128
Bahiriirwi ngiisi ábali mu simbaha Nahano
1 Luli mu yimbwa na ábali mu zamuukira i Yerusaleemu.
Bahiriirwi, ngiisi ábali mu simbaha Nahano,
banakizi múkulikira.
2 Yabo bandu, ngiisi byo bagweti bagahimbukira kwo, bagaabilya,
banakizi gashaanirwa, iri banagenduukirwa.
3 Mu nyumba yawe, mukaawe agakubutira abaana bingi,
nga muzabibu úgutongesiri kweꞌbitumbwe bingi.
Bagala biinyu, ikyanya bagaaba babwatiiri ku kashasha,
bagakuleetera amiija, nga shibwe zeꞌmizehituuni.
4 Ngiisi úgaaba úsimbahiri Nahano,
kwokwo kwo agakizi gashaanirwa.
5 Nahano akizi kugashaanira, ukulyoka mu kaaya keꞌSayuni.
Ee! Ubonage ngiisi kweꞌYerusaleemu igakizi genduukirwa,
6 unalonge ukubona kiri na bijukulu baawe.
Mu kihugo kyaꞌBahisiraheeri, mukizi ba umutuula.