8
8-küy •••• Hudaning insan balisiƣa bolƣan uluƣ pilani
1 Nǝƣmiqilǝrning bexiƣa tapxurulup, «Gittif»ta orunlansun dǝp, Dawut yazƣan küy: —
I, Ɵz ⱨǝywǝngni asmanlardinmu yuⱪiri tikligǝn Pǝrwǝrdigar Rǝbbimiz,
Pütkül yǝr yüzidǝ naming xunqǝ xǝrǝpliktur!□ ««Gittif»ta orunlansun dǝp...» — «Gittif» alimlarning pǝrziqǝ «Gat» xǝⱨiridin qiⱪⱪan birhil saz.
2 Ɵz rǝⱪibliring tüpǝylidin,
Düxmǝn wǝ ⱪisasqilarning aƣzini etixkǝ,
Bowaⱪlar wǝ ǝmgüqilǝrning aƣzidin küq tiklidingsǝn.■ Mat. 21:16
3 Mǝn barmaⱪliringning yasiƣini bolƣan asmanliringƣa,
Sǝn mǝzmut bekitkǝn ay-yultuzlarƣa ⱪariƣinimda,
4 Sǝn insanni seƣinidikǝnsǝn,
Əmdi adǝm degǝn nemǝ idi?
Sǝn uning yeniƣa kelip yoⱪlaydikǝnsǝn,
Insan balisi ⱪanqilik nemǝ idi?■ Ayup 7:17; Zǝb. 144:3; Ibr. 2:6
5 Qünki Sǝn uning ornini pǝrixtilǝrningkidin azƣinǝ tɵwǝn bekittingsǝn,
Sǝn uningƣa xan-xǝrǝp wǝ xɵⱨrǝtlǝrni taj ⱪilip bǝrding.□ «Sǝn uning ornini pǝrixtilǝrningkidin azƣinǝ tɵwǝn bekittingsǝn...» — baxⱪa ikki hil tǝrjimisi bar: (1) «Sǝn uning ornini Hudaningkidin azƣinǝ tɵwǝn bekitkǝnsǝn»; (2) «Sǝn uning ornini pǝrixtilǝrningkidin bir mǝzgillikla tɵwǝn ⱪilƣansǝn».
6 Uni ⱪolungning yasiƣanlirini idarǝ ⱪilixⱪa tikliding;
Sǝn barliⱪ nǝrsilǝrni uning puti astiƣa ⱪoyƣansǝn,■ 1Kor. 15:27
7 Jümlidin barliⱪ ⱪoy-kalilar,
Daladiki barliⱪ janiwarlar,
8 Asmandiki uqar-ⱪanatlar,
Dengizdiki beliⱪlar,
Dengizlarning yolliridin ɵtküqilǝrning barliⱪini puti astiƣa ⱪoydung.
9 I Pǝrwǝrdigar Rǝbbimiz, pütkül yǝr yüzidǝ naming nemidegǝn xǝrǝplik-ⱨǝ!
□8:1 ««Gittif»ta orunlansun dǝp...» — «Gittif» alimlarning pǝrziqǝ «Gat» xǝⱨiridin qiⱪⱪan birhil saz.
■8:4 Ayup 7:17; Zǝb. 144:3; Ibr. 2:6
□8:5 «Sǝn uning ornini pǝrixtilǝrningkidin azƣinǝ tɵwǝn bekittingsǝn...» — baxⱪa ikki hil tǝrjimisi bar: (1) «Sǝn uning ornini Hudaningkidin azƣinǝ tɵwǝn bekitkǝnsǝn»; (2) «Sǝn uning ornini pǝrixtilǝrningkidin bir mǝzgillikla tɵwǝn ⱪilƣansǝn».