1 Resoli'a mofavre Jekopuna kase omino nuna'amofo kahiru henenteno, Jekopuna amanage huno asmi'ne, mofavre onte manine'na frisugi, Mofavre eri fore hunamio. 2 Higeno Jekopuna asi vazigeno Resolina rinkfa henenteno, amanage hu'ne, Nagra Anumzana omni'noanki, aza karimpa hagerfigenka mofavre kamu'ene nosane. 3 Resoli amanage hu'ne, Kato mofani'a Bilha ama mani'neanki, antenka msegeno mofavre kse naminkeno, agripinti nagranena anazanke hu'na mofavre antaneno. 4 Ana huno kato mofa'a Bilhana amigeno anaroza higeno, Jekopu'a anteno mse'ne, 5 ana higeno Bilha'a Jekopunteti amu'ene huno ne'mofavre ksente'ne. 6 Resoli'a amanage hu'ne, Anumzamo fatgoza hu'nane nehuno, nunamuni'a antahino ne'mofavre namie. Ananku huno agi'a Dani'e huno ante'ne. 7 Resoli kato mofa Bilha ete mago'ene amu'ene huno Jekopuna ne'mofavre kse amigeno tare se'ne. 8 Resoli'a nevreno anage hu'ne, Nuna nimofona tusiza hu'na kruno renente'na agateroe. Anage nehuno ana mofavremofo agi'a Naftali'e, huno ante'ne.

9 Hanki Lea'a mago'ene mofavre onte mani'neno keana higeno, kato mofa'a Zilpana avreno Jekopu nenaroza hinogu eme ami'ne. 10 Lea kato mofa Zilpa'a Jekopuna ne'mofavre kse ami'ne. 11 Anante Lea'a amanage hu'ne, Na knare'za hue, nehuno agi'a Gati'e huno antemi'ne. 12 Lea kato a'mo Zilpa ne'mofavre Jekopuna kse amigeno tare se'ne. 13 Ana higeno Lea'a anage hu'ne, Nagra muse nehue, a'nemo'za muse hu'moe hugahaze. Nehuno Asa'e huno agi'a antemi'ne.

14 Witi taga hu'za eme vatu nehaza gnare, Rubeni'a vano hiregati mago'a rone hunte flaua rga'a (Mandrake) erino nerera Lea hirega e'ne. Higeno Resoli'a amanage huno Leana antahige'ne, Muse (plis) hugantoanki Rubeni'ma rone hunte flaua'mofo rga'a eme kamifintira mago'a namio. 15 Hianagi Lea'a amanage hu'ne, Kagra nenavema hanrena'nana osi zampi? Hutenka meni ne' mofavre'nimofo rone hu flaua erisue nehano? Higeno Resoli anage hu'ne, Ha knarere, ana ronehu flauama namisanana nona'a Jekopu'a meni kenage kagrane emasegahie. 16 Ana zupa kinaga Jekopu'a hozaregati ne-egeno, Lea'a kantegati ome nevreno asmi'ne, Kagra nagritega eno, mofavre'nimo nami'nea rone hu flauateti miza se'na Resoli ami'noanki, ana nona'a nagrane msegahane. Higeno ana kenege Jekopu'a Lea'ene mase'ne. 17 Anumzamo Leana antahi amigeno, amu'ene huno 5fu'mofona ne'mofavre Jekopu'na kse ami'ne. 18 Lea ksenenteno anage hu'ne, Anumzamo mizani'a namie, na'ankure eri'za mofani'a nenve avre ami'nogu huno nami'ne. Huteno agi'a Isaka'e huno antemi'ne. 19 Lea'a Isaka amageteti amu'ene huno 6simofona ne'mofavre Jekopuna antemi'ne. 20 Lea'a anage hu'ne, Anumzamo mreri'nea miza muse hunanteno nami'ne. Menia nenave'a nagrane manigahie. Na'ankure 6si'a ne'mofavre kse amue. Nehuno agi'a Zebuluni'e huno ante'ne. 21 Henka'a Zebulun amagetetira mofara mago anteno agi'a Daina'e hu'ne. 22 Anantera Anumzamo Resolina, antahi'nemino mofavre ante ku'a vasnente'ne. 23 Ana higeno amu'ene huno ne'mofavre ksenenteno anage hu'ne: Nagazeza Anumzamo eri amne hunante. 24 Anumzamo ne'mofavre mago'ene namisie, huno nehuno agi'a Josefe'e huno antemi'ne.

