زبُور 43
1 اے خدا ! ایک شخص ہے جو تیرا وفادار نہیں ہے۔ وہ شریر ہے اور جھو ٹ بولتا ہے۔
اے خدا، میری وکا لت کر انصاف کر اور ثابت کر کہ میں حق پر ہوں۔
مجھے اس شخص سے بچا لے۔
2 اے خدا ، توہی میری محفوظ جگہ ہے !
توُ مجھے کیوں چھو ڑ بیٹھا ہے ؟
توُ نے مجھ کو یہ کیوں نہیں دکھایا
کہ میں اپنے دشمنوں سے کیسے بچ نکلوں
3 اے خدا؟تُو اپنے نور اور اپنے سچ کو مجھ پر روشن ہو نے دے۔
سچّائی اور تیرا نور مجھ کو راہ دکھا ئیں گے۔ وہ مجھے تیرے کوہ مقدّس پر تیرے مقدس گھر کو لے چلیں گے۔
4 میں تو خدا کی قربان گاہ کے پاس جا ؤں گا۔
میں خدا کے پاس آؤں گا جو مجھے بہت شادماں کرتا ہے۔
اے خدا، اے میرے خدا!
میں ستار بجا کر تیری ستائش کروں گا۔
5 میں اتنا دُکھی کیوں ہوں؟
میں کیوں اتنا بے چین ہوں۔
مجھے خدا کے سہا رے کا انتظار کر نا چاہئے۔
مجھے اب بھی اُس کی ستائش کا موقع ملے گا۔
وہ مجھے بچا ئے گا۔