1 Atonio osi on Esau nanatun wawan agirin, on min wabin tani seyoyorai Edom. 2 Esau on Canaan jever iawanis. Jever ainaiun wabin on Adah, on min Hitt orot wabin Elon on natun jeverei. Jever bairuin wabin on Oholibamah, on min Anah natun jeverei ato on Zibeon Hivi orot on wawan jeverei. 3 ato jever baitonin wabin on Basemath, on min Ishmael natun jeverei a Nebaioth robun. 4 Ato Adah natun orot Eliphas ituai; Basemath natun orot Reuel ituai 5 ato Oholibamah on nanatun orot Jeush, Jalam a Korah itues. Osi fifirig orot engon on Esau nanatun Canaan nan sirat.

6 Namon Esau awawan, nanatun orot, nanatun jeverig a dam warar engon, an bobaitu a sawar gugu ato Canaan tafanamai imama ibinoanai on engon iboen ato tain Jacob ikirir igat inai tafanam taniai nan ima. 7 Esau tain Jacob ikirir inai yabin osi rus asi sawar gugu on irat kwakwan bag a asi bobaitu on sison kwakwan, on mes men fofonin rus efan kaitamomai sitama on. 8 On mes Esau on oyau tafanam wabin Seir, on nan ima. Esau wabin tani min seyoyorai Edom.

9 Atonio on Esau nanatun wawan agirin asi dudur. Osi min Edom yangan nan oyau Seir nan simama. 10 Esau nanatun orot wabis on: Eliphaz, Esau awan Adah on ituai a Reuel on Esau awan Basemath on ituai. 11 Eliphaz nanatun orot, osi wabis on Teman, Omar, Zepho, Gatam a Kenaz. 12 Esau natun Eliphaz mat awan tani wabin Timna, on natun Amalek. Atonio fifi orot on Esau awan Adah, on wawan. 13 Reuel nanatun orot, osi wabis on Nahath, Zerah, Shammah a Mizzah. Atonio fifirig orot on Esau awan Basemath on wawan. 14 Esau awan Oholibamah on nanatun engon ton itu: Osi min Jeush, Jalem a Korah. Oholibamah min Anah natun jeverei a Zibeon wawan jeverei. 15-16 Atonio on dam ta ta Esau emon. On natun ainau orot wabin Eliphaz on nanatun wabis on: Teman, Omar, Zepho, Kezaz, Korah, Gatam a Amalek, osi engon on Esau awan Adah on wawan orot.

17 Esau natun Reuel on nanatun, osi amosi on dam ta ta on ato nanaba: Nahath, Zerah, Shammah a Mizzah. Osi min Esau awan Basemath on wawan orot.

18 Atonio osi dam ta ta on Esau awan Oholibamah, Anah natun jeverei nanatun orot, osi wabis min Jeush, Jalam a Korah. 19 Atonio dam ta ta on Esau, on min Edom on nanatun wawan agirin.

20 Atonio on Seir nanatun orot osi min Hor yangan, ainau Edom nan simama, osi wabis min Lotan, Shobal, Zibeon a Anah, 21 Dishon, Ezer a Disham, osi min Seir nanatun, Hor dam unis Edom nan simama.

22 Lotan nanatun orot, osi wabis min Hori a Homam ato Lotan robun on Timna.

23 Atonio on Shobal nanatun orot, osi wabis min Alvan, Menahath, Ebal, Shepho a Onam.

24 Zibeon nanatun orot, osi wabis min Aiah a Anah. Atonio Anah min on efan koiteterinai nan taman an donkey ikakaifares ato kibubur sareu forabin igaturai. 25 Anah nanatun, osi wabis min Dishon a Oholibamah, on min Anah natun jeverei. 26 Dishon nanatun orot, osi wabis min Hemdan, Eshban, Ithran a Cheran. 27 Atonio osi on Ezer nanatun orot, osi wabis min Bilhan, Zaavan a Akan.

28 Atonio on Dishan nanatun orot, osi wabis min Uz a Aran.

29-30 Atonio on Hor sabu asi dam unis Seir tafanamai simama, osi wabis min Lotan, Shobal, Zibeon, Anah, Dishon, Ezer a Dishan.

31 Atonio on aiwabis ainau Edom tafanamai sibi aiwab weie Israel aiwab imatar. 32 Boar natun Bela on Edom tafanamai ibi aiwab, an mafam gagamin wabin Dinhabah. 33 Bela irabob gibunai Zerah natun Jobab, Bozrah emon on Bela an efan ibo iaiwab. 34 Jobab irabob gibunai, Husham, Teman tafanam emon on an efan ibo i aiwab. 35 Husham irabob gibunai Bedad natun Hadad on an efan ibo i aiwab. Hadad inai Moab tafanamai nan Midian sabu mat sibi gagam ato Hadad i sowar ibo merubes. Hadad an mafam gagamin wabin min Avith. 36 Hadad irabob gibunai Samlah, Masrekah emon on an efan ibo i aiwab. 37 Samlah irabob gibunai Shaul, Rehoboth emon Euphrates sareu bisinai on an efan ibo i aiwab. 38 Shaul irabob gibunai Achbor natun Baal-hanan on an efan ibo i aiwab. 39 Achbor natun Baal-hanan irabob gibunai Hadar on an efan ibo i aiwab. An mafam gagamin wabin Pau ato awan wabin Mehetabel, Matred natun jeverei a Me-zahab wawan jeverei.

40-43 Atonio osi on Edom yangan asi dam unis wabis: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel a Iram. Osi dam kakaita kakaita on mafam mabis mabis on tafanamai nan simair sima, ato osi dam unis wabis on mafam siwabis. On min Esau Edom yangan wawas agiris.