1 Ama'i Isompinti fore hu'za vu'naza naga'mokizmi zamagi'e, Isona mago agi'a Idomu'e, 2 Iso'a Kenani vahe'mokizmi mofane eri'ne, Ada'a Eloni mofare, Hiti nere. Oholibama agra ana mofare Zibeon ageho'e Hivi nere'. 3 Hanki mago a'mofo agi'a Basemati'e, Ismaeli mofa, Nebaioti nesaro'e. 4 Ada'a Elifazi Isona kse amigeno, Basemati'a Reueli kse ante'ne, 5 Oholibama'a Jeusima, Jalamuma, Korama huno kse zamante'ne. Iso'ma ne'mofavre Kenani mopare mani'negeno fore humi'nea zamagi'e. 6 Iso a'neane, ne'mofavre ane, mofa'neane, maka noma'afi nemniza naga'ane, memene, sipisipi kevune, Bulimaka kevune, mika feno Kenani mani'neno erifore hu'nea fenoma'ane enerino, negna Jekopu atreno afete moparega vu'ne. 7 Maka'za zinimo'a rukzi hige'ne noma emanina'a mopamo'a avitegeno, afu kevu zinimo'a hakare higeno Iso'a atreno vu'ne. 8 Higeno Iso'a Seiri agona moparega umani'ne, Isona mago agi'a Idomu'e. 9 Isopinti fore hu'naza vahe zamagi'a, Iso'a Idomu vahe nezmageho'e Seir agona kokampi nemniza vahere. 10 Iso ne'mofavre mokizmi zamagi'a, Elifazi'a Iso nenaro Ada ne'mofavre, Reueli'a Iso nenaro Basemati ne'mofavre. 11 Hanki Elifazi ne'mofavre zamagi'a Teman, Omar, Zefo, Gatam, Kenasi'za mani'naze. 12 Iso nemofo Elifazi, mago miza e'ori kazokzo a'amofo agi'a Timna'e. Timna'a mago ne'mofavre Elifazi kse ami'ne, agi'a Amaleki'e. Iso nenaro Ada ne'mofavre kse zamante'ne. 13 Hanki Reueli ne'mofavre zamagi'a, Nahati'e, Zera'e, Sama'e, Miza'e. E'i ne'mofavre nagara, Iso nenaro Basemati kse zamante'ne. 14 Isona mago a'amofo agi'a Oholibama'e, Ana mofare, Zibeon negeho'e. Ama Iso nenaro Basemati kse zamante'nea ne'mofavre zamagi'a Jeusi'e, Jalamu'e, Kora'e huno Isona kse ami'ne.

15 Iso nagapinti kva eri'za eri'naza vahe zamagie. Isona agonesa ne'mofavre Elifasi ne' mofavre nagamo'za kva eri'za eri'naza vahe zamagi'a Temani'e, Omari'e, Zefo'e, Kenazi'e, 16 Kora'e, Gatami'e, Amaleki'e. E'i'a kva vahe'tmina Idomu mopafi kva hu'naze, Elifasi nagapinti, Isone nenaro Adakizni znagehoze. 17 Hanki Isona mago a'amofo agi'a Basemati'e, nemofo agi'a Reuel, Reueli ne' mofavre naga kva eri'za eri'naza naga'mokizmi zamagi'a, Nahati'e, Zera'e, Sama'e, Miza'e. Reueli naga Idomu mopafi kva eri'naza mokizmi zamagi'e. 18 Iso nenaro Oholibama ne' mofavre nagapinti kva eri'namokizmi zamagi'e, Jeus'e, Jalami'e, Kora'e. E'i tagufamo'za kva eri'naze, Oholibama Isonteti kse zamante'ne, Oholibama'a Ana mofare. 