1 Xihuicaca ica paquilisti para TOTECO,

nochi anmasehualme cati anitztoque ipan ni taltipacti.

2 Xijtequipanoca TOTECO ica paquilisti.

Huan quema anhualahuij iixpa, xihuicatihualaca.

3 Xijmatica cuali para TOTECO, yaya Toteco Dios.

Yaya techchijchijqui.

Amo timochijchijtoque tojuanti.

Tojuanti tiimasehualhua huan tiitztoque quej tiiborregojhua cati techpixtoc ipan ipotrero para techmocuitahuis.

4 Quema ticalaquij ipan itiopa, ma tijtascamatica miyac.

Huan quema tinemij icalixpa, ma tihuicaca.

Quena, ma tijtascamatica huan ma tijpaquilismacaca.

5 Pampa TOTECO yaya nelía cuali.

Nochipa teicnelía huan tetasojta.

Yaya itztos temachti para nochipa ica nochi masehualme cati tacajtihualahuij.