⵜ ⵎⵙ⵰ ⵓⵏ ⴹⴰ ⴼⵍⵙ ⴶⵙⵏ ⵔⵗⵎⵜⵏ ⵙⵙⵏⵏ ⴼⵍ ⴹ ⵤⵍⵍⵗ ⵤⴶⵤⵏⵙⵏ 14 ⵆⵎⵏ ⴹⴰ ⵓⵔ ⵍⴾⵎⵏ ⵢ ⵎⵢⵏ ⵏ⵿ⴾⵍⵍⵢⵂⴹ ⴹⴹⴼⵏ ⵏⵢⵜⴹⵏ ⵓⵏ ⵎⵤⵔⵢⵏⵏ ⵜⴹⵜ⵰ 15 ⵔⵜ ⴾⵍ ⵤⴹⴶ ⵢⵢⵜⴹⵏ ⵓⵏ ⵙ ⵤⴹⴶⵏ ⵎⵏⵙⵏ⵰ ⵎⵛⵏ ⵢⵜⴹⵏ ⵓⵏ ⵙ ⵓⵔ ⵤⴹⴶⵏ ⵎⵏⵙⵏ ⴶⵢⵏ ⴹⵗ ⵙⵤⴶⵤⵏ ⵗⵔⵙⵏ ⵓⵔ ⵜⵍⴰ ⵤⴹⴶⵏ ⴼⵍⵙ ⵜⵢⵜⵓⵏⵙⵏ ⴹⵏⵢⵜⵏⵙⵏ ⴾⵍ ⵂⵏⵜ ⵀⴰ ⵏ⵿ⵜⵤⴹⴾ⵰ 16 ⴶⵏⵏ ⴾⵙⴹⵏ ⵎⵛⵏⴰ ⵎⵛⵏ ⵎⵤⵍⵏ ⵓⵏ ⵜⴶⵏ ⵙⵜⴹⵏ ⵙ ⵏ⵿ⴾⵔⵏ⵿ⵜⵓ⵰ ⵎⵙⵏ ⵢⵜⴹⵏ ⵜⴶⵏⵏ ⴶⵜⵏ ⵙⴶⵍⴼⵏⵏ ⵎⵙⵏ ⵏⵎⵤⵔⵢ ⴼⵍ ⵜⵓⵔⵍⴰ ⴶⵢ ⵏⵎⵤⵍ ⵍⵗⵏ⵰