12
Israilning axirqi zamandiki bir naxshisi
1 — We shu küni sen: —
— I Perwerdigar, men Séni medhiyileymen;
Sen manga ghezeplen’gining bilen,
Gheziping mendin yötkilip ketti,
We sen manga teselli berding.
2 Mana, Tengri méning nijatimdur;
Men Uninggha tayinimen, qorqmaymen,
Yah Perwerdigar méning küchüm we naxshamdur;
U yene méning nijatim boldi, — deysen.□ «Yah Perwerdigar méning küchüm we naxshamdur...» — muqeddes kitabning mushu terjimiside biz Xudaning «Yahweh» yaki «Jexowah» dégen namini adette «Perwerdigar» dep terjime qilduq. «Yah» bolsa «Yahweh» dégen bu namining qisqartilghan sheklidur.
3 — Shadliq bilen siler nijatliq quduqliridin su tartisiler.■ Yuh. 7:37,38
4 Shu künide siler: —
«Perwerdigargha rehmet éytinglar,
Uning namini chaqirip nida qilinglar;
Uning emellirini xelqler arisida ayan qilinglar,
Uning namining zor abruy tapqanliqini jakarlanglar.■ Yuh. 17:1,4,6,26
5 Perwerdigargha küyler éytinglar,
Chünki U ulugh ishlarni qilghan;
Mana bu pütkül jahan’gha ayan qilinsun!
6 Ziondikiler, tentene qilip jar sélinglar;
Chünki aranglarda turghan Israildiki Muqeddes Bolghuchi büyüktur!» — deysiler.
□12:2 «Yah Perwerdigar méning küchüm we naxshamdur...» — muqeddes kitabning mushu terjimiside biz Xudaning «Yahweh» yaki «Jexowah» dégen namini adette «Perwerdigar» dep terjime qilduq. «Yah» bolsa «Yahweh» dégen bu namining qisqartilghan sheklidur.