142
Sonemba Dae Benunu Sisira.
1 Na Bajari namo sonembare dae koko fuge sorara use,
ghasegai isimberaena.
2 Nanda mema janje jokáda isambu numokena averegeono, ningiraira.
Nanda mema isasambu numokena se tefo eraena.
3 Na sifo reda gofedo ghamo takegha urureari, na nange aetena ava, nu kasama eraira.
Nanda emboro evovodae aminda ya gheraena aminda,
gitofu namoa ufena sandari dae vagho junge fifituseri.
4 Nanda tingu tanga fuge gosuse, imana samana eraena,
avata tofo da kaugo eni jo gae eraena.
Ne na bunariri, namo sorari embo eni tefori.
Nandae genembo mave jo sae eraira.
5 Arie Bajari, na sonembadae mema use, nimokena resena,
“Bajari nanda gagara ari kato nisuka nimori.
Enda eminda irise nisuka nimoa uju eraena.”
6 Namo sonembaso dae ghasega resena, ningi sonembe!
Na gofedo, rojari beká erena.
Nanda gitofu fakina kakatori. Na jo nemongo iraeri. Ágido namoa sonembe bu darigaso dae resena.
7 Na memai bundetiri irena, vujegaso jebugaone!
Amingaresa, ni nandae kavevera tomanako beká eraesa aindae,
na ninda natofo tafaroro ururoro, ainda jokáda fete irise, nindae sakai sarena.