25 Resoli'a Josefena kasentetegeno Jekopu'a Labani amanage huno asmi'ne, ha kuma'nirega mopa ni'are vanuanki hunantege'na va'neno. 26 Namio, a'ne ni'ane mofavre naga'enena zamagriku hu'na eri'zanka'a eri'na e'noe, katre'na sa vu'za hue, kagrake'za eri'za erigante'noa zana antahi'nane. 27 Hianagi Labani'a amanage huno Jekopuna asmi'ne, Menima kagrama kvesi nante'sunka nagrane manio, nagrama kagrima kasnampa huna kagoana nagrane mani'nankeno, Ra Anumzamo'a kagriku huno asomu hunenante. 28 Labani'a ru'ene ke avazu huno hu'ne, Mizanka'a agi ahe nasamio, ke hnanama'a ana avamente kamigahue. 29 Jekopu'a amanage huno asmi'ne, Nagrama eri'zanka'a eri'na neogeno maka afukamo knareke huno e'neana, kagra kenka antahinka hu'nane, 30 Nagrama ome'nogenka, kagra osi'a ante'nampinti rukazi hu'ne, nagrama inankna zama hugeno'a Ra Anumzamo kza hu'ne. Hianagi menia, ina zupa nagra ana zanke hu'na a' mofavreni'a zamaza hugahue? 31 Labani'a amanage huno Jekopuna asmi'ne, Na'a nagra kamigahue? Nehigeno Jekopu'a anage hu'ne, Kagra mago zane hunka onamigahane. Kagra magoke zantfa nagrira hunantegahane, nagra mago'ene hu'na afuka'a zga traza me'nesirega kegva hugantegahue, 32 menina natrege'na maka afu zgaka'a mani'nafi vano nehu'na, tupri tapri sipisipine, aganumpa lama anentamo tegre ramine'niane, tupri tapri hu'nenia memene avre rure ha'nenkeno, e'i ana afu'zgamo nagri miza megahie. 33 Henka mizama naminaku hnana zupa, havigema hu'zankura e'i anamo eriama hunantegahie. Hakare'a agrono kre ramineni'ane, tupri tapri osu'nenia memempi, aganumpa osu'nenia lama anenta'enema, nagri afupima kenunka kumzafa se'nane huo. 34 Labani'a amanage hu'ne, Ha knareki kema hanaza huo. 35 Higeno ana zge zupage, agra'a Labani'a vuno maka'a agrono krerami'neane, tupri tapri hune'a ve memene tupri tapri hu'nea a' memene, efeke hu'neane, agnumpa sipisipi afura afete'are amohe'za ome anteza kegva hu'naze. 36 Labani'a taregi magoki zgegna vu'are agri ene Jekopu amu'noznifina me'ne, higeno Jekopu'a ruga'a afu'zgare kva krino mani'ne. 37 Hianagi kva huno mani'neno tgufa ruzahu ruzahu zafamofo azankunatmi akafrino, ukari'za mago'a nehareno nohreno higeno efeke nehuno tupri tapri hu'ne. Ana zafa ukari'ma haregeno'a efeke hu'ne. 38 E'i ana zafa azankunara erino vuno sipisipine mememo'za ti netere nehaza zamure tinkampi, ana zota mopafi ome rentere hu'ne. Tima nenaku esanu'za eme kehogu arentetere hu'ne. Tima nenaku esnu'za ve afu'mo a' afu'mofo agumpi mrerigahie. 39 Hanki e'i ana zafa azanku'na tmi rente'nea tva'onte ve afu'mo a' afu agumpi mrerinkeno ana afu'mo tupri tapri azoka'ene anenta antegahie. 40 Hanki Jekopu'a Labani ve anenta lama azeri anteganti neteno, sipisipia atregeno tupri tapri' azoka'ene agnumpa afu'zga Labani afupi nezmanteno, agra'a afu'zga eri zogino rure ante'ne, Labani afu'pina aru havia osu'ne. 41 Hanki hanve afu'zgamo agumpi mareriza nehazageno'a, Jekopu'a ana zafa azankuna zamuga tinkampi arentetere hu'ne, ana hige'za zafa azankuna arentenea tva'onte agumpina mreritere hu'naze, 42 Hianagi hankve'a omne'nea afu'zgamo, vea'za huku nehigeno'a ana zafa azankunara ome reonte'ne, hankve'a omne'nea afu'zga e'i Labani afu'zge hanve afu'zga Jekopu suzane. 43 Ana nehuno Jekopu'a mrerino feno ne' mani'ne, afu'amo hakare higeno, eri'za vene a'ene, kemorine, donkine, hakare'aza ante'ne.