2 “Õꞌacʉ̃, yʉꞌʉ ñaꞌarõ tʉꞌoñaꞌgʉ̃, mʉꞌʉrẽ ʉpʉtʉ sẽrĩapʉ.

Mʉꞌʉ yʉꞌʉ sẽrĩsere yʉꞌtiapʉ.

Yʉꞌʉ wẽrĩse pʉꞌto nígʉ̃, mʉꞌʉrẽ ʉpʉtʉ sẽrĩapʉ.

Mʉꞌʉ yʉꞌʉ sẽrĩsere tʉꞌoapʉ.

3 Yʉꞌʉre maa ʉ̃ꞌcʉ̃abutiaropʉ doqueñoapʉ.

Aco põꞌrãrĩ yʉꞌʉre õꞌmaqueõꞌoapʉ.

Pãꞌcõrĩ paca mʉꞌʉ oꞌóꞌque yʉꞌʉre paaqueõꞌomʉjãpʉ.

4 Tojo waꞌacã, mʉꞌʉ yʉꞌʉre cõꞌawãꞌcãsere tʉꞌoñaꞌpʉ.

‘Mʉꞌʉ ya wiꞌi, mʉꞌʉrẽ ẽjõpeori wiꞌi, ñaꞌase marĩrĩ wiꞌi, Jerusalẽ́ cja wiꞌire ĩꞌasome majã’, ni wãcũasʉ.

5 Yʉꞌʉ aco poꞌpeapʉ nígʉ̃, wẽrĩmiasʉ.

Dia pajiri maa poꞌpeapʉ niapʉ.

Ti maa cjase áburi yʉꞌʉ dʉpoapʉre suꞌriwãꞌamʉjãpʉ.

6 Yʉꞌʉ ʉ̃ꞌcʉ̃abutiaropʉ dijatasʉ.

‘Ne wãꞌcãsome’, ni wãcũmiasʉ.

Õꞌacʉ̃ mʉꞌʉ peꞌe, yʉꞌʉ wiogʉ, yʉꞌʉ wẽrĩboꞌcʉre yʉꞌrʉoapʉ.

7 ‘Yʉꞌʉ catiri ʉmʉco peꞌtirotiro weeꞌe’ nígʉ̃, mʉꞌʉrẽ wãcũapʉ.

Yʉꞌʉ sẽrĩse mʉꞌʉpʉre mʉꞌʉ ya wiꞌi, ñaꞌase marĩrĩ wiꞌipʉ ejapʉ.

8 Ãpẽrã masã na ẽjõpeorã yeeꞌquere ẽjõpeosiruturãnojõ, mʉꞌʉ narẽ maꞌisere masĩtisama.

9 Yʉꞌʉ pũrĩcã mʉꞌʉrẽ eꞌcatise oꞌogʉ, waꞌicʉrãrẽ wẽjẽ ʉ̃jʉ̃amorõpeogʉti.

Mʉꞌʉrẽ ‘Yʉꞌʉ tojo weegʉti’ níꞌquere weegʉti.

Õꞌacʉ̃, mʉꞌʉ niꞌcʉ̃ta masãrẽ yʉꞌrʉogʉ niꞌi”, nicʉ niwĩ Joná.