1 དམ༌པའེ༌ སུང༌རབས༌སི༌ ནང༌ང༌ "སྐྱོན༌རྗོད༌ ཅི༌ཞིག༌ ཡོད༌ནའང༌ སྤང༌པོ༌ ཉིས༌ ཡ༌ སུམ༌ ཡོད༌ཏེ༌ མ༌ནེ༌ ཁྲིམས༌ཅད༌ ཏང༌ མི༌ཉན༌"* 13:1 ཁྲིམས༌སི༌ སྤེ༌ཆ༌ ཉིས༌པ༌ 19:15 མོལ༌ཏེ༌ ཡོད༌ཁན༌ ཙོགས༌ལ༌ ངའང༌ ལན༌ སུམ༌པ༌ ཁྱོ༌ཞ༌གུན༌ ཐུག༌ག༌ལ༌ ཡོང༌ཨིན༌ † 13:1 པ༌འུ༌ལུའི༌ ཀོ༌རིན༌ཐི༌ ཆོས༌ཚོགས༌ལ༌ སྤང༌པུད༌ཨིན༌ ཁོང༌ ལན༌ སུམ༌པ༌ ཁོང༌ ཡོད༌ས༌ ཡོང༌ཅེས༌པོ༌ ཁོང༌ངི༌ སྡིག༌པ༌ ཅོ༌ཁན༌ནི༌ གྱབ༌གལ༌ལ༌ མི༌ སུམ༌མི༌ སྤང༌པོ༌ ཏང༌ཁན༌ ཙོགས༌ ཨིན༌ མོལ༌དུག༌། ། 2 ང༌ ཁྱོ༌ཞ༌གུན༌ ཉམ༌པོ༌ ལན༌ ཉིས༌པ༌ ཡོད༌ ཟ༌ནེ༌, ངའེ༌ ཏེ༌ སྡིག༌པ༌ ཅོ༌ཁན༌གུན༌ལ༌ སྤང༌པུད༌ཏེ༌ ཨིན༌པིན༌, ཀ༌ཟུག༌ ངའེ༌ སྔུན༌ལ༌ ཅོའ༌ ཙོགས༌ལ༌, ཏ༌ དག༌ས༌ ཡང༌སྐྱར༌ ངའེ༌ ཁོང༌གུན༌ དང༌ ཞན༌ཡང༌ ཚང༌མ༌ལ༌ སྤང༌པུད༌དད༌, སྟིང༌མ༌ ང༌ ཡོང༌ ཟ༌ནེ༌ སྡིག༌པ༌ ཅོ༌ཁན༌ སུ༌ཞིག༌གའང༌ ངའེ༌ ཆད༌པའེ༌ ཀ༌ནེ༌ མི༌ཐར༌།

3 མ༌ཤི༌ཀའེ༌ ངའ༌ གྱུད༌ཏེ༌ ཞལ༌ཏ༌ སལ༌ལ༌ ཛད༌ཁན༌བོའེ༌ སྤང༌པོ༌ ཁྱོ༌ཞ༌གུན༌ལ༌ གོས༌ པ༌སང༌, ངའེ༌ ཏེ༌གུན༌ ལྟན༌ཨིན༌། མ༌ཤི༌ཀའེ༌ ཁྱོ༌ཞའ༌ སྐྱོང༌ཅེས༌ ཡ༌ རོགས༌ ཛད༌ ཟ༌ནེ༌, ཁོང༌ འུ༌ཐུགས༌ མ༌ཞུགས༌ས༌, མ༌ ཤེད༌ཅན༌ ཞུགས༌ས༌ ཛད༌ད༌ནོག༌། 4 ཞན༌ འུ༌ཐུགས༌སི༌ ནང༌ང༌ ཁོང༌ རྐྱང༌ཤིང༌ངི༌ཀ༌ རྐྱངས༌ཏེ༌ ཀྲོངས༌ནའང༌, ཏ༌ དག༌ས༌ དཀོན༌མཆོག༌གི༌ ཤེད༌དི༌ ནང༌ང༌, ཁོང༌ སོན༌ཏེའ༌ ཞུགས༌ཏེ༌ ཨིན༌ནོག༌། ཏེན༌ན༌ ཙོགས༌ལ༌ མ༌ཤི༌ཀའེ༌ ནང༌ང༌ ང༌ཞ༌གུན༌ནའང༌ འུ༌ཐུགས༌ ཨིན༌, ཨིན༌ནའང༌ དཀོན༌མཆོག༌གི༌ ཝང༌ དང༌ མ༌ཤི༌ཀ༌ ང༌ཞའ༌ ཉམ༌པོ༌ ཡོད༌ཅེས༌པོའེ༌ ང༌ཞའེ༌ ཁྱོ༌ཞ༌གུན༌ལ༌ སྐྱོང༌ཨིན༌ ཡ༌ རོགས༌ ཅོ༌ཨིན༌།

