129
Abagoma baani batakambima
1 Luli mu yimbwa na ábali mu zamuukira i Yerusaleemu.
Ukulyokera mu busore bwani, abagoma bâli kizi ndibuza bweneene.
Kwokwo, Abahisiraheeri badetage kiranga:
2 «Ukulyokera mu busore bwani, bâli kizi ndibuza bweneene.»
Kundu kwokwo, batakambima.
3 Banangora-mabi bâli mali mbeza inguma mu mugongo.
Imiviivi yanaba nga migungira.
4 Na kundu bâli njwesiri neꞌmigozi,
haliko Nahano ananjwekuula.
Emwe! Agweti agaagira íbikwaniini.
5 Ngiisi ábashombiragi akaaya keꞌSayuni,
bagalulirwe inyuma, banahahazibwe.
6 Bakizi ba nga kishuka íkimeziri ku katwe keꞌnyumba.
Mukuba, kiri mu yuma, buzira kukoma.
7 Ikyanya kiri mu kuulwa, kitali mu hisa kiri ifune.
Na úli mu kikuumania, atali mu hisa umubega.
8 Yabo babi, ikyanya abandu bali mu lenga ha butambi lyabo,
hatagire úgababwira, ti: «Nahano akizi mùgashaanira!
Tuli mu mùgashaanira kwiꞌziina lya Nahano.»