زبُور 145
داؤد کا نغمہ ،ستائش
1 اے میرے خداوند! اے میرے بادشاہ ! میں تیری تمجید کروں گا۔
میں ابدالآ باد تیرے نام کی ستائش کروں گا۔
2 میں ہر دن تُجھ کو سراہتا ہوں۔
میں ابدالآباد تیرے نام کی ستا ئش کر تا ہوں۔
3 خدا عظیم ہے۔ لوگ اُس کے بے حد ستا ئش کر تے ہیں۔
وہ ان گِنت عظیم کام کر تا ہے۔ ہم اُن کو نہیں گِن سکتے۔
4 اے خداوند! لوگ اُن با توں کی تعریف کر تے ہیں ، جن کو تُو پُشت در پُشت کر تا ہے۔
دُوسرے لوگ ، لوگوں سے اُن حیرت انگیز کاموں کا بیان کریں گے ، جِن کو تُو کرتا ہے۔
5 تیری عظمت اور جلال حیرت انگیز ہے۔
میں تیرے تعجب خیز کاموں کا ذکر کروں گا۔
6 اے خداوند! لوگ اُن حیرت انگیز باتوں کو کہا کریں گے جن کو تُو کرتا ہے۔
میں اُن عظیم کاموں کا بیان کروں گا جن کو تُو کرتا ہے۔
7 لوگ اچھی چیزوں کے با رے میں کہیں گے جن کوتو کرتا ہے۔
وہ تیری اچھا ئی کے با رے میں گیت گا ئیں گے۔
8 خداوند رحیم و کریم ہے۔
خداوند صابر اور شفقّت سے بھر پور ہے۔
9 خداوند سب کے لئے بھلا ہے۔
خدا جو کُچھ کر تا ہے اس میں اپنی رحمت ظا ہر کر تا ہے۔
10 خداوند! تیرے کاموں سے تجھے ستائش ملے گی
اور تیرے سچے پیروکا ر تیری ستائش کریں گے۔
11 وہ لوگ تیری سلطنت کے جلال کا بیان ،
اور تیری قدرت کا چرچا کریں گے۔
12 خداوند اس لئے دیگر لوگ تیری عظمت اور کا رناموں کو جا نیں گے ،
جن کو تو کر تا ہے۔ وہ لوگ تیری پُر جلال بادشاہت کی شہرت کے با رے میں بو لینگے۔
13 اے خداوند! تیر ی سلطنت ابدی سلطنت ہے۔
اور تیری سلطنت پُشت در پُشت رہے گی۔
14 اے خداوند! گِرے ہو ئے لوگوں کو اوپر اُٹھا تا ہے۔
خداوند مُصیبت میں پڑے ہو ئے لوگوں کو سہا را دیتا ہے۔
15 اے خداوند! سبھی جاندار تیری جانب خوراک پا نے کو دیکھتے ہیں۔
توُ اُن کو ٹھیک وقت پر اُن کی غذا دیا کر تا ہے۔
16 اے خداوند! توُ اپنی مٹھی کھو لتا ہے ،
اور توُ سبھی جاندا روں کو وہ ہر ایک چیز جس کی انہیں ضرورت ہے دیتا ہے۔
17 خداوند جو بھی کر تا ہے وہ بالکل ٹھیک اور فیصلہ کن کر تا ہے
خدا جو کچھ کر تا ہے اس میں اپنی محبت ظا ہر کرتا ہے۔
18 خداوند اُن سے قریب تر ہے ، جو اُسے مدد کے لئے پُکا ر تے ہیں۔
خدا ان سب لوگوں کے قریب رہتا ہے جو اُس سے سچی عبادت کر تے ہیں۔
19 خداوند اُن باتوں کو کر تا ہے ، جو انکے ماننے وا لے چا ہتے ہیں۔
خدا اپنے پیرو کا ر کی سُنتا ہے۔ وہ اُن کی دُعاؤں کا جواب دیتا ہے اور ان کو بچا تا ہے۔
20 جس کو خداوند سے محبت ہے، خداوند ہر اُس شخص کو بچا تا ہے۔
مگر خداوند شریروں کو نیست ونابود کر تا ہے۔
21 میں خدا وند کی ستائش کروں گا۔
میری یہ خواہش ہے کہ ہر کو ئی اُس کے پاک نام کی ہمیشہ تعریف کرے۔