5 ཁྱོ༌ཞའ༌ རང༌ངི༌ ཏད༌པ༌ དྲང༌པོ༌ ཨིན༌ན༌ མན༌, ཏེ༌བོ༌ སྟག༌ཅད༌ ཅོ༌ཤིག༌། རང༌དང༌རང༌ང༌ སྟག༌ཅད༌ ཅོ༌ཤིག༌། ཡེ༌ཤུ༌ མ༌ཤི༌ཀ༌ ཁྱོ༌ཞ༌གུན༌ནི༌ ནང༌ང༌ ཞུགས༌ཏེ༌ ཨིན༌ཁན༌བོ༌ གྱུས༌མེད༌ད༌? ཏེ༌ མན༌ན༌ ཏད༌པ༌ དྲང༌པོའེ༌ སྟག༌ཅད༌དི༌ ནང༌ང༌ ཁྱོ༌ཞ༌གུན༌ ཐར༌ཁྱེལ༌ མ༌ཆའ༌ ཨིན༌ནོག༌། 6 ཡང༌ ང༌ཞའ༌ མ༌ཤི༌ཀའེ༌ དེན༌བའེ༌ སྐུ༌ཚབས༌ ཨིན༌ཁན༌ནི༌ སྟག༌ཅད༌དི༌ ནང༌ང༌ ཁྲངས༌པོ༌ ཨིན༌ཁན༌བོ༌ ཁྱོ༌ཞ༌གུན༌ནི༌ ཧ༌གོ༌ཅེས༌ལ༌ ངའེ༌ རེ༌ཝ༌ ཅོའད༌།

7 ཁྱོ༌ཞ༌གུན༌ནི༌ སྡིག༌པ༌ མི༌ཅོ༌ཅེས༌ལ༌ ང༌ཞའེ༌ དཀོན༌མཆོག༌ག༌ མོས༌ལམ༌ ཕུལ༌ལད༌། ངའེ༌ རེ༌ཝ༌ ཅོའད༌ ང༌ཞའ༌ ཡོང༌ ཟ༌ནེ༌, ཁྱོ༌ཞ༌གུན༌ནི༌ཀ༌ ང༌ཞའེ༌ ཝང༌བོ༌ ལྟན༌གོས༌ མི༌ཡོང༌། ང༌ཞའ༌ ཡོང༌ངི༌ སང༌ སྔུན༌ལ༌ དྲང༌པོའེ༌ ལས༌གུན༌ ཅོ༌ཤིག༌- ཞན༌ ང༌ཞ༌གུན༌ ང༌ཞའེ༌ ཝང༌བོ༌ ལྟན༌ཅེས༌སི༌ ནང༌ང༌ ཐར༌ཁྱེལ༌ མ༌ལུས༌ཁན༌ ཙོགས༌ ཐོང༌སྲིད༌ཅེས༌ ཨིན༌ནོག༌། 8 ང༌ཞ༌གུན༌ནི༌ དྲང༌པོའེ༌ ལབ༌ཞའ༌ གྱབ༌གལ༌ ཅོ༌ མི༌ཉན༌, ཨིན༌ནའང༌ དྲང༌པོ༌ ཅིག༌པོའེ༌ ཕིའ༌ ལས༌ ཅོའད༌། 9 གལ༌ཏེས༌ ཁྱོ༌ཞའེ༌ ཏད༌པ༌ ཤེད༌ཅན༌ ཅོའད༌ན༌ ང༌ཞ༌གུན༌ འུ༌ཐུགས༌ ཐོང༌ཅེས༌ལ༌ ཐད༌པོ༌ རག༌། ཁྱོ༌ཞ༌གུན༌ ཏད༌པའེ༌ ནང༌ང༌ གང༌པོ༌ ལྡན༌ཅེས༌ལ༌ ང༌ཞའེ༌ མོས༌ལམ༌ ཞུའད༌།

