1 Jekopu'a anage nehuno masetere hume vuno, zge hanati kaziga vahe'mofo mopafi uhnati'ne. 2 Agra kesga huno trazampi keana tinkerire tagufa afu kevu masenageno ke'ne, ana tikerireti sipisipi ramina tina afi nezmize. Hanki ana kerimofo agitera ra have runkni rente'naze. 3 Anante mika sipisipi kva vahe'mo'za utru hute'za, kerimofo agiteti havea atufe ante'ne'za, tina afi'za sipisipi zamia amite'za, ete ana havea atufe'za ana kerimofo avazare runkani rentetere nehzane.

4 Jekopu'a zamagrikura amanage hu'ne, Nafuheta tamagra igatire hige'za? Kenona hu'za tagra Haranitire hu'naze. 5 Agra amanage huno zamasmi'ne, Nahori negehona Labanina ke'nazo? hige'za, zamagra amanage hu'naze. Tagra agrira ke'none hu'naze. 6 Jekopu zamagri zamasmino, Labani knare huno mani'nefi? hige'za, zamagra huza agra knare huno mani'ne, antu ko, agri'mofa Resoli sipisipi zga'ane ne-e. 7 Jekopu'a zamasmino keho, zgea anamifi me'ne, hagi afu'zgarmina eritru hukna omne'ne, ti sipisipi nezmita zamavreta vinkeno traza neho huno nehige'za, 8 zamagra amanage hu'naze, E'inahura osu'nenunkeno mika'a emetru hutena, tinkeri havea avaza'a eritreta tina afi zamisunke'za negahaze.

9 Jekopuma naneke zamagrane nehigeno, Resoli'a nefa sipisipi zamareno ene, agra sipisipi kva a're. 10 Jekopu'a nenogo Labani mofa Resoli sipisipi'ane ne-egeno, negeno Jekopu'a vuno tin kerireti havea rekrehe huno, agri nerera nesaro Labani sipisipia ti afizmi'ne. 11 Anante Jekopu'a Resolina antako hunenteno ranke huno zvi ate'ne. 12 Jekopu'a Resoli asmino, Nfaka'mofo nesaro Rebeka mofavre mani'noe higeno, Resoli agareno vuno nefa ome asmi'ne. 13 Hanki Labani agri nenogo ne' mofavremofo ke nentahino, agareno ome ke'naku vuno, ome anukino antako hunenteno avreno noma'afi ene. Hanki Jekopu'a hakare kea asmi vga'rene. 14 Lebani amanage huno asmi'ne, kagra nagri kora maninane. Jekopu anante mago ika agrane mani'ne.

15 Labani amanage huno Jekopuna asmi'ne, Kagra nagri kora mani'nane, hagi amne eri'za e'origahane? Nasmio, nama'a kagrira miza hugantegahue? 16 Labani'a tare mofatre znante'ne, kotamofo agi'a Lea'e, osi'mofo agi'a Resoli'e. 17 Lea avurgamo'a kzagiri'ne, hagi Resoli avurgamo ene, avufgamo enena knarezantfa hu'ne. 18 Jekopu'a Resoli avesinteno, amanage hu'ne, nagra 7ni'a kafufi osi mofaka'a Resoli erikura erizanka'a erigantegahue. 19 Labani amanage hu'ne, Ru vahe ami'zankura kagrima kamisuana knare hu'neanki nagrane manio. 20 Resolima a' erikura Jekopu'a 7ni'a zgegfu eri'zana eri'ne, ana kna'mo'a agritera osi knasentene, na'ankure agrama Resolima avesinte'negu ana hu'ne.

21 Jekopu amanage Labaniku hu'ne, Knama nmi'nana kna vga'reanki a'nia nmige'na agrane msa'neno. 22 Labani ana kumate miko vahe zamare tru huno, ra ne'za kre'ne. 23 Ana kenegera nefa'a Lea avreno Jekopu ome amigeno anteno mse'ne. 24 Labani'a eri'za erinentea a' Zilpa avreno mofa'a Lea katoza huminogu eme ami'ne. 25 Hanki mseno kotigeno nanterana keana Lea mani'negeno! Agra Labaniku amanage hu'ne, Na'a amazana hunantane? Resolinte erizana eri kantenofi? Nahigenka renavatga hane? 26 Ana hianagi Labani amanage hu'ne, tagri kumapina nagna'amo nuna'amofo agtereno ve' eri'zana omne'ne. 27 Mago sonta manitegeta, tagra mago'mofona kamisnunkenka ete mago'ene 7ni'a zgegfu erizana eri nantegahane. 28 Jekopu'a mago sonta Lea ene mani vgare'tegeno, Lebani mofa'a Resolina avre amigeno nenaro'za hu'ne. 29 Labani'a, Bilha katozama'a e'neri a' avreno Resoli katoza eri aminogu ami'ne. 30 Hanki Jekopu'a Resolina anteno mase'ne, agra Leama avesi nenteama'a agatereno Resolina rama'a avesintene, agra ana nehuno Labanina erizana 7ni'a zgegfufi erinte'ne.

31 Hanki Ra Anumzamo keana Jekopu'a Leana avesi ontegeno, Anumzamo rimpa eri vasne'ne, ana hianagi Resoli'a narvo mani'ne. 32 Lea amu'ene huno ne' ksenteno agi'a Rubeni'e hu'ne, agra amanage hu'ne, Na'ankure Ra Anumzamo natazani'a nazeri knare hiankino, nenave'a avesi nantegahie. * Jekopu a'nemo'za kse zamante'naza mofavre'mokizmi zamagimofo agafa'a ana vesifi metere hu'neanki fgago huta keho. Hanki mago'a agimo'a, zamagi ante'naza kante tvao hukna hu'ne. Zge mofavre'amofo agima Rubeni'e huno ante'neana, Anumzamo knazani'a negeno ne'mofavre nmi'ne, hu'ne. 33 Anante mago'ene amu'ene huno ne' ksenteno amanage hu'ne, Na'ankure Ra Anumzamo antahi namie, nenve avesi onantegeno. Agra mago'ene ama mofavrea nenamie nehuno, Simioni'e huno agia antemi'ne. 34 Anante amu'ene huno ne' kasenteno amanage hu'ne, Menina ama knarera nenave'a tvaonire manigahie. Na'ankure nagra tagufa ne'mofavre kse amue. Ana hu'negu agi'a Levi'e huno antemi'ne. 35 Anante mago'ene amu'ene huno, ne'mofavre ksenteno amanage hu'ne, Menina nagra Ra Anumzamofo agi'a erisga hue. Ana hu'negu agi'a Juda'e hu'ne. Ana huteno ana a'mo mago'ene mofavrea onte'ne.