1Munazator befare shagrid oḳol nirash na oia hamesha zate munazat ḳoroin, oḳan buzanir lagi Isae ek kichcha hunaila. 2Ḳoila, “Kunu eḳ ṭauno eḳzon hakim asla. Ein Allareo ḍoraita na, kunu manshoreo toakka ḳorta na. 3Hou ṭauno eḳ ṛaṛi beṭi asil. Ou beṭie aia hamesha tanre ḳoito, Hakim sab, amare dushmonor at taki basaukka, doya ḳori ou niajjo bisarḳan ḳoroukka. 4I hakime ḳoedin kunta ḳoila na. Bade mone mone ḳoila, Ami to Allare ḍorai na, manshoreo toakka ḳori na, 5oile i ṛaṛie aia to hamesha satae, oḳon ogur niajjo bisarḳan ḳorilai. Naile tai aia bar bar sataibo.”

6Bade huzure ḳoila, “Deḳlae ni, ou naforman hakime kita ḳorse? 7Te zera hamesha dine-raite Allar gese ḳande, Allae kita tan i maear bonda oḳolor hok foriad hunta nae ni? Tain hunte kunu ar deri ḳorba ni? 8Ami ḳoiram, tain zoldi ḳoriu erar hok foriad hunba. Oile ami Bin-Adom dusrabar zebla i duniat aimu, hou shomoe duniat kunu iman faimu ni?”

9Zeta manshe nizore kub forezgar, ar bad-baki hoḳol manshore huru mono ḳorto, Hozrot Isae tarare ou kichcha hunaila. 10Ḳoila, “Duizon manush dua ḳorar lagi Baetul-Mukaddoso gelo. Erar eḳzon Forishi dolor ar dusra zon gushkur ḳazna tulra. 11Forishi beṭae alga ubaia oula dua ḳorlo, O Alla, ami tumar shukria adae ḳorram, ami to shomazor manshor laḳan naforman, zalim, ar zinakur nae, ba ou gushkur ḳazna tulrar laḳano nae. 12Ami haftat duidin ruza raki, ar amar hokkol ruzir dosh baṭor eḳ baṭ tumar name zoḳat dei. 13Oile ou ḳazna tulra beṭae duroi ubai roilo, Allar aroshor bae souk tular shaosho tar oilo na. He bukut mari mari ḳandi ḳandi ḳoilo, O Alla, ami boṛo gunagar, amare rohom ḳoro.

14“Ami tumrare ḳoiram, ou ḳazna tulra beṭau forezgar bonia tar goro gelo, hi Forishi nae. Ashole ze nizore boṛo mono ḳore, tare huru ḳora oibo. Ar ze nizore huru mono ḳore, tare boṛo ḳora oibo.”

15Manshe tarar huru hurutainre loia Isar gese ailo, tain zanu hurutainre atai dia dua ḳoroin. Ita dekia sahabi oḳole manshor ufre biroḳto oia na ḳorla. 16Oile Isae hurutainre tan ḳandat nila, nia ḳoila, “Hurutainre amar ḳandat aibar deo, tarare bada dio na. Allar bashshai to ou nomunar manshor lagiu. 17Ami hok kota ḳoiar, huru huruta bonia Allar shashon na manle, kunu zonu Allar bashshait hamaito farto nae.”

18Hozrot Isar gese fainchaitor eḳ murobbi aila, aia ḳoila, “O hok ustad, amare batai deukka, kita ḳorle ami aḳer faimu?” 19Isae ḳoila, “Amare ḳene hok koira? Ḳali eḳ Alla bade ar ḳeu hok nae. 20Afne to shoriotor hukum-ahkam zanoin,

22Ikan hunia Isae ḳoila, “Oḳon ḳali eḳan ḳam baki ase, afnar hoḳol don-samana besia gorib oḳolre lilla dilaukka. Teu afne behesto don faiba. Bade aia amar ummot oukka.” 23Ikan hunia hi murobbi kub bezar oigela, tain ashole bout boṛo doni asla. 24Tain bezar oigesoin dekia Isae ḳoila, “Doni manush Allar bashshait hamani boṛo moshkil. 25Doni manush Allar bashshait hamanir saite, suir na baedi uṭ hamani aro shuza.”

26Ikan zara hunla, tara aroz ḳorla, “Te ar ḳegie rehai faibo?” 27Tain ḳoila, “Manshor gese zeta oshombob, Allar gese to ita shombob.”

28Ou shomoe Fitore ḳoila, “Huzur, amra to hoḳolta falai toia afnar ummot oisi.” 29Teu Isae sahabi oḳolre ḳoila, “Ami tumrare hasa ḳota ḳoiram, Allar bashshair lagi zera nizor baṛi-gor, ma-baf, bou, fua-fuṛi, bai-birador falaia aise, 30tara ou duniatu er bout beshi faiba, ar bador zindegit aḳero faiba.”

31Bade Isae tan barozon sahabire daro boaila. Boaia ḳoila, “Huno, amra oḳon Zeruzalemo zairam, te ami Bin-Adomor befare nobi oḳole zotota lekia gesoin, ita oḳon fura oibo. 32Amare bidormi zatir ato shofi deoa oibo. Manshe loia ḍong-tamasha ḳorba, beijjot ḳorba, ar tutu ḳori muko sef diba. 33Amare sabuk marba bade ḳatol ḳorba. Moutor tin dinor din ami hirbar zinda oia uṭmu.” 34Oile tan sahabi oḳole ou mator kunu bed buzla na. Tain kita ḳoira tara shomzita farla na, ḳaron tarar gese gufon raḳa oisil.

35Isa zebla Ziriho ṭaunor ḳandat aila, ou shomoe eḳ anda beṭae fotor ḳandat boia bik korat asil. 36Aḳtau bout manshor faor tali hunia beṭae zikailo, “Kita ba, kita or?” 37Manshe ḳoila, “Nasarotor Isae ou fotedi toshrif nira.” 38Ou he sillaia uṭlo, “O Daudor aolad Isa, amare doya ḳoroukka.” 39Sillani hunia biṛor samonor ḳataror manshe tare domoḳ dila, “Chup ḳoro, nirai ro.” Oile he aro zure sillaia ḳoilo, “O Daudor aolad, amare rohom ḳoroukka.”

40Teu Isa ubai gela. Ubaia anda beṭare tan ḳandat anaila. Beṭa daro aia harle tain zikaila, 41“Kita ba, tumare kita ḳortam?” Beṭae ḳoilo, “Huzur, ami ḳali souke deḳtam sai.”

42Isae tare ḳoila, “Aichcha te deḳo. Tumar imanor boleu tumi bala oilae.”

43Loge logeu beṭar souk kuligelo, deḳar shokti failo. Beṭae Allar shukria adae ḳori ḳori tan ḳore oia roana dilailo. Ita dekia hoḳol manshe Allar tarif ḳorla.