1 I Yinni Gusunɔ siɑro.

I Yinni Gusunɔ wom kpɔɔ kuo.

I nùn tɔmɔ tɔmbun suunu sɔɔ be bɑ nùn nɑɑnɛ sɑ̃ɑ.

2 Isireli, ɑ yɛ̃ɛrio wi u nun tɑkɑ kuɑ sɔɔ.

Siɔniɡibu, i yɛ̃ɛrio bɛɛn sinɑ bokon sɔ̃.

3 I nùn siɑro kɑ yɑɑbu.

I nùn siɑro kɑ bɑrɑnu kɑ mɔrɔkunu.

4 Yinni Gusunɔ u win tɔmbu kĩ.

U rɑ wɔnwɔndobu bɛɛrɛ wɛ̃ u bu fɑɑbɑ ko.

5 Be bɑ Yinni Gusunɔ nɑɑnɛ sɑ̃ɑ, bu nɑsɑrɑ suo kɑ bɛɛrɛ bɑkɑ.

Bu nuku dobun kuuki koowo ben kpin yenu wɔllɔ.

6 Bɑ n dɑ Gusunɔ siɑre kɑ bɑɑdommɑ

kpɑ tɑkobi ye bɑ dɛ̃ɛrɑ biru kɑ wuswɑɑ yɑ n wɑ̃ɑ ben nɔmɑɔ

7 bu kɑ bwese tukunu mɔru kɔsie,

kpɑ bu nu sɛɛyɑsiɑ.

8 Kpɑ bu nin sinɑmbu bɔke kɑ yɔni,

kpɑ bu mɑɑ nin wiruɡibu bɔke kɑ sisu,

9 kpɑ bu nu siri nɡe mɛ bɑ yoruɑ.

Yɑ ko n sɑ̃ɑwɑ bɛɛrɛ bɑkɑ win tɔmbun mi be bɑ nùn nɑɑnɛ sɑ̃ɑ.

I Yinni Gusunɔ siɑro.