10 ངའ༌ ཡོང༌ ཟ༌ནེ༌, ངའེ༌ ཁྱོ༌ཞ༌གུན༌ལ༌ ཆད༌པ༌ སྲན༌ཏྲེ༌ ཏང༌ མི༌གོ༌ཤེས༌སི༌ ཕིའ༌, ངའ༌ ཡོང༌ངི༌ སང༌ སྔུན༌ལ༌, འི༌ ཨི༌གེ༌བོ༌ ཁྱོ༌ཞ༌གུན༌ལ༌ བྲིའད༌, ཅིའ༌ཟེར༌ན༌ གཙོ༌བོའེ༌ ང༌ སལ༌ལ༌ ཛད༌ཁན༌ནི༌ ཝང༌ཆ༌བོ༌ ཁྱོ༌ཞ༌གུན༌ནི༌ ཏད༌པ༌ མེད༌ཁན༌ ཆ༌ཅུག༌ཅེས༌ མན༌པ༌, སྟན༌པོ༌ ཅོ༌ཅེས༌ལ༌ ཀོལ༌ཉིན༌རག༌།

11 སྤུན༌གུན༌ འི༌ སྟིང༌ཇུག༌གི༌ ཚིགས༌པོ༌ ཉམ༌པོ༌ ངའེ༌ ཨི༌གེ༌ བྲི༌ཅེས༌པོ༌ ཚར༌ཅུག༌གད༌། སྐྱིད༌པོ༌ ཅོ༌ཤིག༌, ཏད༌པའེ༌ ནང༌ང༌ གང༌པོ༌ ལྡན༌ཅུག༌ཤིག༌, ཅིག༌ དང༌ ཅིག༌ག༌ སྤོས༌པ༌ ཏོང༌ཤིག༌, ཅིག༌ དང༌ ཅིག༌གི༌ པར༌ལ༌ ཐུན༌བྲེལ༌ དང༌ ཞི༌དེ༌ ཉམ༌པོ༌ དུག༌ཤིག༌, ཏེ༌ནེ༌ ཅེས༌པ༌ དང༌ ཞི༌དེའེ༌ དཀོན༌མཆོག༌ ཁྱོ༌ཞ༌གུན༌ ཉམ༌པོ༌ ཞུགས༌ས༌ ཛད༌ཨིན༌།

12 ཅིག༌ དང༌ ཅིག༌ག༌ ཅམས༌པ༌ ཉམ༌པོ༌ ཇུ༌ ཞུས༌། ‡ 13:12 གིརིས༌སི༌ ནང༌ང༌ འི༌བོ༌ བྲིས༌ཏེ༌ དུག༌ "ཅིག༌ དང༌ ཅིག༌ག༌ དམ༌པའེ༌ པུག༌ ཏོང༌ཤིག༌" 13 འི༌རུ༌ ཡོད༌ཁན༌ནི༌ དཀོན༌མཆོག༌གི༌ མི༌ དམ༌པ༌གུན༌ནི༌, ཁྱོ༌ཞ༌གུན༌ལ༌ ཇུ༌ ཀལ༌དུག༌།

14 གཙོ༌བོ༌ ཡེ༌ཤུ༌ མ༌ཤི༌ཀའེ༌ ཐུག༌རྗེ༌, དཀོན༌མཆོག༌གི༌ ཅེས༌པ༌ དང༌ དམ༌པའེ༌ ཐུག༌ཉིད༌དི༌ བྲེལ༌ ཁྱོ༌ཞ༌གུན༌ ཉམ༌པོ༌ ལུས༌ཤིག༌།།