19 E'ina vahera Iso ne'mofavre fore huno mani'nea vahere, Idomu'e nehaza ne'mofonpinti kvaza eri'naza vahe'mokizmi zamagi'e. 20 Ama Seir ne'mofavre Horati ne' ko'ma ana mopa nfa'a hu'zama mani'naza vahepinti fore hu'za kvaza eri'za mani'naza vahe zamagi'a, Lotani'ma, Sobali'ma, Zibeonize, Ana'ma, 21 Disoni'e, Eseri'e, Disani'e zamagra kva eri'za eri'naza Horaet vahe, Seir ne' mofavre Idomu mopafi mani'naza kva vahe zamagi'e. 22 Lotani ne'mofavre agi'a Hori ene, Hemani enene. Hanki Lotani nesaro'a Timna'e. 23 Sobali ne'mofavre naga zamagi'a Alvani'e, Manahati'e, Ebali'e, Sefo'e, Onami. 24 Zibeoni ne'mofavre nagara, Aia ene, Ana enene. Ana'a agra amuho tinkeri ka'ma mopafi keno eri fore hu'ne. Nefa Zibeoni donki kva huno vano nehuno ana tinkeria ke fore hu'neane. 25 Ana mofavre zamagi'a Disoni'e, Oholibama'e. Oholibama'a, Ana mofare. 26 Disoni ne'mofavre zamagi'a Hemdani'e, Esbani'e, Itrani'e, Kerani'e. 27 Eseri ne'mofavre zamagi'a Bilhani'e, Zavani'e, Akani'e. 28 Disani ne'mofavre zamagi'a Usike, Aranike. 29 Horaeti vahepi kva eri'za eri'naza naga zamagi'a, Lotani'e, Sobalima, Zibeonima, Anama, 30 Disoni'ma, Ezeri'ma, Disani'e. Amai Horati vahepi fore hu'naza kva vahere. Seir mopare nagate nagate mani'neza kva eri'za eri'naza vahe zamagi'e. 31 Hanki ama'i Idomu mopafi kini vahe zamagi'e, Israeli ne' mofavre'mo'za kini vahe fore osu'naza knafi, Idomu mopare kini vahe fore hu'za mani'nazane. 32 Bela agra Beori nemofo kini kvaza erino Idomu kegva kri'ne, rankuma'amofo agi'a Dinhaba. 33 Bela'ma nefrigeno'a, Zera nemofo Jobab, Bozra kumate ne'mo kini kva erino Bela nona eri'ne. 34 Jobabu'ma nefrigeno'a Husamu kini erino kva mani'neane, agra Temanaeti mopareti nere. 35 Husamu nefrigeno Bedati nemofo Hadadi kini huno kva hu'neane, agra Midian vahe ha' huzmanteno Moab zamagtere'nea nere, rankuma'amofo agi'a Avit. 36 Hadadi'ma nefrigeno'a Samla, Masreka kumateti ne'mo kini kva erino kegva hu'ne. 37 Samlama nefrigeno Sauli, Rehobot kumate Yufretis timofo tva'onte ne'mo agri nona eri'ne. 38 Sauli nefrigeno'a Bal-hanan agra, Akbor nemofo kinimofo nona erino kegva hu'ne. 39 Bal-hanan agra, Akbor nemofo nefrigeno'a, Hadari kuma'a erino kini mani'neane, Pao rankumateti ne'mo, Nenaro agi'a Mehetabeli'e, Matreti mofare, Mezahab negeho'e. 40 Isompinti fore hu'za kvaza eri'naza vahe zamagi'a, fore hu'za nagate nofite kuma anteza mani'ne'za kva eritere hu'naze. Timnama, Alvanima, Jetetima, 41 Oholiba'ma, Ela'ma, Pino'ma, 42 Kenazi'ma, Temani'ma, Mibzari'ma, 43 Megdili'ma, imaIrami'e. E'i zamagra Idomu kva nagare, Iso'a Idomu vahe nezmafa'e, nonkuma ante'za nemni'za mopa eri'za mani'nazare, kva hutere hu'za mani'naze.